Góðmennt hjá Stefáni Mána

Útgáfu bókarinnar Litlu dauðarnir eftir Stefán Mána, sem Sögur útgáfa gefur út, var fagnað í Eymundsson á Skólavörðustíg í gær. Góðmennt var við hófið þar sem höfundur las kafla upp úr bókinni við góðan orðstír.

Bókin hefur verið prentuð með þremur mismunandi bókarkápulitum og hefur það þegar vakið athygli. Kápurnar eru ýmist rauðar, gular eða grænar.

Litlu dauðarnir er fimmtánda bók höfundar sem verður sífellt vinsælli erlendis. Hann fékk nýverið verðlaun í Frakklandi fyrir skáldsögu sína Feigð.