Innlent

Starfs­maður Bláa lónsins á sjúkra­hús vegna gaseitrunar

Margrét Björk Jónsdóttir skrifar
Starfsmaðurinn var að störfum í Bláa lóninu þegar hann fór að finna fyrir einkennum eitrunarinnar.
Starfsmaðurinn var að störfum í Bláa lóninu þegar hann fór að finna fyrir einkennum eitrunarinnar. Vísir/Vilhelm

Starfsmaður Bláa lónsins leitaði á sjúkrahúsí gær í kjölfar eitrunareinkenna vegna gasmengunnar. Alvarleiki veikindanna liggur ekki fyrir en öryggisstjóri aðgerða í Grindavík fundar með forsvarsmönnum Bláa lónsins.

Rúv greinir frá málinu. Í frétt þeirra kemur fram að starfsmaðurinn hafi verið að störfum í Bláa lóninu þegar hann fór að finna fyrir einkennum eitrunarinnar. 

Í samtali við fréttastofu segir Gunnar Schram yfirlögregluþjónn hjá lögreglunni á Suðurnesjum að ekki sé talið að veikindin séu alvarleg en hann hafi þó ekki nákvæmar upplýsingar um líðan starfsmannsins.

Lögregla fór á vettvang um hádegi til að taka út aðstæður og segir Gunnar að í kjölfarið verði farið yfir verkferla með forsvarsmönnum Bláa lónsins. Til stóð að öryggisstjóri aðgerða í Grindavík myndi funda með yfirmönnum lónsins í dag en Gunnari er ekki kunnugt um hvort þeim fundi sé lokið. Ekki hefur náðst í Helgu Árnadóttur, framkvæmdastjóra hjá Bláa lóninu. 

Talsvert magn brennisteinsoxíðs mældist víða á Reykjanesskaga í gær en liggur fyrir hvort fleiri hafi veikst.

Fréttin hefur verið uppfærð. 

Grindavík Eldgos og jarðhræringar Eldgos á Reykjanesskaga Bláa lónið Loftgæði Heilbrigðismál

Tengdar fréttir

Svartsengi rýmt vegna gasmengunar

Forsvarsmenn HS Orku ákváðu að rýma starfsstöðina í Svartsengi í morgun vegna gasmengunar sem leggur yfir svæðið vegna eldgossins í Sundhnúkagígaröðinni.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið