Guðrún Sóley líka á leiðinni í bandarísku deildina

Bandaríska liðið Chicago Red Stars hefur mikinn áhuga á að fá landsliðskonuna Guðrúnu Sóleyju Gunnarsdóttur til liðs við sig fyrir næsta tímabil en þetta kom fyrst fram í Morgunblaðinu í morgun. Þar segir að Chicago hafi öðlast valrétt á Guðrúnu og hafði þar betur í samkeppni við bandarísku meistarana Jersey Sky Blue, sem höfðu líka áhuga á henni.

Eins og kunnugt er líklegt að Hólmfríður Magnúsdóttir spili í bandarísku atvinnumannadeildinni á næsta ári eftir að Philadelphia Independence tryggðu sér valrétt á henni á dögunum. Los Angeles Sol hefur síðan einnig valrétt á Margréti Láru Viðarsdóttur síðan í fyrra.

Guðrún Sóley Gunnarsdóttir hefur verið algjör lykilmaður í vörn íslenska landsliðsins síðustu ár og þá hefur hún staðið sig mjög vel með Djurgården á sínu fyrst ári í sænsku úrvalsdeildinni.