FIMMTUDAGUR 25. ÁGÚST NÝJAST 14:52

Blikar settu fimm og bćttu stöđu sína

SPORT

Hundur bítur lögmann sinn

 
Innlent
10:03 18. MARS 2016
Dýralögfrćđingurinn Árni Stefán Árnason var bitinn af hundi í vikunni, algerlega óvart.
Dýralögfrćđingurinn Árni Stefán Árnason var bitinn af hundi í vikunni, algerlega óvart.
skrifar

Hinn kunni dýravinur Árni Stefán Árnason, lögmaður sem hefur sérhæft sig í réttindum dýra, varð fyrir því að vera bitinn af hundi. Sé að marka skilaboð hans til vina á Facebook tekur Árni Stefán þessum atburði af stóískri ró, hann tekur þessu sem hverju öðru hundsbiti, ef þannig má að orði komast:

„Var bitinn af hundi í gær. Sá kunni að bíta og er vel tenntur enda flottur hundur, töggur í honum, alvöru hundur. Sagði honum að svona gerdi madur bara við matinn sinn. Setti sarið i kalda sturtu vard strax góður.“

Árni birtir mynd af bitförum og má glögglega af þeim sjá að hundurinn hefur læst tönnum sínum býsna hraustlega í lögmanninn.

Oft er sagt að það sé frétt ef maður bítur hund, ekki ef hundur bítur mann, en þegar hundur bítur lögmann sinn hlýtur það að vera í frásögur færandi.

Í samtali við Vísi segir Árni Stefán þetta slys og klaufaskap af sinni hálfu. Hann lenti í deilu milli tveggja hunda og setti hönd sína á milli. Sem hann hefði betur látið ógert. Um er að ræða Irish Setter-hund sem var í vígahug eftir átök um matarskálar. Árni Stefán segir að hann hafi oft lent í þessu, meira að segja var hann eitt sinn bitinn í höfuðið af stærstu hundategund heims; Stóra Dana.

„Þetta var helvíti sárt. Það er kraftur í hundskjafti og ef maður fær vígtennurnar í sig er það ekkert grín. En, maður lætur höndina í ískalt vatn og þá dragast æðarnar saman og blæðingin stoppar. Þetta er mjög sárt fyrst. Oft fer fólk í stífkrampasprautu en ég hef lent í þessu svo oft að ég þarf þess ekki.“

Dýralögfræðingurinn segir aðspurður það algert kjaftæði að það þurfi að aflífa hunda sem bíta. „Þetta var klaufaskapur í mér. Hundurinn ætlaði ekkert að bíta mig. Þetta var óvart.“


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Hundur bítur lögmann sinn
Fara efst