Íslendingar sækja mjög til Asíu

Alls varð 243 prósent vöxtur í ferðum hjá flugleitarsíðunni Dohop til Asíu fyrstu tvo mánuði ársins, miðað við sama tímabil í fyrra. Samkvæmt tölfræði bókunarvefsins er vaxandi áhugi almennt meðal Íslendinga til áfangastaða í Asíu, en Balí og Bangkok séra sig úr.

Vinsælustu áfangastaðirnir voru í þessari röð: Balí, Bangkok, Tokyo og Maníla en sérstaklega er sprenging í ferðum til indónesísku eyjunnar Balí.

Dohop segist í tilkynningu búast við því að þessi vöxtur verði á svipuðum slóðum aðra mánuði það sem eftir lifir árs.