Hótelið alls ekki sex hundruð metra frá ströndinni Kolbeinn Tumi Daðason skrifar 11. apríl 2024 16:51 Ekki kemur fram í úrskurðinum hvert parið ferðaðist. En hótelið var töluvert lengra frá ströndinni eða vatninu en þessi hús hér. Unsplash/Mariya Georgieva Íslenskt par sem ferðaðist á suðrænar slóðir í fyrrasumar fær 130 þúsund króna afslátt af ferðalagi sínu úr hendi ferðaskrifstofu sem bókaði ferðina. Hótelið var mun lakara en auglýst hafði verið auk þess sem ströndin var alls ekki í nokkur hundruð metra fjarlægð eins og auglýst hafði verið. Þetta er niðurstaða kærunefndar um vöru- og þjónustukaup. Par keypti sér vikulanga pakkaferð sumarið 2023 og greiddi 293 þúsund krónur fyrir flug, gistingu og hálft fæði. Í kvörtun parsins til kærunefndarinnar kom fram að hótelið hefði verið auglýst sem fallegt sveitahótel í 600 metra fjarlægð frá strönd og um 90 mínútna akstursfjarlægð frá flugvelli. Hins vegar hafi komið í ljós að hótelið var staðsett í fjallshlíð í 7,2 kílómetra fjarlægð frá strandvegi. Þá var ástand herbergisins ekki gott að sögn parsins. Þá vísaði parið til þess að rúmið hefði verið gamalt, engar hurðir á skápum, sjónvarpið hafi verið lítið og lélegt og að enginn ísskápur eða loftræsting hafi verið á herberginu. Þá benti parið á að maturinn á hótelinu hefði verið óætur. Fólkið kvartað símleiðis og með tölvupósti og bauðst á fjórða degi að láta færa sig í annað herbergi. Þau ákváðu að yfirgefa hótelið og gista annars staðar í þrjár nætur. Kröfðust þau að fá endurgreidd 57% af ferðinni eða sem svaraði til fjögurra nótta af sjö. Auk þess 115 þúsund í skaðabætur vegna kostnaðar af gistingu á öðrum stað. Ferðaskrifstofan, sem ekki er nefnd á nafn í úrskurðinum, bar fyrir sig að um hefði verið að ræða þriggja stjörnu hótel sem væri almennt lakari en fjögurra eða fimm stjörnu hótel. Hótelskortur væri á svæðinu yfir hásumarið og gæði gististaða önnur en á nálægðum svæðum með nýrri hótelum. Þá bæru kaupendur alltaf ábyrgð á að staðreyna að það sem í boði væri henti þeirra þröfnum. Þá hafi ferðaskrifstofan þurft að gera upp við alla birgja. Nefndin féllst á það með parinu að aðbúnaður hafi verið lakari en reikna mætti með á þriggja stjörnu hóteli. Ferðaskrifstofan hefði ekki fullnægt skyldum sínum með boði um að skipta um hótelherbergi. Parið ætti því rétt á afslætti. Var ákveðið að parið fengi 130 þúsund krónur í afslátt sem svaraði til gistingar og fæðis síðustu þrjár næturnar til viðbótar við hæfilegan afslátt vegna tímans sem þau dvöldu á hótelinu. Kröfu um skaðabætur var vísað frá enda gætu þau ekki bæði krafist afsláttar og bóta. Ertu með upplýsinga eða myndir sem tengjast efni fréttarinnar? Endilega sendu okkur á ritstjorn@visir.is. Fullum trúnaði er heitið. Ferðalög Neytendur Íslendingar erlendis Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Hann eyðileggur alltaf alla stemningu um leið og hann kemur“ Atvinnulíf Að gera ekki algeng mistök sem stjórnandi í fyrsta sinn Atvinnulíf Vilja rannsaka meint samráð með OPEC Viðskipti erlent Nýjum alþjóðaflugvelli á Grænlandi seinkar enn Viðskipti erlent „Ég nenni ekki að standa í einhverju veseni“ Atvinnulíf Kínverski risinn sem herjar á evrópska neytendur Viðskipti innlent Reynslubolti í hótelrekstri færir sig um set Viðskipti innlent Hvetja fólk til að taka verðmerkingum í Hagkaup með fyrirvara Viðskipti innlent Kann best við sig í háspennunni Samstarf Bein útsending: „Hvað verður í matinn?“ Viðskipti innlent Fleiri fréttir Hægir á verðhækkunum matvöru „Gátum ekki setið og beðið endalaust“ Sekta Árvakur um 1,5 milljónir króna vegna fjölda dulinna auglýsinga Þarf að greiða kortareikninginn og meira til í málskostnað Sjá meira
Þetta er niðurstaða kærunefndar um vöru- og þjónustukaup. Par keypti sér vikulanga pakkaferð sumarið 2023 og greiddi 293 þúsund krónur fyrir flug, gistingu og hálft fæði. Í kvörtun parsins til kærunefndarinnar kom fram að hótelið hefði verið auglýst sem fallegt sveitahótel í 600 metra fjarlægð frá strönd og um 90 mínútna akstursfjarlægð frá flugvelli. Hins vegar hafi komið í ljós að hótelið var staðsett í fjallshlíð í 7,2 kílómetra fjarlægð frá strandvegi. Þá var ástand herbergisins ekki gott að sögn parsins. Þá vísaði parið til þess að rúmið hefði verið gamalt, engar hurðir á skápum, sjónvarpið hafi verið lítið og lélegt og að enginn ísskápur eða loftræsting hafi verið á herberginu. Þá benti parið á að maturinn á hótelinu hefði verið óætur. Fólkið kvartað símleiðis og með tölvupósti og bauðst á fjórða degi að láta færa sig í annað herbergi. Þau ákváðu að yfirgefa hótelið og gista annars staðar í þrjár nætur. Kröfðust þau að fá endurgreidd 57% af ferðinni eða sem svaraði til fjögurra nótta af sjö. Auk þess 115 þúsund í skaðabætur vegna kostnaðar af gistingu á öðrum stað. Ferðaskrifstofan, sem ekki er nefnd á nafn í úrskurðinum, bar fyrir sig að um hefði verið að ræða þriggja stjörnu hótel sem væri almennt lakari en fjögurra eða fimm stjörnu hótel. Hótelskortur væri á svæðinu yfir hásumarið og gæði gististaða önnur en á nálægðum svæðum með nýrri hótelum. Þá bæru kaupendur alltaf ábyrgð á að staðreyna að það sem í boði væri henti þeirra þröfnum. Þá hafi ferðaskrifstofan þurft að gera upp við alla birgja. Nefndin féllst á það með parinu að aðbúnaður hafi verið lakari en reikna mætti með á þriggja stjörnu hóteli. Ferðaskrifstofan hefði ekki fullnægt skyldum sínum með boði um að skipta um hótelherbergi. Parið ætti því rétt á afslætti. Var ákveðið að parið fengi 130 þúsund krónur í afslátt sem svaraði til gistingar og fæðis síðustu þrjár næturnar til viðbótar við hæfilegan afslátt vegna tímans sem þau dvöldu á hótelinu. Kröfu um skaðabætur var vísað frá enda gætu þau ekki bæði krafist afsláttar og bóta. Ertu með upplýsinga eða myndir sem tengjast efni fréttarinnar? Endilega sendu okkur á ritstjorn@visir.is. Fullum trúnaði er heitið.
Ertu með upplýsinga eða myndir sem tengjast efni fréttarinnar? Endilega sendu okkur á ritstjorn@visir.is. Fullum trúnaði er heitið.
Ferðalög Neytendur Íslendingar erlendis Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Hann eyðileggur alltaf alla stemningu um leið og hann kemur“ Atvinnulíf Að gera ekki algeng mistök sem stjórnandi í fyrsta sinn Atvinnulíf Vilja rannsaka meint samráð með OPEC Viðskipti erlent Nýjum alþjóðaflugvelli á Grænlandi seinkar enn Viðskipti erlent „Ég nenni ekki að standa í einhverju veseni“ Atvinnulíf Kínverski risinn sem herjar á evrópska neytendur Viðskipti innlent Reynslubolti í hótelrekstri færir sig um set Viðskipti innlent Hvetja fólk til að taka verðmerkingum í Hagkaup með fyrirvara Viðskipti innlent Kann best við sig í háspennunni Samstarf Bein útsending: „Hvað verður í matinn?“ Viðskipti innlent Fleiri fréttir Hægir á verðhækkunum matvöru „Gátum ekki setið og beðið endalaust“ Sekta Árvakur um 1,5 milljónir króna vegna fjölda dulinna auglýsinga Þarf að greiða kortareikninginn og meira til í málskostnað Sjá meira