Inter marði toppslaginn

Tvö efstu lið ítölsku deildarinnar mættust á San Siro en gestirnir úr liði Juventus gátu tekið toppsætið af Inter með sigri. Fyrir leikinn hafði Juve hefur ekki tapað í sautján leikjum en misstu dampinn í kvöld.

Eins og stundum þegar toppliðin mætast í ítalska boltanum var ekki mikið um marktækifæri í leik kvöldsins. Raunar var það svo að eina mark leiksins var sjálfsmark sem Federico Gatti, varnarmaður Juventus, skoraði á 37. mínútu en hann var undir þungri pressu frá Marcus Thuram og eru raunar deildar meiningar um á hvorn þeirri eigi að skrá markið, eins og sjá má hér að ofan.

Fleiri urðu mörkin ekki eins og áður sagði en spjöldin voru töluvert fleiri þar sem fimm gul spjöld fóru á loft.

Með sigrinum styrkir Inter stöðu sína á toppnum en liðið er með 57 stig og á leik til góða á Juventus sem er með 53 í öðru sæti.