Stefnir á nýtt afrek í Rubiks-heimum og styður soninn áfram Vésteinn Örn Pétursson skrifar 29. mars 2024 15:51 Pawel ætlar sér að ná að leysa þrjá kubba blindandi á undir 15 mínútum. Verðugt verkefni, enda hefur engum Íslendingi áður tekist það í keppni. Vísir/Armar Varaborgarfulltrúi Viðreisnar náði þeim áfanga um hátíðarnar að leysa Rúbiks-kubb, eða töfratening, á undir hálfri mínútu. Hann stefnir á að verða fyrstur Íslendinga til að leysa þrjá kubba í röð blindandi í keppni. Pawel Bartoszek, varaborgarfulltrúi Viðreisnar, birti færslu í gær þar sem hann greindi frá því að honum hefði tekist að leysa kubbinn á undir hálfri mínútu í fyrsta skipti. Nákvæmur tími var 28,56 sekúndur, sem verður að teljast nokkuð gott. Í samtali við Vísi segir Pawel að það sé ánægjulegt að hafa náð þessum áfanga á einni æfingu. Hann sé þó sífellt að æfa sig og vinna í að verða betri. „Og koma mér í það að geta gert þetta að staðaldri, og svo bara að halda áfram.“ Pawel keppti á Íslandsmótinu í töfrateningi í haust, en umfjöllun fréttastofu um mótið má sjá hér að neðan: Pawel segist ekki fylgja sérlega ströngu æfingaplani. „Ég byrjaði að taka þátt í keppnum í kringum það að yngri sonur minn, sem er að verða 12 ára, fékk mikinn áhuga á þessu. Hann er með mikinn metnað. Það er stundum þannig í þessum keppnum að það eru 75 prósent keppenda sem komast í næstu umferð. Þannig að hvert einasta foreldri sem leggur sitt á vogarskálarnar lætur drauma þriggja barna rætast, með því að ýta þeim í næstu umferð. Fyrst um sinn var þetta bara til þess að taka þátt og sýna lit. Þetta er nú þannig enn þá,“ segir Pawel. Ekki átta tímar í sólarhingnum til æfinga Á dögunum hafi hann tekið þátt í nýliðamóti Kubbafélagsins, og viljað æfa sig aðeins fyrir það. „Náði þá að leysa kubb að meðaltali á undir mínútu, sem er ágætis varða á leiðinni. Svo hef ég í lausum tíma í páskafríinu aðeins tekið í kubbinn á kvöldin og æft mig,“ segir Pawel. Hann áætlar að hann hafi æft sig í um 20 til 30 klukkutíma í heildina. „En þetta er auðvitað ekkert samanborið við þessa bestu. Það er þannig að þegar maður er kominn á þennan aldur þá hefur maður ekkert endilega tíma fyrir áhugamál sem taka átta tíma á dag.“ Fyrir næsta Íslandsmót hefur Pawel sett sér það markmið að ná að klára kubbinn blindandi, þrisvar í röð. „Þá nær maður því sem heitir meðaltal, og það hefur enginn Íslendingur náð því í keppni. Eigum við ekki að segja að það sé draumurinn sem ég set á borðið fyrir alþjóð að vita? Það er eitthvað sem ég væri að keppa að.“ Í blindkeppni þarf að klára þrjár tilraunir á fimmtán mínútum, og því þarf meðaltal fyrir hverja lausn að vera undir fimm mínútur að meðaltali. „Ég hef verið með tíma í kringum sex, sjö mínútur. Það er svolítið viðfangsefni að fást við það,“ segir Pawel. Æfingaplanið nú sé að verða betri í að leysa kubbinn venjulega, og þegar sú færni verði orðin góð ætlar hann í minnisæfingar til að geta leyst kubbinn blindandi. Sonurinn stefnir á verðlaunapall Sonur Pawels, Ólafur, er afar metnaðarfullur í sportinu. „Ég var nú að monta mig af því um daginn á Facebook að hann náði 9,71 í lausn á 3x3 kubbi. Það er fjórði besti persónulegi tími Íslendings. Hann er fjórði Íslendingurinn til að komast undir 10 sekúndur,“ segir Pawel. Ólafur sé afar duglegur að æfa sig og fjölskyldan fylgist spennt með. Pawel segir ljóst að kubburinn standist tímans tönn. „Ég hefði ekki trúað því þegar ég var að alast upp í áttunni að eftir 30 ár þá væru börnin mín að leysa Rubiks-kubba. Þetta er einhver þraut sem var búin til af ungverskum uppfinningamanni á seinni hluta síðustu aldar. Þetta er forvitnilegt,“ segir Pawel. Sonur hans hafi mikinn metnað í keppnum. „Hann stefnir mjög fast að því að komast á verðlaunapall.“ Íþróttir barna Ástin og lífið Mest lesið Balti var í hesthúsinu þegar Jason Statham hringdi Bíó og sjónvarp Styrktist í trúnni eftir áfallið Lífið Nýjasti rafvirki landsins fimmtug með ofurkrafta Lífið Ætluðu að draga sig úr Eurovision fram á síðustu stundu Lífið Kristján hennar Höllu stefnir á fyrsta lanið á Bessastöðum Lífið Glæsilegt raðhús Maríu Paz til sölu Lífið Forsetaáskorunin: „Fóru Bandaríkjamenn í raun til tunglsins?“ Lífið Af vængjum fram: „Aldrei“ notað fíkniefni og er alls ekki með nein húðflúr Lífið „Við ætlum bókstaflega að rífa þakið af húsinu“ Tónlist Myndaveisla: Skálað fyrir skemmtilegustu tónleikum síðari ára Lífið Fleiri fréttir „Ómenntaður kúka kennslu sóði!“ Forsetaáskorunin: „Held að geimverur sé á meðal vor“ Myndaveisla: Skálað fyrir skemmtilegustu tónleikum síðari ára Ætluðu að draga sig úr Eurovision fram á síðustu stundu Laufey og Hugi tilnefnd til verðlauna Styrktist í trúnni eftir áfallið Kristján hennar Höllu stefnir á fyrsta lanið á Bessastöðum Glæsilegt raðhús Maríu Paz til sölu Nýjasti rafvirki landsins fimmtug með ofurkrafta Bíða eftir pizzu og potti eftir milljón króna göngu Forsetaáskorunin: „Fóru Bandaríkjamenn í raun til tunglsins?“ Fór á sveitaball og keypti kálfa á klósettinu Bjöggi Takefusa og Sólveig nefna dótturina Elísa Viðars og Rasmus nefndu soninn Stjörnulífið: „Tvær klámkerlingar á kynfræðiráðstefnu“ Kate Beckinsale lætur tröllin heyra það Edda Falak á von á dreng Af vængjum fram: „Aldrei“ notað fíkniefni og er alls ekki með nein húðflúr „Það er aldeilis ekki sjálfsagt að hafa heilsu“ Springsteen aflýsir nokkrum tónleikum af heilsufarsástæðum Kosningalag: Örþrifaráð eða snilldarútspil? Forsetaáskorunin: Hefur aldrei lent í slagsmálum Brauðtertuveisla í brauðtertusamkeppni á Selfossi Skönnuðu Aldísi frá toppi til táar og gleymdu ekki tönnunum Fer fótgangandi tæpa 800 kílómetra Krakkatían: Ljón, líffæri og landafræði Af vængjum fram: Ekki viss um að hann myndi þekkja lyktina af hassi Millie Bobby Brown og sonur Bon Jovi orðin hjón Forsetaáskorunin: Lærbraut sig út í móa og beið lengi eftir aðstoð Ganga 111 kílómetra til styrktar börnum í Gasa Sjá meira
Pawel Bartoszek, varaborgarfulltrúi Viðreisnar, birti færslu í gær þar sem hann greindi frá því að honum hefði tekist að leysa kubbinn á undir hálfri mínútu í fyrsta skipti. Nákvæmur tími var 28,56 sekúndur, sem verður að teljast nokkuð gott. Í samtali við Vísi segir Pawel að það sé ánægjulegt að hafa náð þessum áfanga á einni æfingu. Hann sé þó sífellt að æfa sig og vinna í að verða betri. „Og koma mér í það að geta gert þetta að staðaldri, og svo bara að halda áfram.“ Pawel keppti á Íslandsmótinu í töfrateningi í haust, en umfjöllun fréttastofu um mótið má sjá hér að neðan: Pawel segist ekki fylgja sérlega ströngu æfingaplani. „Ég byrjaði að taka þátt í keppnum í kringum það að yngri sonur minn, sem er að verða 12 ára, fékk mikinn áhuga á þessu. Hann er með mikinn metnað. Það er stundum þannig í þessum keppnum að það eru 75 prósent keppenda sem komast í næstu umferð. Þannig að hvert einasta foreldri sem leggur sitt á vogarskálarnar lætur drauma þriggja barna rætast, með því að ýta þeim í næstu umferð. Fyrst um sinn var þetta bara til þess að taka þátt og sýna lit. Þetta er nú þannig enn þá,“ segir Pawel. Ekki átta tímar í sólarhingnum til æfinga Á dögunum hafi hann tekið þátt í nýliðamóti Kubbafélagsins, og viljað æfa sig aðeins fyrir það. „Náði þá að leysa kubb að meðaltali á undir mínútu, sem er ágætis varða á leiðinni. Svo hef ég í lausum tíma í páskafríinu aðeins tekið í kubbinn á kvöldin og æft mig,“ segir Pawel. Hann áætlar að hann hafi æft sig í um 20 til 30 klukkutíma í heildina. „En þetta er auðvitað ekkert samanborið við þessa bestu. Það er þannig að þegar maður er kominn á þennan aldur þá hefur maður ekkert endilega tíma fyrir áhugamál sem taka átta tíma á dag.“ Fyrir næsta Íslandsmót hefur Pawel sett sér það markmið að ná að klára kubbinn blindandi, þrisvar í röð. „Þá nær maður því sem heitir meðaltal, og það hefur enginn Íslendingur náð því í keppni. Eigum við ekki að segja að það sé draumurinn sem ég set á borðið fyrir alþjóð að vita? Það er eitthvað sem ég væri að keppa að.“ Í blindkeppni þarf að klára þrjár tilraunir á fimmtán mínútum, og því þarf meðaltal fyrir hverja lausn að vera undir fimm mínútur að meðaltali. „Ég hef verið með tíma í kringum sex, sjö mínútur. Það er svolítið viðfangsefni að fást við það,“ segir Pawel. Æfingaplanið nú sé að verða betri í að leysa kubbinn venjulega, og þegar sú færni verði orðin góð ætlar hann í minnisæfingar til að geta leyst kubbinn blindandi. Sonurinn stefnir á verðlaunapall Sonur Pawels, Ólafur, er afar metnaðarfullur í sportinu. „Ég var nú að monta mig af því um daginn á Facebook að hann náði 9,71 í lausn á 3x3 kubbi. Það er fjórði besti persónulegi tími Íslendings. Hann er fjórði Íslendingurinn til að komast undir 10 sekúndur,“ segir Pawel. Ólafur sé afar duglegur að æfa sig og fjölskyldan fylgist spennt með. Pawel segir ljóst að kubburinn standist tímans tönn. „Ég hefði ekki trúað því þegar ég var að alast upp í áttunni að eftir 30 ár þá væru börnin mín að leysa Rubiks-kubba. Þetta er einhver þraut sem var búin til af ungverskum uppfinningamanni á seinni hluta síðustu aldar. Þetta er forvitnilegt,“ segir Pawel. Sonur hans hafi mikinn metnað í keppnum. „Hann stefnir mjög fast að því að komast á verðlaunapall.“
Íþróttir barna Ástin og lífið Mest lesið Balti var í hesthúsinu þegar Jason Statham hringdi Bíó og sjónvarp Styrktist í trúnni eftir áfallið Lífið Nýjasti rafvirki landsins fimmtug með ofurkrafta Lífið Ætluðu að draga sig úr Eurovision fram á síðustu stundu Lífið Kristján hennar Höllu stefnir á fyrsta lanið á Bessastöðum Lífið Glæsilegt raðhús Maríu Paz til sölu Lífið Forsetaáskorunin: „Fóru Bandaríkjamenn í raun til tunglsins?“ Lífið Af vængjum fram: „Aldrei“ notað fíkniefni og er alls ekki með nein húðflúr Lífið „Við ætlum bókstaflega að rífa þakið af húsinu“ Tónlist Myndaveisla: Skálað fyrir skemmtilegustu tónleikum síðari ára Lífið Fleiri fréttir „Ómenntaður kúka kennslu sóði!“ Forsetaáskorunin: „Held að geimverur sé á meðal vor“ Myndaveisla: Skálað fyrir skemmtilegustu tónleikum síðari ára Ætluðu að draga sig úr Eurovision fram á síðustu stundu Laufey og Hugi tilnefnd til verðlauna Styrktist í trúnni eftir áfallið Kristján hennar Höllu stefnir á fyrsta lanið á Bessastöðum Glæsilegt raðhús Maríu Paz til sölu Nýjasti rafvirki landsins fimmtug með ofurkrafta Bíða eftir pizzu og potti eftir milljón króna göngu Forsetaáskorunin: „Fóru Bandaríkjamenn í raun til tunglsins?“ Fór á sveitaball og keypti kálfa á klósettinu Bjöggi Takefusa og Sólveig nefna dótturina Elísa Viðars og Rasmus nefndu soninn Stjörnulífið: „Tvær klámkerlingar á kynfræðiráðstefnu“ Kate Beckinsale lætur tröllin heyra það Edda Falak á von á dreng Af vængjum fram: „Aldrei“ notað fíkniefni og er alls ekki með nein húðflúr „Það er aldeilis ekki sjálfsagt að hafa heilsu“ Springsteen aflýsir nokkrum tónleikum af heilsufarsástæðum Kosningalag: Örþrifaráð eða snilldarútspil? Forsetaáskorunin: Hefur aldrei lent í slagsmálum Brauðtertuveisla í brauðtertusamkeppni á Selfossi Skönnuðu Aldísi frá toppi til táar og gleymdu ekki tönnunum Fer fótgangandi tæpa 800 kílómetra Krakkatían: Ljón, líffæri og landafræði Af vængjum fram: Ekki viss um að hann myndi þekkja lyktina af hassi Millie Bobby Brown og sonur Bon Jovi orðin hjón Forsetaáskorunin: Lærbraut sig út í móa og beið lengi eftir aðstoð Ganga 111 kílómetra til styrktar börnum í Gasa Sjá meira