Konur hrifnari af samskiptasíðum en karlmenn

Konur eru hrifnari af samskiptasíðum en karlmenn, sem kjósa heldur leikja- og fjárhættuspilasíður, ef marka má nýja rannsókn sálfræðinga í Háskólanum í Bath.

Í rannsókninni er munur kynjanna skoðaður, hvað kynin gera sér til afþreyingar á veraldarvefnum og sýnir að karlmenn eru líklegri til að heimsækja afþreyingar-, fjárhættu-, leikja- og tónlistarsíður.

Konur eru hins vegar hrifnari af samskiptasíðum eins og Facebook og Twitter. Þær eru einning líklegri til að bóka ferðalög á netinu.

Rannsóknin er endurgerð af rannsókn sem gerð var fyrir 10 árum og með komu stórra samskiptasíðna líkt og Facebook má sjá marktækan mun á niðurstöðum.