HM-hópurinn klár: Sveinbjörn og Sturla detta út

Guðmundur Guðmundsson, landsliðsþjálfari í handbolta, tilkynnti leikmönnum það á æfingu nú rétt áðan hvaða sautján leikmenn fá að fara með á HM í handbolta í Svíþjóð.

Guðmundur var búinn að velja 19 manna landsliðshóp sem er búinn að vera við æfingar síðan 3. janúar síðastliðinn. Leikmennirnir sem duttu út á síðustu stundu voru markvörðurinn Sveinbjörn Pétursson og hornamaðurinn Sturla Ásgeirsson.

Íslenska landsliðið vann tvo glæsilega fjögurra marka sigra á Þjóðverjum um helgina þar sem allir fengu að spila nema þriðji markvörður hópsins, Sveinbjörn Pétursson.

Fyrsti leikur liðsins á HM verður á móti Ungverjum á föstudaginn en liðið spilar síðan í framhaldinu við Brasilíu Japan, Austurríki og Noreg.

HM-hópur Íslands 2011:

Markmenn:

Björgvin Páll Gústavsson, Kadetten

Hreiðar Leví Guðmundsson, Emsdetten

Vinstri hornamenn:

Guðjón Valur Sigursson, Rhein-Neckar Löwen

Oddur Gretarsson, Akureyri

Vinstri skyttur:

Arnór Atlason, AG Kaupmannahöfn

Sigurbergur Sveinsson, Rheinland

Leikstjórnendur:

Aron Pálmarsson, Kiel

Snorri Steinn Guðjónsson, AG Kaupmannahöfn

Hægri skyttur:

Ólafur Stefánsson, Rhein-Neckar Löwen

Alexander Petersson, Fücshe Berlin

Ásgeir Örn Hallgrímsson, Hannover-Burgdorf

Hægri hornamenn:

Þórir Ólafsson, Lübbecke

Línumenn:

Róbert Gunnarsson, Rhein-Neckar Löwen

Vignir Svavarsson, Hannover-Burgdorf

Kári Kristján Kristjánsson, Wetzlar

Varnarmenn:

Ingimundur Ingimundarson, AaB Álaborg

Sverre Jakobsson, Groswallstadt

Leikmenn sem duttu út úr landsliðshópnum:

Sveinbjörn Pétursson, Akureyri

Sturla Ásgeirsson, Val