ŢRIĐJUDAGUR 30. ÁGÚST NÝJAST 13:00

Varđi heilu ári í bónorđiđ - Myndband

LÍFIĐ

Jóni Gerald vísađ út úr Bónus: Var ekki ađ njósna

 
Innlent
06:30 31. JÚLÍ 2009
Jón Gerald Sullenberger
Jón Gerald Sullenberger

Jóni Gerald Sullenberg-er athafnamanni, var vísað út úr verslun Bónuss á Korputorgi á þriðjudaginn.

„Ég veit ekkert af hverju það var. Ég var bara í Ilvu og ákvað að fara inn í Bónus og stóð þar í rólegheitunum. Þá kom ungur maður og bað mig vinsamlegast að yfirgefa búðina og ég varð að sjálfsögðu við því," segir Jón Gerald sem sjálfur hyggst opna lágvöruverðsverslunina Smartkaup á næstunni.

Jóhannes Jónsson, eigandi Bónuss, sagðist ekki hafa heyrt af þessu en telur ekki ótrúlegt að Jóni hafi verið vísað út miðað við hvernig hann hafi rætt um sig og sína í tengslum við Baugsmálið. „Ég hef heyrt af því að hann sé í njósnaferðum í Bónusbúðunum út af þessari búð sem hann er að opna og þá er ekki skrýtið að honum sé vísað á dyr," segir Jóhannes.

Jón Gerald þvertekur fyrir það hafa verið að njósna. „Ég var bara að ganga í gegnum búðina. Ég var búinn að vera þarna í fimm til tíu mínútur þegar mér var vísað út," segir Jón. Hann segist ekki hafa farið í Bónus síðan þetta gerðist en aðspurður segist hann að sjálfsögðu ætla að fara þangað í framtíðinni því öllum sé frjálst að fara inn í verslanir.

Guðmundur Marteinsson, framkvæmdastjóri Bónuss, segir að það hafi orðið eitthvert orðaskak milli Jóns Geralds og starfsmanns hjá sér sem hafi verið á misskilningi byggt. „Jón Gerald er velkominn í okkar búðir, nú sem endranær," segir Guðmundir.




Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Jóni Gerald vísađ út úr Bónus: Var ekki ađ njósna
Fara efst