Ríkisútvarpið ætlar að taka þátt í Eurovision Oddur Ævar Gunnarsson skrifar 11. mars 2024 15:13 Hera Björk fór af sigur með hólmi í Söngvakeppninni í ár. Vísir/Hulda Margrét Ríkisútvarpið ætlar að taka þátt í Eurovision og senda sigurlag Söngvakeppninnar í ár, Scared of Heights, í flutningi Heru Bjarkar til Malmö í Svíþjóð. Þetta kemur fram í tilkynningu. Þar segir að það hafi ekki komið til greina að senda annað lag út en sigurlagið. Hera hafi verið óumdeildur sigurvegari og fari til Malmö. Hera Björk sé reiðubúin til að keppa og ætli að breiða út boðskap friðar og kærleika. Í samtali við fréttastofu segir Valgeir Magnússon umboðsmaður Heru að söngkonan muni ekki veita nein viðtöl í dag vegna ákvörðunarinnar. Allt sem hún vilji koma á framfæri komi fram í tilkynningu frá Ríkisútvarpinu. Segir í tilkynningu frá Ríkisútvarpinu að lag Heru hafi unnið einvígi Söngvakeppninnar með nokkrum yfirburðum. Þegar atkvæðum úr fyrri umferð kosningarinnar og atkvæðum dómnefndar hafi verið bætt við hafi munað 3.500 atkvæðum á fyrsta og öðru sæti. Eins og fram hafi komið hafi verið ágallar á kosningaappinu RÚV Stjörnur, sem notað var til að velja sigurvegara ásamt hefðbundinni símakosningu. Fyrir mistök hafi tiltekinn möguleiki í appinu ekki virkað sem skyldi og segir Ríkisútvarpið að það hafi komið niður á báðum lögum í einvíginu. Samkvæmt gögnum frá framleiðendum appsins hafi aðeins verið greidd 748 atkvæði með þessum hætti, bæði í fyrri kosningunni, sem hafi gengið snurðulaust fyrir sig og í þeirri seinni þegar mistök hafi orðið. Atkvæði sem mögulega hafi misfarist vegna þessarar villu hafi verið enn færri en talið var í fyrstu og því sé alveg ljóst að þetta hafi engin áhrif haft á lokaniðurstöðuna. „Hera Björk er óumdeildur siguvegari Söngvakeppninnar 2024,“ segir í tilkynningunni. Málið skoðað frá öllum hliðum Þá segir í tilkynningunni frá Ríkisútvarpinu að miklar umræður hafi skapast um þátttöku Íslands í Eurovision undanfarna mánuði vegna ástandsins á Gasa. Ákveðið hafi verið í samráði við keppendur í Söngvakeppninni að slíta tengsl keppninnar við Eurovision og ákveða hvort Ísland yrði með í henni eftir að keppni lyki hér heima. Stefán Eiríksson, útvarpsstjóri, hafi sagt að horft yrði til margra þátta þegar sú ákvörðun yrði tekin. Eftir að málið hafi verið skoðað frá öllum hliðum sé niðurstaðan sú að RÚV taki þátt í Eurovision. „Margt kom inn í þetta mat. Sigurlagið er frábært og flutt af einni okkar allra bestu söngkonu sem býr yfir mikilli reynslu á þessu sviði,“ segir Stefán í tilkynningunni. „Við höfum á undanförnum vikum og mánuðum fylgst náið með stöðunni hjá systurstöðvum okkar á Norðurlöndunum, sem allar ætla að taka þátt í keppninni og öðrum stöðvum innan EBU þar sem afstaðan er sú sama. Framkvæmd keppninnar er í höndum Svía, sem eru náinn samstarfsaðili okkar á mörgum sviðum og vinaþjóð. Allt framangreint kom inn í okkar mat og niðurstaðan liggur nú fyrir. Hera Björk verður glæsilegur fulltrúi okkar í Malmö í vor.“ Hefðu ekki sent Bashar í stað Heru Skarphéðinn Guðmundsson dagskrárstjóri Ríkisútvarpsins segir í tilkynningunni að ákvörðunin hafi ekki verið auðveld. Haft er eftir honum að stjórnendur Ríkisútvarpsins hafi auðvitað orðið vör við ógluna í samfélaginu vegna keppninnar hér heima og mögulegrar þátttöku úti. „Hera Björk vann einvígið með yfirburðarkosningu almennings og við lítum á það sem eindreginn stuðning við að hún fari í Eurovision fyrir okkar hönd. Við hvetjum öll til að fylkja sér á bak við Heru og hennar samstarfsfólk, hún verður glæsilegur fulltrúi okkar,“ segir Skarphéðinn. Þá segir hann að ekki hafi staðið til að senda lagið sem var í öðru sæti í Söngvakeppninni, lag Bashar Murad, út í Eurovision ef Hera hefði afþakkað boð um þátttöku. „Það kom aldrei til greina í okkar huga. Útvarpsstjóri tjáði keppendum í Söngvakeppninni í lok desember að ef sigurlagið færi ekki út myndum við hætta við þátttöku og sú ákvörðun stendur. Auðvitað er leiðinlegt að einn höfunda lagsins, Ásdís María Viðarsdóttir, hafi ákveðið að fara ekki út en við skiljum afstöðu hennar. Hún tjáði okkur þó að hún myndi ekki standa í vegi fyrir að Hera héldi sínu striki og flytti sigurlagið í Malmö, sem er göfugt og fallegt af henni,“ Hera segist hafa verið hugsi „Ég stend við það sem ég sagði að ef lagið sigraði væri ég reiðubúin að taka þátt í keppninni úti,“ er haft eftir Heru Björk í tilkynningu Ríkisútvarpsins. „Ég viðurkenni að í allri umræðunni eftir Söngvakeppnina varð ég hugsi. Umræðan hryggir mig. Bæði hvernig talað var um mig og mér gerðar upp alls kyns annarlegar skoðanir og meiningar og ekki síðust hvernig talað var um Bashar. Þessi umræða var okkur ekki til sóma og eftir því sem ég hugsaði þetta meira hertist ég í því að standa við orð mín og halda utan eisn og þjóðin kaus mig til að gera. Ég og minn góði hópur munum taka þátt og gera allt sem við getum til að breiða út boðskap friðar og kærleika á sviðinu og sameinast í gegnum tónlistina.“ segir Hera. Þá kemur fram að undirbúningur fyrir íslenska atriðið hefjist nú af krafti. Eurovision hópurinn haldi til Malmö í lok apríl. Hera Björk og félagar stígi á stóra sviðið þann 7. maí. Fréttin er í vinnslu. Eurovision Ríkisútvarpið Fjölmiðlar Tónlist Mest lesið Þórdís Lóa um Júró-umfjöllun: „Hvers vegna þessi þögn?“ Lífið Fjölmennt í framboðsteiti Arnars Þórs í Iðnó Lífið Hugsar oft til fyrstu ástarinnar vegna ástandsins í Íran Lífið Gallstasi á meðgöngu: „Ég grátbað um að ég yrði sett af stað“ Áskorun „Spurði hversu mörgum stelpum hann væri búin að senda þessa línu“ Makamál Ætlar hvorki að hætta að vinna né opna kaffihús Lífið „Það er einmanalegt að missa móður“ Lífið Krakkatían: Celebs, sumar og forseti Íslands Lífið Vandamálaráðuneytið únefndi hinn fimmtán ára Viðar til sigurs Lífið Hvetur fólk til að nota sólarvörn eftir krabbameinsgreiningu Lífið Fleiri fréttir „Það var alltaf draumur hjá honum að heimsækja Ísland aftur“ Fjölmennt í framboðsteiti Arnars Þórs í Iðnó Þórdís Lóa um Júró-umfjöllun: „Hvers vegna þessi þögn?“ Vandamálaráðuneytið únefndi hinn fimmtán ára Viðar til sigurs Hugsar oft til fyrstu ástarinnar vegna ástandsins í Íran Krakkatían: Celebs, sumar og forseti Íslands Sveitarstjóri og sauðfjárbóndi fóru á kostum Hvetur fólk til að nota sólarvörn eftir krabbameinsgreiningu Metmæting á tískusýningu útskriftarnema LHÍ Mynd ársins af palestínskum flóttamanni Ætlar hvorki að hætta að vinna né opna kaffihús Milljónir hafa horft á stikluna fyrir Snertingu Karl konungur snýr aftur úr veikindaleyfi Fréttatía vikunnar: Þyrlur, forsetaframbjóðendur og skemmdarverk „Það er einmanalegt að missa móður“ Trúlofuðust á gjörgæslunni eftir bílslys á Íslandi Ellý snýr aftur vegna fjölda áskorana Ætlað að auka umræðu og sýnileika leiðsöguhunda Nýtt upphaf Margrétar: „Búin að heita þessu nafni í rúma viku“ Borgarstjóri og frú tóku veislustjórnina að sér Fágæt og falleg eign við Flókagötu Aron passaði varla inn í bílinn Nefnd í höfuðið á tveimur mikilvægum konum í lífi þeirra Grínari selur íbúð í Vesturbænum Sophia Bush kemur út úr skápnum „Hann var langt á undan sinni samtíð“ Will Smith hrifinn af akureyrsku hjartaljósunum Ebba Katrín valin bæjarlistamaður Hafnarfjarðar Logi Geirs og Inga Tinna eiga von á barni Varð móðir sextán ára Sjá meira
Þetta kemur fram í tilkynningu. Þar segir að það hafi ekki komið til greina að senda annað lag út en sigurlagið. Hera hafi verið óumdeildur sigurvegari og fari til Malmö. Hera Björk sé reiðubúin til að keppa og ætli að breiða út boðskap friðar og kærleika. Í samtali við fréttastofu segir Valgeir Magnússon umboðsmaður Heru að söngkonan muni ekki veita nein viðtöl í dag vegna ákvörðunarinnar. Allt sem hún vilji koma á framfæri komi fram í tilkynningu frá Ríkisútvarpinu. Segir í tilkynningu frá Ríkisútvarpinu að lag Heru hafi unnið einvígi Söngvakeppninnar með nokkrum yfirburðum. Þegar atkvæðum úr fyrri umferð kosningarinnar og atkvæðum dómnefndar hafi verið bætt við hafi munað 3.500 atkvæðum á fyrsta og öðru sæti. Eins og fram hafi komið hafi verið ágallar á kosningaappinu RÚV Stjörnur, sem notað var til að velja sigurvegara ásamt hefðbundinni símakosningu. Fyrir mistök hafi tiltekinn möguleiki í appinu ekki virkað sem skyldi og segir Ríkisútvarpið að það hafi komið niður á báðum lögum í einvíginu. Samkvæmt gögnum frá framleiðendum appsins hafi aðeins verið greidd 748 atkvæði með þessum hætti, bæði í fyrri kosningunni, sem hafi gengið snurðulaust fyrir sig og í þeirri seinni þegar mistök hafi orðið. Atkvæði sem mögulega hafi misfarist vegna þessarar villu hafi verið enn færri en talið var í fyrstu og því sé alveg ljóst að þetta hafi engin áhrif haft á lokaniðurstöðuna. „Hera Björk er óumdeildur siguvegari Söngvakeppninnar 2024,“ segir í tilkynningunni. Málið skoðað frá öllum hliðum Þá segir í tilkynningunni frá Ríkisútvarpinu að miklar umræður hafi skapast um þátttöku Íslands í Eurovision undanfarna mánuði vegna ástandsins á Gasa. Ákveðið hafi verið í samráði við keppendur í Söngvakeppninni að slíta tengsl keppninnar við Eurovision og ákveða hvort Ísland yrði með í henni eftir að keppni lyki hér heima. Stefán Eiríksson, útvarpsstjóri, hafi sagt að horft yrði til margra þátta þegar sú ákvörðun yrði tekin. Eftir að málið hafi verið skoðað frá öllum hliðum sé niðurstaðan sú að RÚV taki þátt í Eurovision. „Margt kom inn í þetta mat. Sigurlagið er frábært og flutt af einni okkar allra bestu söngkonu sem býr yfir mikilli reynslu á þessu sviði,“ segir Stefán í tilkynningunni. „Við höfum á undanförnum vikum og mánuðum fylgst náið með stöðunni hjá systurstöðvum okkar á Norðurlöndunum, sem allar ætla að taka þátt í keppninni og öðrum stöðvum innan EBU þar sem afstaðan er sú sama. Framkvæmd keppninnar er í höndum Svía, sem eru náinn samstarfsaðili okkar á mörgum sviðum og vinaþjóð. Allt framangreint kom inn í okkar mat og niðurstaðan liggur nú fyrir. Hera Björk verður glæsilegur fulltrúi okkar í Malmö í vor.“ Hefðu ekki sent Bashar í stað Heru Skarphéðinn Guðmundsson dagskrárstjóri Ríkisútvarpsins segir í tilkynningunni að ákvörðunin hafi ekki verið auðveld. Haft er eftir honum að stjórnendur Ríkisútvarpsins hafi auðvitað orðið vör við ógluna í samfélaginu vegna keppninnar hér heima og mögulegrar þátttöku úti. „Hera Björk vann einvígið með yfirburðarkosningu almennings og við lítum á það sem eindreginn stuðning við að hún fari í Eurovision fyrir okkar hönd. Við hvetjum öll til að fylkja sér á bak við Heru og hennar samstarfsfólk, hún verður glæsilegur fulltrúi okkar,“ segir Skarphéðinn. Þá segir hann að ekki hafi staðið til að senda lagið sem var í öðru sæti í Söngvakeppninni, lag Bashar Murad, út í Eurovision ef Hera hefði afþakkað boð um þátttöku. „Það kom aldrei til greina í okkar huga. Útvarpsstjóri tjáði keppendum í Söngvakeppninni í lok desember að ef sigurlagið færi ekki út myndum við hætta við þátttöku og sú ákvörðun stendur. Auðvitað er leiðinlegt að einn höfunda lagsins, Ásdís María Viðarsdóttir, hafi ákveðið að fara ekki út en við skiljum afstöðu hennar. Hún tjáði okkur þó að hún myndi ekki standa í vegi fyrir að Hera héldi sínu striki og flytti sigurlagið í Malmö, sem er göfugt og fallegt af henni,“ Hera segist hafa verið hugsi „Ég stend við það sem ég sagði að ef lagið sigraði væri ég reiðubúin að taka þátt í keppninni úti,“ er haft eftir Heru Björk í tilkynningu Ríkisútvarpsins. „Ég viðurkenni að í allri umræðunni eftir Söngvakeppnina varð ég hugsi. Umræðan hryggir mig. Bæði hvernig talað var um mig og mér gerðar upp alls kyns annarlegar skoðanir og meiningar og ekki síðust hvernig talað var um Bashar. Þessi umræða var okkur ekki til sóma og eftir því sem ég hugsaði þetta meira hertist ég í því að standa við orð mín og halda utan eisn og þjóðin kaus mig til að gera. Ég og minn góði hópur munum taka þátt og gera allt sem við getum til að breiða út boðskap friðar og kærleika á sviðinu og sameinast í gegnum tónlistina.“ segir Hera. Þá kemur fram að undirbúningur fyrir íslenska atriðið hefjist nú af krafti. Eurovision hópurinn haldi til Malmö í lok apríl. Hera Björk og félagar stígi á stóra sviðið þann 7. maí. Fréttin er í vinnslu.
Eurovision Ríkisútvarpið Fjölmiðlar Tónlist Mest lesið Þórdís Lóa um Júró-umfjöllun: „Hvers vegna þessi þögn?“ Lífið Fjölmennt í framboðsteiti Arnars Þórs í Iðnó Lífið Hugsar oft til fyrstu ástarinnar vegna ástandsins í Íran Lífið Gallstasi á meðgöngu: „Ég grátbað um að ég yrði sett af stað“ Áskorun „Spurði hversu mörgum stelpum hann væri búin að senda þessa línu“ Makamál Ætlar hvorki að hætta að vinna né opna kaffihús Lífið „Það er einmanalegt að missa móður“ Lífið Krakkatían: Celebs, sumar og forseti Íslands Lífið Vandamálaráðuneytið únefndi hinn fimmtán ára Viðar til sigurs Lífið Hvetur fólk til að nota sólarvörn eftir krabbameinsgreiningu Lífið Fleiri fréttir „Það var alltaf draumur hjá honum að heimsækja Ísland aftur“ Fjölmennt í framboðsteiti Arnars Þórs í Iðnó Þórdís Lóa um Júró-umfjöllun: „Hvers vegna þessi þögn?“ Vandamálaráðuneytið únefndi hinn fimmtán ára Viðar til sigurs Hugsar oft til fyrstu ástarinnar vegna ástandsins í Íran Krakkatían: Celebs, sumar og forseti Íslands Sveitarstjóri og sauðfjárbóndi fóru á kostum Hvetur fólk til að nota sólarvörn eftir krabbameinsgreiningu Metmæting á tískusýningu útskriftarnema LHÍ Mynd ársins af palestínskum flóttamanni Ætlar hvorki að hætta að vinna né opna kaffihús Milljónir hafa horft á stikluna fyrir Snertingu Karl konungur snýr aftur úr veikindaleyfi Fréttatía vikunnar: Þyrlur, forsetaframbjóðendur og skemmdarverk „Það er einmanalegt að missa móður“ Trúlofuðust á gjörgæslunni eftir bílslys á Íslandi Ellý snýr aftur vegna fjölda áskorana Ætlað að auka umræðu og sýnileika leiðsöguhunda Nýtt upphaf Margrétar: „Búin að heita þessu nafni í rúma viku“ Borgarstjóri og frú tóku veislustjórnina að sér Fágæt og falleg eign við Flókagötu Aron passaði varla inn í bílinn Nefnd í höfuðið á tveimur mikilvægum konum í lífi þeirra Grínari selur íbúð í Vesturbænum Sophia Bush kemur út úr skápnum „Hann var langt á undan sinni samtíð“ Will Smith hrifinn af akureyrsku hjartaljósunum Ebba Katrín valin bæjarlistamaður Hafnarfjarðar Logi Geirs og Inga Tinna eiga von á barni Varð móðir sextán ára Sjá meira