ŮRIđJUDAGUR 28. J┌N═ NŢJAST 18:30

═slendingar ey­a Ý Frakklandi sem aldrei fyrr

VIđSKIPTI

Hjßlparst÷rf vi­ ˇmanneskjulegar a­stŠ­ur

 
Innlent
13:31 05. ┴G┌ST 2014

Skurðhjúkrunarfræðingur á vegum Rauða kross Íslands kom inn á Gaza í morgun þar sem hún mun hjúkra stríðssærðum á vegum Rauða krossins næstu vikur við nánast ómanneskjulegar aðstæður.

Elín Oddsdóttir skurðhjúkrunarfræðingur kemur til með að starfa með læknateymi alþjóða Rauða krossins. Þórir Guðmundsson  sviðsstjóri hjálpar- og mannúðarsviðs Rauða kross Íslands segir að mikið álag sé nú á heilbrigðisstarfsfólki Rauða krossins á Gaza.

„Það er auðvitað ákveðin áhætta í því fyrir alla sem starfa á Gaza og við höfum séð að sprengjur hafa fallið á sjúkrahús og þær hafa fallið á flóttamannabúðir undanfarna daga,“ segir Þórir.

Hins vegar sé þetta ásættanleg áhætta þar sem Ísraelsmenn viti vel hvar starfsmenn Rauða krossins starfa og gista.

„Það er ákveðin áhætta sem fylgir því að starfa á stríðssvæði og Elín er vön því. Hún var í suður Súdan fyrr á þessu ári og fer aftur þangað síðar á árinu. Þannig að hún er að vinna sitt starf við þær aðstæður sem þarna eru og þær eru hrikalegar bæði fyrir þá sem eru að hjálpa en ekki síður fyrir það fólk sem þarna býr,“ segir Þórir.

En þótt starfsmenn Rauða krossins hafi sloppið til þessa er ekki hægt að segja það sama um starfsmenn systursamtakanna Rauða hálfmánans. Á föstudag urðu sjúkrahús og skrifstofur palestínska Rauða hálfmánans fyrir árásum, en þegar hafa tveir starfsmenn Rauða hálfmánans látið lífið og 40 særst síðan árásirnar hófust á Gaza.

„Það er svo mikið annríki þarna að á spítölum sem eru vanir að taka á móti kannski fimm til tíu manns á dag, fá kannski 150 manns eftir erfiða nótt og þurfa að sinna mjög erfiðum skotsárum og sárum eftir sprengjubrot og annað slíkt. Þetta eru auðvitað nánast ómanneskjulegar aðstæður,“ segir Þórir.

Hann segir íslenska Rauða krossinn áður hafa aðstoðað Palestínumenn á Gaza og á Vesturbakkanum með því að senda fólk til að þjálfa sjúkraflutningabílstjóra Rauða hálfmánans og síðan sálfræðinga til þjálfunar í áfallahjálp, sérstaklega fyrir börn.

„Svo geri ég ráð fyrir því að um leið og óhætt er þurfi gífurlega mikinn sálrænan stuðning við börn á Gaza og við munum taka þátt í því,“ segir Þórir Guðmundsson.


Deila
Athugi­. Allar athugasemdir eru ß ßbyrg­ ■eirra er ■Šr rita. VÝsir hvetur lesendur til a­ halda sig vi­ mßlefnalega umrŠ­u. Einnig ßskilur VÝsir sÚr rÚtt til a­ fjarlŠgja Šrumei­andi e­a ˇsŠmilegar athugasemdir.

 

MEST LESIđ

  • Nřjast ß VÝsi
  • Mest Lesi­
  • FrÚttir
  • Sport
  • Vi­skipti
  • LÝfi­
ForsÝ­a / FrÚttir / Innlent / Hjßlparst÷rf vi­ ˇmanneskjulegar a­stŠ­ur
Fara efst