SUNNUDAGUR 29. MAÍ NÝJAST 20:58

Pelle hetja Ítala gegn Skotum

SPORT

Líkur á ađ alvarleg brot gegn fötluđum hafi misfarist í kerfinu

 
Innlent
19:24 16. JANÚAR 2016
Ţroskahjálp hefur vakiđ athygli á ţekkingarskortinum og orđiđ var viđ ađ mjög
víđa í kerfinu séu einstaklingar sem vilja auka ţekkingu sína á málaflokknum.
Ţroskahjálp hefur vakiđ athygli á ţekkingarskortinum og orđiđ var viđ ađ mjög víđa í kerfinu séu einstaklingar sem vilja auka ţekkingu sína á málaflokknum. VÍSIR

Formaður Þroskahjálpar segir skorta skýrar verklagsreglur fyrir þá sem rannsaka og koma að ofbeldisbrotum gagnvart fötluðu fólki. Hún segir jafnframt líkur á því að alvarleg brot hafi misfarist í kerfinu vegna skorts á slíkum reglum.

Í Fréttablaðinu í dag er fjallað um að engar samræmdar verklagsreglur eru til staðar þegar kemur að rannsókn ofbeldismála gegn fötluðu fólki. Sú staðreynd kemur fram í svari innanríkisráðherra við fyrirspurn Steinunnar Þóru Árnadóttur, þingmanns vinstri grænna. Steinunn segir það vekja upp spurningar hvort þekking þeirra sem koma að slíkum málum sé nægjanlega góð. Undir það tekur Bryndís Snæbjörnsdóttir sem er formaður þroskahjálpar.

„Það er skortur á þekkingu í brotum á meðferð gagnvart fötluðu fólki.“ Landsamtökin hafi vakið athygli á þekkingarskortinum og orðið var við að mjög víða í kerfinu séu einstaklingar sem vilja auka þekkingu sína á málaflokknum.

„Lögreglan á Selfossi er komin með sérstakar verklagsreglur.“

Verklagsreglurnar þurfi að vera heildstæðar og unnar á sama hátt hvar sem er á landinu. Hún segir jafnframt líkur á því að alvarleg brot hafi misfarist í kerfinu vegna skorts á skipulögðu verklagi.

„Já ég tel að það hafi verið vísað frá dómi málum í kynferðisbrotum gagnvart fötluðum konum þar sem ég tal að hafi verið nánast alveg öruggt að það hafi átt sér stað mjög alvarleg brot.“

Hún segir konur og börn í hópi fatlaðra í mestri hættu á að verða fyrir ofbeldi.

„Og það þarf sérfræðiþekkingu til þess að mæta þeim og þess vegna þarf sérstaka menntun og það þarf að mennta dómara, lögfræðinga og lögreglumenn í því hvað það þýðir að sinna málefnum þessa hóps.“

Bryndís kallar eftir aðgerðum stjórnvalda.

„Ég tel að innanríkisráðherra og ríkisstjórnin þurfa að spýta í lófana og taka sérstaklega á þessum þætti.“
 


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Líkur á ađ alvarleg brot gegn fötluđum hafi misfarist í kerfinu
Fara efst