FÖSTUDAGUR 2. DESEMBER NÝJAST 18:00

rifja upp gamla tíma

LÍFIĐ

Greiđslur til sérgreinalćkna nćrri ţrefaldast ađ raunvirđi

 
Innlent
06:00 21. JANÚAR 2016
Greiđslur til sérgreinalćkna nćrri ţrefaldast ađ raunvirđi

Greiðslur Sjúkratrygginga Íslands til sérgreinalækna á einkastofum hafa nærri þrefaldast frá árinu árinu 1997. Á árinu 2014 hækkuðu greiðslur um 1,3 milljarða króna frá fyrra ári. Formaður velferðarnefndar segir heilbrigðiskerfið þurfa heildarendurskoðun.

Árið 1997 voru greiðslur til sérgreinalækna rúmir 2,7 milljarðar króna á verðlagi í lok árs 2015. Á árinu 2014 voru greiðslurnar orðnar 7,6 milljarðar króna á núvirði og samkvæmt heimildum Fréttablaðsins eru líkur á að þegar árið 2015 verði að fullu gert upp slái sú upphæð met hvað varðar greiðslur til sérgreinalækna.

Sjúkratryggingar Íslands ákváðu einhliða með tveggja daga fyrirvara í lok árs að loka á nýskráningar sérgreinalækna í samningi við Sjúkratryggingar því kostnaður hefur farið langt fram úr áætlun.

Sigríður Ingibjörg Ingadóttir, formaður velferðarnefndar, telur að hugsa þurfi kerfið upp á nýtt. „Við sameiningu spítalanna í Reykjavík var ekki farið í að efla LSH og byggja yfir alla hina sameinuðu starfsemi og þá gerðist það að sérgreinalæknar fóru að sækja í auknum mæli í einkarekstur utan spítalanna. Þannig hefur óskrifuð pólitísk stefna verið að auka rekstur sérhæfðrar heilbrigðisþjónustu utan sjúkrahúsanna og heilsugæslu,“ segir Sigríður og telur þennan geira varinn með beltum og axlaböndum.

„Heilbrigðisráðherra gerði samning 2014 við sérgreinalækna í sjálfstæðum rekstri sem hækkar til samræmis við verðlag og laun tvisvar á ári og stækkar árlega. Þetta þýðir að einkaþjónustan fær að vaxa meðan hin opinbera tekur á sig aðhald og niðurskurð.“

Á sama tíma og fé hefur nærri þrefaldast frá ríki til sérgreinalækna hefur opinber heilbrigðisþjónusta barist í bökkum að mati stjórnenda stofnana. Páll Matthíasson, forstjóri LSH, sagði í forstjóra­pistli sínum um fjárlagafrumvarpið að hann hefði miklar áhyggjur af stöðunni. „Þegar ég skoða fjárlagafrumvarp næsta árs þá líst mér ekki á blikuna. Ég hef þungar áhyggjur af því að þar skorti ekki aðeins fé til sóknar heldur í raun til óbreytts rekstrar,“ sagði Páll.

Hvorki náðist í heilbrigðisráðherra né landlækni við vinnslu fréttarinnar þrátt fyrir ítrekaðar tilraunir. 


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Greiđslur til sérgreinalćkna nćrri ţrefaldast ađ raunvirđi
Fara efst