Hljómsveitin Simply Red treður upp í annað sinn í Laugardalshöll Gyða Lóa Ólafsdóttir skrifar 6. október 2015 07:00 Mick Hucknall söngvari Simply Red hefur engu gleymt og mun væntanlega bregða fyrir sig betri fætinum á tónleikunum. Vísir/Getty Breska sálar- og popphljómsveitin Simply Red sækir Ísland heim í annað sinn þann 31. maí næstkomandi og spilar á tónleikum í Laugardalshöll. Sveitin spilaði hér á landi þann 16. júní árið 1986 ásamt hljómsveitinni Lloyd Cole & the Commotions á fyrra kvöldi Listapopps á Listahátíð en seinna kvöldið tróðu hljómsveitirnar Madness og Fine Young Cannibals upp. „Ég sá þá fyrir 30 árum í Laugardalshöll, þá voru þeir rétt að byrja feril sinn og það er gaman að geta séð þá þrjátíu árum síðar á sama stað eftir allar þessar plötur og smelli sem þeir hafa gefið út,“ segir Guðbjartur Finnbjörnsson, sem flytur sveitina inn til landsins, glaður í bragði. „Þeir eru á stórum þrjátíu ára afmælistúr núna sem heitir Big Love. Hann hefst í Evrópu núna síðar í október og sveitin spilar meðal annars í Þýskalandi, Frakklandi, Hollandi, Danmörku og það er allt meira og minna uppselt. Sveitin á dyggan aðdáendahóp og flott lög sem allir þekkja,“ segir Guðbjartur og bætir við: „Sem dæmi spilar sveitin í O2-höllinni í London í desember þrjú kvöld í röð og það er allt orðið uppselt þar þannig að það eru 60.000 manns að fara að sjá hana þar.“ Árið 2010 fór hljómsveitin í pásu en ákvað að fagna þrjátíu ára afmæli sínu með stæl og halda í tónleikaferð. Guðbjartur segir sitt uppáhaldslag með hljómsveitinni vera Holding Back the Years sem finna má á fyrstu breiðskífu sveitarinnar, Picture Book, sem kom út árið 1985. Lagið náði fyrsta sæti á Billbord Hot 100 listanum og varð númer tvö á UK Singles Chart sama ár og er annað lag sveitarinnar sem náði sæti númer eitt í Bandaríkjunum en lagið samdi söngvari og aðalsprauta sveitarinnar, Mick Hucknall, þegar hann var sautján ára gamall. Hljómsveitin var upphaflega nefnd Red sem vísun í gælunafn söngvarans en hann skartaði áberandi rauðum lokkum en nafninu var breytt í Simply Red þegar hljómsveitin spilaði á tónleikastað í upphafi ferilsins og umboðsmaður staðarins átti í erfiðleikum með að ná utan um nafn sveitarinnar. Þá svaraði Hucknall að nafnið væri „Red, simply Red“. Einhvers misskilnings varð vart og var nafnið Simply Red prentað á auglýsingaplaköt fyrir tónleikana og festist í kjölfarið við sveitina. Hljómsveitin hefur á starfsævi sinni gefið út ellefu breiðskífur og selt yfir fimmtíu milljónir eintaka af plötum en meðal helstu smella hennar er til að mynda ábreiða af laginu If You Don't Know Me by Now. Mannaskipan hljómsveitarinnar hefur breyst talsvert á síðustu þrjátíu árum en forsprakki og söngvari sveitarinnar er eini upphaflegi meðlimur hennar. Auk söngvarans verður átta manna hljómsveit á sviðinu og meðal þeirra er hljómborðsleikarinn Ian Kirkham sem spilað hefur með sveitinni síðan árið 1986. Aðspurður segist Guðbjartur sjálfur þrælspenntur fyrir tónleikunum og lofar að sveitin taki alla sína helstu smelli og fleiri til á tónleikunum en miðasala hefst klukkan 10.00 þann 13. október á midi.is. Tónlist Mest lesið Nefnd í höfuðið á tveimur mikilvægum konum í lífi þeirra Lífið Sophia Bush kemur út úr skápnum Lífið Borgarstjóri og frú tóku veislustjórnina að sér Lífið Nýtt upphaf Margrétar: „Búin að heita þessu nafni í rúma viku“ Lífið Grínari selur íbúð í Vesturbænum Lífið Will Smith hrifinn af akureyrsku hjartaljósunum Lífið Aron passaði varla inn í bílinn Lífið „Hann var langt á undan sinni samtíð“ Lífið Fágæt og falleg eign við Flókagötu Lífið Ekki lengur smeykur við að deila kastljósinu með Katrínu Lífið Fleiri fréttir Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Kaleo gefur út sitt fyrsta lag í þrjú ár Víkingur Heiðar á smáskrifborðstónleikum Æðisleg tilfinning að þurfa ekki að geðjast fólki Fögnuðu ekki bara plötunni með Júlí Heiðari heldur lífinu sjálfu „Fór langt fram úr mínum björtustu vonum“ Draumkennd framtíðarvitrun frá heitustu danssveit landsins Átján ára og stefna langt Súperstjörnur landsins fögnuðu með GDRN Hlustendaverðlaunin 2024: Þegar Sveppi og Ásgeir Orri mættu óvænt á sviðið Ítalski píanistinn Maurizio Pollini látinn Hlustendaverðlaunin 2024: Barnakór tók undir með XXX Rottweiler Níu bónorðsbréf til sömu konunnar innblásturinn að nýjustu plötunni Hlustendaverðlaunin 2024: Tónlistaratriðin sem slógu í gegn Myndaveisla: Margt um dýrðir á Hlustendaverðlaunum 2024 Galið að geyma lagið í skúffunni Sjá meira
Breska sálar- og popphljómsveitin Simply Red sækir Ísland heim í annað sinn þann 31. maí næstkomandi og spilar á tónleikum í Laugardalshöll. Sveitin spilaði hér á landi þann 16. júní árið 1986 ásamt hljómsveitinni Lloyd Cole & the Commotions á fyrra kvöldi Listapopps á Listahátíð en seinna kvöldið tróðu hljómsveitirnar Madness og Fine Young Cannibals upp. „Ég sá þá fyrir 30 árum í Laugardalshöll, þá voru þeir rétt að byrja feril sinn og það er gaman að geta séð þá þrjátíu árum síðar á sama stað eftir allar þessar plötur og smelli sem þeir hafa gefið út,“ segir Guðbjartur Finnbjörnsson, sem flytur sveitina inn til landsins, glaður í bragði. „Þeir eru á stórum þrjátíu ára afmælistúr núna sem heitir Big Love. Hann hefst í Evrópu núna síðar í október og sveitin spilar meðal annars í Þýskalandi, Frakklandi, Hollandi, Danmörku og það er allt meira og minna uppselt. Sveitin á dyggan aðdáendahóp og flott lög sem allir þekkja,“ segir Guðbjartur og bætir við: „Sem dæmi spilar sveitin í O2-höllinni í London í desember þrjú kvöld í röð og það er allt orðið uppselt þar þannig að það eru 60.000 manns að fara að sjá hana þar.“ Árið 2010 fór hljómsveitin í pásu en ákvað að fagna þrjátíu ára afmæli sínu með stæl og halda í tónleikaferð. Guðbjartur segir sitt uppáhaldslag með hljómsveitinni vera Holding Back the Years sem finna má á fyrstu breiðskífu sveitarinnar, Picture Book, sem kom út árið 1985. Lagið náði fyrsta sæti á Billbord Hot 100 listanum og varð númer tvö á UK Singles Chart sama ár og er annað lag sveitarinnar sem náði sæti númer eitt í Bandaríkjunum en lagið samdi söngvari og aðalsprauta sveitarinnar, Mick Hucknall, þegar hann var sautján ára gamall. Hljómsveitin var upphaflega nefnd Red sem vísun í gælunafn söngvarans en hann skartaði áberandi rauðum lokkum en nafninu var breytt í Simply Red þegar hljómsveitin spilaði á tónleikastað í upphafi ferilsins og umboðsmaður staðarins átti í erfiðleikum með að ná utan um nafn sveitarinnar. Þá svaraði Hucknall að nafnið væri „Red, simply Red“. Einhvers misskilnings varð vart og var nafnið Simply Red prentað á auglýsingaplaköt fyrir tónleikana og festist í kjölfarið við sveitina. Hljómsveitin hefur á starfsævi sinni gefið út ellefu breiðskífur og selt yfir fimmtíu milljónir eintaka af plötum en meðal helstu smella hennar er til að mynda ábreiða af laginu If You Don't Know Me by Now. Mannaskipan hljómsveitarinnar hefur breyst talsvert á síðustu þrjátíu árum en forsprakki og söngvari sveitarinnar er eini upphaflegi meðlimur hennar. Auk söngvarans verður átta manna hljómsveit á sviðinu og meðal þeirra er hljómborðsleikarinn Ian Kirkham sem spilað hefur með sveitinni síðan árið 1986. Aðspurður segist Guðbjartur sjálfur þrælspenntur fyrir tónleikunum og lofar að sveitin taki alla sína helstu smelli og fleiri til á tónleikunum en miðasala hefst klukkan 10.00 þann 13. október á midi.is.
Tónlist Mest lesið Nefnd í höfuðið á tveimur mikilvægum konum í lífi þeirra Lífið Sophia Bush kemur út úr skápnum Lífið Borgarstjóri og frú tóku veislustjórnina að sér Lífið Nýtt upphaf Margrétar: „Búin að heita þessu nafni í rúma viku“ Lífið Grínari selur íbúð í Vesturbænum Lífið Will Smith hrifinn af akureyrsku hjartaljósunum Lífið Aron passaði varla inn í bílinn Lífið „Hann var langt á undan sinni samtíð“ Lífið Fágæt og falleg eign við Flókagötu Lífið Ekki lengur smeykur við að deila kastljósinu með Katrínu Lífið Fleiri fréttir Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Kaleo gefur út sitt fyrsta lag í þrjú ár Víkingur Heiðar á smáskrifborðstónleikum Æðisleg tilfinning að þurfa ekki að geðjast fólki Fögnuðu ekki bara plötunni með Júlí Heiðari heldur lífinu sjálfu „Fór langt fram úr mínum björtustu vonum“ Draumkennd framtíðarvitrun frá heitustu danssveit landsins Átján ára og stefna langt Súperstjörnur landsins fögnuðu með GDRN Hlustendaverðlaunin 2024: Þegar Sveppi og Ásgeir Orri mættu óvænt á sviðið Ítalski píanistinn Maurizio Pollini látinn Hlustendaverðlaunin 2024: Barnakór tók undir með XXX Rottweiler Níu bónorðsbréf til sömu konunnar innblásturinn að nýjustu plötunni Hlustendaverðlaunin 2024: Tónlistaratriðin sem slógu í gegn Myndaveisla: Margt um dýrðir á Hlustendaverðlaunum 2024 Galið að geyma lagið í skúffunni Sjá meira