Gleymir aldrei þeim níu sem voru myrtir Snærós Sindradóttir skrifar 13. ágúst 2015 08:00 Þúsundir þýskra mótmælenda tóku á móti Mavi Marmara þegar það kom aftur til Tyrklands eftir margra mánaða bið í Ísrael. Fréttablaðið/EPA „Ég má ekki koma til Ísraels í tíu ár. En ég veit ekki hvort þeir munu nokkurn tíma hleypa mér inn,“ segir Annette Groth, þýskur þingmaður Die Linke, sem er stödd hér á landi og hélt erindi í gær á vegum félagsins Ísland-Palestína. Tilefnið var að í maí voru fimm ár liðin frá því að ísraelskar sérsveitir hertóku hjálparskipið Mavi Marmara sem var á leið með nauðsynjar og hjálparstarfsmenn til Gasasvæðisins fyrir botni Miðjarðarhafs. Skipið var hluti af stærri flota hjálparskipa sem lögðu af stað frá Grikklandi og Svíþjóð. „Ég var fyrst á annarri af tveimur snekkjum sem sigldu undir bandarískum fána frá Krít á Grikklandi. Þegar við lögðum af stað varð fljótt ljóst að það hafði verið unnið skemmdarverk á stýribúnaði annars bátsins svo hann þurfti frá að hverfa til Kýpur. Nokkru seinna kom í ljós að stýribúnaðurinn á bátnum sem ég var á var líka ónýtur.“ Annette segist halda að ísraelska leyniþjónustan hafi skipulagt skemmdarverkin á bátunum. Það hafi þó ekki verið rannsakað. „Þegar við vorum komin til Kýpur treysti ég ekki bátnum. Ég og hinir þrír Þjóðverjarnir fórum fram á að vera flutt á Mavi Marmara, sem var stærsta skip sendifararinnar.“ Eftir þrálátar beiðnir var orðið við óskum Þjóðverjanna. „Andrúmsloftið á Mavi Marmara var frábært. Fullt af blaðamönnum og Al Jazeera var með útsendingu allan sólarhringinn. Það var eins og það væri partí allan daginn.“ Það var svo um tvö að nóttu þann 31. maí að gríðarlegur hávaði heyrðist niður í svefnrými skipsins og taugaóstyrk rödd skipstjórans barst um kallkerfið. „Hann sagði að ísraelski herinn væri búinn að umkringja okkur. Við ættum að halda kyrru fyrir.“Þingkona Annette Groth hefur verið þingkona í Þýskalandi síðan 2009. Hún hefur einnig starfað hjá Flóttamannastofnun SÞ.Fréttablaðið/Anton BrinkÍsraelsk sérsveit hafði umkringt skipið á smærri bátum en einnig sigu hermenn úr þyrlum. Skothríð hófst samstundis með þeim afleiðingum að níu manns létu lífið og margir slösuðust alvarlega. „Sá tíundi lést á síðasta ári. Hann hafði verið í dái alveg síðan árásin varð,“ segir Annette. „Það sem sló mig mest og ég mun aldrei gleyma var að við vorum handjárnuð. Þeir tóku allt af okkur. Seinna fundum við blað með upplýsingum um þá farþega sem mikilvægast var að ná. Það var mynd af mér á því blaði.“ Fleiri þekktir einstaklingar voru um borð í bátnum, meðal annars annar þýskur þingmaður og sænski glæpasagnahöfundurinn Henning Mankell, sem er þekktastur fyrir bækurnar um Kurt Wallander. Skipverjar voru fluttir til yfirheyrslu í ísraelskum herbúðum. Annette lýsir því hvernig hátt í sjö hundruð yfirheyrslutjöldum var komið fyrir inni í byggingunni. „Þeir reistu heila borg fyrir okkur.“ Sólarhring eftir að hafa verið handtekin var Annette látin laus ásamt nokkrum öðrum Þjóðverjum. Flogið var með hana heim til Þýskalands. Annette hefur áfram tekið þátt í baráttunni gegn aðgerðum Ísraels. Hún segir að frjálslyndir Ísraelsmenn hafi leitað til sín því almenningsálitið í Ísrael, undir ríkisstjórn Benjamíns Netanjahú, hafi breyst mjög og sé orðið mjög andvígt frjálslyndum, vinstrisinnuðum gyðingum. Annette vill meðal annars að samstarfssamningi Ísraels og Evrópusambandsins verði rift. „Ég trúi því að án mjög þungra efnahagsþvingana muni ekkert breytast.“ Mest lesið Vaktin: Tillagan samþykkt og annarri umræðu um veiðigjöld lokið Innlent Lögregla rannsakar alvarlegt slys í Lágafellslaug Innlent Krefjast bóta verði ekki fallið frá áformum um skólaþorp Innlent Velti bílnum við Fjarðarhraun Innlent Fundu 36 hugsanlega þolendur mansals á Íslandi í alþjóðlegri lögregluaðgerð Innlent Tekur önnur Íslendinga þátt í erfiðustu og lengstu kappreið í heimi Innlent „Þetta er alvarlegur áfellisdómur yfir forsætisráðherra“ Innlent Sex vikið úr starfi vegna banatilræðis gegn Trump Erlent Þriðjungur endurreisnarinnar gæti fallið á Rússa Erlent Fordæmalaus ákvörðun sem gæti breytt Alþingi til framtíðar Innlent Fleiri fréttir „Hræðilegar fréttir fyrir lýðræðið á Íslandi“ Fordæmalaus ákvörðun sem gæti breytt Alþingi til framtíðar Dramatík á Alþingi og bílastæðablús hjá World Class Velti bílnum við Fjarðarhraun Flytja hluta starfsemi SAk vegna myglu Sjá ekki fyrir endann á umfangsmikilli rannsókn á fíkniefnaframleiðslu „Þetta er alvarlegur áfellisdómur yfir forsætisráðherra“ Vaktin: Tillagan samþykkt og annarri umræðu um veiðigjöld lokið Fundu 36 hugsanlega þolendur mansals á Íslandi í alþjóðlegri lögregluaðgerð „Eftir þetta hvassviðri í þinginu í gær heldur lífið áfram“ Tekjur af laxveiði í Borgarfirði eru vel yfir 50% af tekjum landbúnaðar á svæðinu Krefjast bóta verði ekki fallið frá áformum um skólaþorp Halda áfram að ræða veiðigjöldin Tekur önnur Íslendinga þátt í erfiðustu og lengstu kappreið í heimi Draga Dettifoss til Reykjavíkur Sleginn í andlitið með hnúajárni Lögregla rannsakar alvarlegt slys í Lágafellslaug Þingfundi frestað: Stjórnarandstaðan lagði fram „aðeins mýkri“ tillögu „Það er þarna sem rússneskir kafbátar fara í gegn“ Hélt á lokuðu umslagi Tillögur „ekki afhentar í lokuðu umslagi“ Uppþot og fúkyrði á þinginu og bandarískur kjarnorkukafbátur Jökulhlaupið í rénun Reyna að stilla til friðar í bakherbergjum Alþingis Segir ummæli ráðherra um sig ógeðfelld Fundu tuttugu kíló af grasi eftir húsleit í Hafnarfirði Mennirnir þrír sjáist ekki í myndefni Vara við slysahættu vegna kaldavatnsleysis Vilja herða reglur um frágang rafhlaupahjóla í Reykjavík Segir valkyrjur rangnefni og vill kalla þær skjaldmeyjar Sjá meira
„Ég má ekki koma til Ísraels í tíu ár. En ég veit ekki hvort þeir munu nokkurn tíma hleypa mér inn,“ segir Annette Groth, þýskur þingmaður Die Linke, sem er stödd hér á landi og hélt erindi í gær á vegum félagsins Ísland-Palestína. Tilefnið var að í maí voru fimm ár liðin frá því að ísraelskar sérsveitir hertóku hjálparskipið Mavi Marmara sem var á leið með nauðsynjar og hjálparstarfsmenn til Gasasvæðisins fyrir botni Miðjarðarhafs. Skipið var hluti af stærri flota hjálparskipa sem lögðu af stað frá Grikklandi og Svíþjóð. „Ég var fyrst á annarri af tveimur snekkjum sem sigldu undir bandarískum fána frá Krít á Grikklandi. Þegar við lögðum af stað varð fljótt ljóst að það hafði verið unnið skemmdarverk á stýribúnaði annars bátsins svo hann þurfti frá að hverfa til Kýpur. Nokkru seinna kom í ljós að stýribúnaðurinn á bátnum sem ég var á var líka ónýtur.“ Annette segist halda að ísraelska leyniþjónustan hafi skipulagt skemmdarverkin á bátunum. Það hafi þó ekki verið rannsakað. „Þegar við vorum komin til Kýpur treysti ég ekki bátnum. Ég og hinir þrír Þjóðverjarnir fórum fram á að vera flutt á Mavi Marmara, sem var stærsta skip sendifararinnar.“ Eftir þrálátar beiðnir var orðið við óskum Þjóðverjanna. „Andrúmsloftið á Mavi Marmara var frábært. Fullt af blaðamönnum og Al Jazeera var með útsendingu allan sólarhringinn. Það var eins og það væri partí allan daginn.“ Það var svo um tvö að nóttu þann 31. maí að gríðarlegur hávaði heyrðist niður í svefnrými skipsins og taugaóstyrk rödd skipstjórans barst um kallkerfið. „Hann sagði að ísraelski herinn væri búinn að umkringja okkur. Við ættum að halda kyrru fyrir.“Þingkona Annette Groth hefur verið þingkona í Þýskalandi síðan 2009. Hún hefur einnig starfað hjá Flóttamannastofnun SÞ.Fréttablaðið/Anton BrinkÍsraelsk sérsveit hafði umkringt skipið á smærri bátum en einnig sigu hermenn úr þyrlum. Skothríð hófst samstundis með þeim afleiðingum að níu manns létu lífið og margir slösuðust alvarlega. „Sá tíundi lést á síðasta ári. Hann hafði verið í dái alveg síðan árásin varð,“ segir Annette. „Það sem sló mig mest og ég mun aldrei gleyma var að við vorum handjárnuð. Þeir tóku allt af okkur. Seinna fundum við blað með upplýsingum um þá farþega sem mikilvægast var að ná. Það var mynd af mér á því blaði.“ Fleiri þekktir einstaklingar voru um borð í bátnum, meðal annars annar þýskur þingmaður og sænski glæpasagnahöfundurinn Henning Mankell, sem er þekktastur fyrir bækurnar um Kurt Wallander. Skipverjar voru fluttir til yfirheyrslu í ísraelskum herbúðum. Annette lýsir því hvernig hátt í sjö hundruð yfirheyrslutjöldum var komið fyrir inni í byggingunni. „Þeir reistu heila borg fyrir okkur.“ Sólarhring eftir að hafa verið handtekin var Annette látin laus ásamt nokkrum öðrum Þjóðverjum. Flogið var með hana heim til Þýskalands. Annette hefur áfram tekið þátt í baráttunni gegn aðgerðum Ísraels. Hún segir að frjálslyndir Ísraelsmenn hafi leitað til sín því almenningsálitið í Ísrael, undir ríkisstjórn Benjamíns Netanjahú, hafi breyst mjög og sé orðið mjög andvígt frjálslyndum, vinstrisinnuðum gyðingum. Annette vill meðal annars að samstarfssamningi Ísraels og Evrópusambandsins verði rift. „Ég trúi því að án mjög þungra efnahagsþvingana muni ekkert breytast.“
Mest lesið Vaktin: Tillagan samþykkt og annarri umræðu um veiðigjöld lokið Innlent Lögregla rannsakar alvarlegt slys í Lágafellslaug Innlent Krefjast bóta verði ekki fallið frá áformum um skólaþorp Innlent Velti bílnum við Fjarðarhraun Innlent Fundu 36 hugsanlega þolendur mansals á Íslandi í alþjóðlegri lögregluaðgerð Innlent Tekur önnur Íslendinga þátt í erfiðustu og lengstu kappreið í heimi Innlent „Þetta er alvarlegur áfellisdómur yfir forsætisráðherra“ Innlent Sex vikið úr starfi vegna banatilræðis gegn Trump Erlent Þriðjungur endurreisnarinnar gæti fallið á Rússa Erlent Fordæmalaus ákvörðun sem gæti breytt Alþingi til framtíðar Innlent Fleiri fréttir „Hræðilegar fréttir fyrir lýðræðið á Íslandi“ Fordæmalaus ákvörðun sem gæti breytt Alþingi til framtíðar Dramatík á Alþingi og bílastæðablús hjá World Class Velti bílnum við Fjarðarhraun Flytja hluta starfsemi SAk vegna myglu Sjá ekki fyrir endann á umfangsmikilli rannsókn á fíkniefnaframleiðslu „Þetta er alvarlegur áfellisdómur yfir forsætisráðherra“ Vaktin: Tillagan samþykkt og annarri umræðu um veiðigjöld lokið Fundu 36 hugsanlega þolendur mansals á Íslandi í alþjóðlegri lögregluaðgerð „Eftir þetta hvassviðri í þinginu í gær heldur lífið áfram“ Tekjur af laxveiði í Borgarfirði eru vel yfir 50% af tekjum landbúnaðar á svæðinu Krefjast bóta verði ekki fallið frá áformum um skólaþorp Halda áfram að ræða veiðigjöldin Tekur önnur Íslendinga þátt í erfiðustu og lengstu kappreið í heimi Draga Dettifoss til Reykjavíkur Sleginn í andlitið með hnúajárni Lögregla rannsakar alvarlegt slys í Lágafellslaug Þingfundi frestað: Stjórnarandstaðan lagði fram „aðeins mýkri“ tillögu „Það er þarna sem rússneskir kafbátar fara í gegn“ Hélt á lokuðu umslagi Tillögur „ekki afhentar í lokuðu umslagi“ Uppþot og fúkyrði á þinginu og bandarískur kjarnorkukafbátur Jökulhlaupið í rénun Reyna að stilla til friðar í bakherbergjum Alþingis Segir ummæli ráðherra um sig ógeðfelld Fundu tuttugu kíló af grasi eftir húsleit í Hafnarfirði Mennirnir þrír sjáist ekki í myndefni Vara við slysahættu vegna kaldavatnsleysis Vilja herða reglur um frágang rafhlaupahjóla í Reykjavík Segir valkyrjur rangnefni og vill kalla þær skjaldmeyjar Sjá meira