KR komið í undanúrslit

KR varð í kvöld síðasta liðið til þess að tryggja sér sæti í undanúrslitum Valitor-bikars karla. KR lagði þá Keflavík, 3-2, í stórskemmtilegum leik vestur í bæ.

Magnús Þórir Matthíasson kom Keflavík yfir í upphafi leiks en Mývetningurinn Baldur Sigurðsson jafnaði leikinn skömmu síðar með skallamarki.

Bjarni Guðjónsson kom KR síðan yfir fyrir hlé er hann fékk laglega stungusendingu inn fyrir vörn Keflavíkur.

Guðjón Baldvinsson kom KR í 3-1 eftir laglega sendingu frá Kjartani Henry. Héldu þá margir að KR væri búið að landa sigri. Keflavík neitaði aftur á móti að gefast upp og Andri Steinn Birgisson minnkaði muninn á 65. mínútu.

Þrátt fyrir lipur tilþrif á báða bóga urðu mörkin ekki fleiri og KR fagnaði sigri.

KR, ÍBV, BÍ/Bolungarvík og Þór eru því komin áfram í undanúrslit keppninnar.



KR 3 – 2 Keflavík

0-1 Magnús Þórir Matthíasson (5.)

1-1 Baldur Sigurðsson (8.)

2-1 Bjarni Guðjónsson (41.)

3-1 Guðjón Baldvinsson (58.)

3-2 Andri Steinn Birgisson (65.)



Skot (á mark): 14 – 9 (8-6)

Varin skot: Hannes 4 – 4 Ómar

Horn: 6 – 5

Aukaspyrnur fengnar:15– 13

Rangstöður: 3-1

Áhorfendur: óuppgefið

Dómari: Valgeir Valgeirsson 7