Gleðihormón skýra góða mætingu í Zumba tíma Dans & Jóga Hjartastöð 30. janúar 2024 12:37 Dansinn í Zumbatímunum gerir margt annað en styrkja vöðva og þjálfa líkamann. Íslendingar dilla sér í zumba sem aldrei fyrr og frábær mæting í hvern tímann á fætur öðrum hjá Dans og jóga, Hjartastöðinni. Kennararnir þar segja dans hafa sérstök áhrif á fólk, honum fylgi frelsistilfinning sem á sér mögulega líffræðilegar rætur. „Okkur langar náttúrulega að eigna okkur sjálfum það hversu stöðugt er mætt í tímana hjá okkur, við séum svo skemmtileg að fólk setji það í forgang að hitta okkur nokkrum sinnum í viku. En ég held að það sé vísindalegri skýring á háu mætingarhlutfalli í Zumba partýin okkar,“ segir Jóhann Örn Ólafsson, danskennari og einn eigandi Dans og Jóga, Hjartastöðvarinnar. Jóhann segir dans hafa sérstök áhrif á fólk og geri margt annað en styrkja vöðva og þjálfa líkamann. Félagslegi þátturinn sé mikilvægur en líffræðilegi þátturinn gegni lykilhlutverki. Það er alltaf mikið stuð í zumbatímunum. Gleðihormónin flæða um kroppinn „Mannkynið hefur komið saman og dansað frá örófi alda og dans sem félagsleg athöfn sem sameinar fólk á gleðistundum þekkist í öllum menningarheimum. Það er engin tilviljun. Öll líkamsrækt og hreyfing leysir hins vegar einnig úr læðingi taugaboðefni sem gjarnan eru í daglegu tali kölluð gleðihormón en dans við skemmtilega tónlist gerir það í mun meira mæli en önnur hreyfing. Ein skýringin er sú að í dansi sleppir fólk oft fram af sér beislinu á alveg sérstakan hátt og tjáir líðan sína og tilfinningar í hreyfingunum sem þá kallar fram frelsistilfinningu sem síðan leysir úr læðingi meira magn af þessum hormónum,“ útskýrir Jóhann. „Það er sem dæmi talað um Endorfín sem innrænt morfín í vísindasamfélaginu og það ætti að segja okkur eitthvað um hversu áhrifamikil þessi efni eru fyrir líkamann. Ég brosi nú oft út í annað þegar ég heyri fólk tala um að það sé háð Zumba tímunum okkar vegna þess að það er líklega alveg rétt ályktað, því hver vill fá minna af heilbrigðri og sannri gleðivímu í líf sitt?“ Serótónín er mikilvægt boðefni fyrir skap og líðan og það virðist aukast í dansinum. Serótónín eykst í Zumba „Hvort við upplifum okkur hamingjusöm eða ekki fer eftir magninu sem við framleiðum af þessum efnum og því gríðarlega mikilvægt fyrir alla að kunna leiðir til að sækja þau í auknu mæli. Það hefur m.a. verið sýnt fram á það í rannsóknum að framleiðsla á einu þessara efna, Serótónín, eykst umtalsvert meira í hreyfingu á borð við Zumba samanborið við t.d. við lyftingar. Serótónín er gríðarlega mikilvægt boðefni fyrir skap og líðan og ef einstaklingar kljást við kvíða og þunglyndi þá er talið að það sé vegna skorts á serótónín,“ segir Jóhann. Partýstemmning í tímum Líkamsræktar prógrammið Zumba nýtur mikilla vinsælda um allan heim af góðri ástæðu. Það er samsett úr blöndu af æfingum og dansi og tímarnir eru settir upp eftir ákveðinni formúlu til að gefa fólki sem fjölbreyttasta og besta hreyfingu á meðan það gleymir sér í taktinum við skemmtilega tónlist og tíminn líður fljótt. „Við köllum þessa tíma alltaf Zumba partý, því við teljum það algjört lykilatriði til þess að ná árangri í allri sjálfsrækt að fólk hafi gaman af því sem það er að gera. Í okkar huga eru þeir að standa sig best í tímunum sem fá mesta gleði og gaman út úr þeim frekar en þeir sem kunna flesta dansa eða ná öllum sporunum,“ segir Jóhann. Zumba henti fólki á öllum aldri og létti lundina í skammdeginu. Þau sem eru í toppformi fá ekki síður mikið út úr tímunum en þau sem eru að byrja í hreyfingu. „Zumba er eitthvað sem ég mæli hiklaust með fyrir alla, ég tala nú ekki um í skammdeginu á Íslandi. Fólk stýrir erfiðleikastiginu svo mikið sjálft eftir því hvað það setur mikla orku í hreyfingarnar. Þeir sem eru í toppformi geta því fengið mjög mikið út úr tímum sem henta ekkert síður þeim sem eru að byrja í hreyfingu. Fyrir þá sem hafa enga reynslu af dansi og eru hikandi við að stökkva á vagninn bjóðum við einnig upp á byrjendanámskeið þar sem er farið rólega í grunnsporin svo fólk komi undirbúið í Zumba partýin okkar,“ segir Jóhann. Dansinn lækki streitu og fylli fólk sjálfstrausti. „Að dansa í samfélagi við aðra gefur ákveðna félagslega nánd og rannsóknir hafa sýnt fram á að dans bætir minnið, lækkar streitu og eykur sjálfstraust. Fólki sem er hrætt við að tala fyrir framan fólk er t.d. gjarnan bent á að stunda dans vegna þess að það er vel þekkt hvað dans er öflug leið til að hjálpa fólki að sleppa sér og vera minna sjálfsmeðvitað í kringum aðra og styrkja sig félagslega.“ Heilsa Dans Mest lesið Hugsar oft til fyrstu ástarinnar vegna ástandsins í Íran Lífið Gallstasi á meðgöngu: „Ég grátbað um að ég yrði sett af stað“ Áskorun Þórdís Lóa um Júró-umfjöllun: „Hvers vegna þessi þögn?“ Lífið „Það er einmanalegt að missa móður“ Lífið Ætlar hvorki að hætta að vinna né opna kaffihús Lífið Krakkatían: Celebs, sumar og forseti Íslands Lífið Vandamálaráðuneytið únefndi hinn fimmtán ára Viðar til sigurs Lífið Sveitarstjóri og sauðfjárbóndi fóru á kostum Lífið Hvetur fólk til að nota sólarvörn eftir krabbameinsgreiningu Lífið Strangheiðarleg dreifbýlistútta og lopapeysan í uppáhaldi Tíska og hönnun Fleiri fréttir Taktu þátt í spennandi vorleik á Vísi Fermingargjöf sem lifir um ókomin ár 10 ár af matargleði: Eldum rétt býður í milljón króna ferðalag ILVA tilnefnt til hönnunarverðlauna Bo Bedre Karlmannsnærbuxurnar sem eru að gera allt vitlaust Taktu þátt í skemmtilegum sumarleik! Metum hvort við viljum breyta góðri sögu með sannleika Virkilega spennandi lokamót framundan Hanna draumareitinn fyrir sumarið Fyrstur Íslendinga að keppa í SkyRunning World Series DONE gæinn, markaðsmaður ársins? Brúðkaupsdansinn er einn af hápunktum brúðkaupsins Ný viðbót frá NIVEA dregur úr sýnileika húðslita og litabletta Sætu sænsku vörurnar sem farnar eru á flug um allan heim „Probi Female er það eina sem hefur virkað fyrir mig“ SENSAI í Hagkaup í 30 ár Minnkar kláða og ertingu í húð barnsins „Hárið á mér síkkar bókstaflega á hraða ljóssins“ Taktu þátt í BabyShowerleik Vísis Réttu hlaupafötin fyrir íslenskt „vor“ Góðgerlar sem styðja við þyngdarstjórnun og jafnari blóðsykur Njótum þess að borða það sem við elskum yfir hátíðarnar Sælgætisgerð sem byggir á íslenskri bjartsýni Leiðir gönguhópa um Ítalíu - hreyfiferðir Bændaferða njóta mikilla vinsælda Náttúruleg og ljómandi fermingarförðun Fermingargjöfin sem stenst tímans tönn Grunur um byrlun? Umhverfisvænar hárvörur sem hafa slegið í gegn Átti að hætta að æfa vegna skemmda í brjóski Snabbi og Bísamrottan eru nýjustu meðlimir Múmínkrúsanna Sjá meira
„Okkur langar náttúrulega að eigna okkur sjálfum það hversu stöðugt er mætt í tímana hjá okkur, við séum svo skemmtileg að fólk setji það í forgang að hitta okkur nokkrum sinnum í viku. En ég held að það sé vísindalegri skýring á háu mætingarhlutfalli í Zumba partýin okkar,“ segir Jóhann Örn Ólafsson, danskennari og einn eigandi Dans og Jóga, Hjartastöðvarinnar. Jóhann segir dans hafa sérstök áhrif á fólk og geri margt annað en styrkja vöðva og þjálfa líkamann. Félagslegi þátturinn sé mikilvægur en líffræðilegi þátturinn gegni lykilhlutverki. Það er alltaf mikið stuð í zumbatímunum. Gleðihormónin flæða um kroppinn „Mannkynið hefur komið saman og dansað frá örófi alda og dans sem félagsleg athöfn sem sameinar fólk á gleðistundum þekkist í öllum menningarheimum. Það er engin tilviljun. Öll líkamsrækt og hreyfing leysir hins vegar einnig úr læðingi taugaboðefni sem gjarnan eru í daglegu tali kölluð gleðihormón en dans við skemmtilega tónlist gerir það í mun meira mæli en önnur hreyfing. Ein skýringin er sú að í dansi sleppir fólk oft fram af sér beislinu á alveg sérstakan hátt og tjáir líðan sína og tilfinningar í hreyfingunum sem þá kallar fram frelsistilfinningu sem síðan leysir úr læðingi meira magn af þessum hormónum,“ útskýrir Jóhann. „Það er sem dæmi talað um Endorfín sem innrænt morfín í vísindasamfélaginu og það ætti að segja okkur eitthvað um hversu áhrifamikil þessi efni eru fyrir líkamann. Ég brosi nú oft út í annað þegar ég heyri fólk tala um að það sé háð Zumba tímunum okkar vegna þess að það er líklega alveg rétt ályktað, því hver vill fá minna af heilbrigðri og sannri gleðivímu í líf sitt?“ Serótónín er mikilvægt boðefni fyrir skap og líðan og það virðist aukast í dansinum. Serótónín eykst í Zumba „Hvort við upplifum okkur hamingjusöm eða ekki fer eftir magninu sem við framleiðum af þessum efnum og því gríðarlega mikilvægt fyrir alla að kunna leiðir til að sækja þau í auknu mæli. Það hefur m.a. verið sýnt fram á það í rannsóknum að framleiðsla á einu þessara efna, Serótónín, eykst umtalsvert meira í hreyfingu á borð við Zumba samanborið við t.d. við lyftingar. Serótónín er gríðarlega mikilvægt boðefni fyrir skap og líðan og ef einstaklingar kljást við kvíða og þunglyndi þá er talið að það sé vegna skorts á serótónín,“ segir Jóhann. Partýstemmning í tímum Líkamsræktar prógrammið Zumba nýtur mikilla vinsælda um allan heim af góðri ástæðu. Það er samsett úr blöndu af æfingum og dansi og tímarnir eru settir upp eftir ákveðinni formúlu til að gefa fólki sem fjölbreyttasta og besta hreyfingu á meðan það gleymir sér í taktinum við skemmtilega tónlist og tíminn líður fljótt. „Við köllum þessa tíma alltaf Zumba partý, því við teljum það algjört lykilatriði til þess að ná árangri í allri sjálfsrækt að fólk hafi gaman af því sem það er að gera. Í okkar huga eru þeir að standa sig best í tímunum sem fá mesta gleði og gaman út úr þeim frekar en þeir sem kunna flesta dansa eða ná öllum sporunum,“ segir Jóhann. Zumba henti fólki á öllum aldri og létti lundina í skammdeginu. Þau sem eru í toppformi fá ekki síður mikið út úr tímunum en þau sem eru að byrja í hreyfingu. „Zumba er eitthvað sem ég mæli hiklaust með fyrir alla, ég tala nú ekki um í skammdeginu á Íslandi. Fólk stýrir erfiðleikastiginu svo mikið sjálft eftir því hvað það setur mikla orku í hreyfingarnar. Þeir sem eru í toppformi geta því fengið mjög mikið út úr tímum sem henta ekkert síður þeim sem eru að byrja í hreyfingu. Fyrir þá sem hafa enga reynslu af dansi og eru hikandi við að stökkva á vagninn bjóðum við einnig upp á byrjendanámskeið þar sem er farið rólega í grunnsporin svo fólk komi undirbúið í Zumba partýin okkar,“ segir Jóhann. Dansinn lækki streitu og fylli fólk sjálfstrausti. „Að dansa í samfélagi við aðra gefur ákveðna félagslega nánd og rannsóknir hafa sýnt fram á að dans bætir minnið, lækkar streitu og eykur sjálfstraust. Fólki sem er hrætt við að tala fyrir framan fólk er t.d. gjarnan bent á að stunda dans vegna þess að það er vel þekkt hvað dans er öflug leið til að hjálpa fólki að sleppa sér og vera minna sjálfsmeðvitað í kringum aðra og styrkja sig félagslega.“
Heilsa Dans Mest lesið Hugsar oft til fyrstu ástarinnar vegna ástandsins í Íran Lífið Gallstasi á meðgöngu: „Ég grátbað um að ég yrði sett af stað“ Áskorun Þórdís Lóa um Júró-umfjöllun: „Hvers vegna þessi þögn?“ Lífið „Það er einmanalegt að missa móður“ Lífið Ætlar hvorki að hætta að vinna né opna kaffihús Lífið Krakkatían: Celebs, sumar og forseti Íslands Lífið Vandamálaráðuneytið únefndi hinn fimmtán ára Viðar til sigurs Lífið Sveitarstjóri og sauðfjárbóndi fóru á kostum Lífið Hvetur fólk til að nota sólarvörn eftir krabbameinsgreiningu Lífið Strangheiðarleg dreifbýlistútta og lopapeysan í uppáhaldi Tíska og hönnun Fleiri fréttir Taktu þátt í spennandi vorleik á Vísi Fermingargjöf sem lifir um ókomin ár 10 ár af matargleði: Eldum rétt býður í milljón króna ferðalag ILVA tilnefnt til hönnunarverðlauna Bo Bedre Karlmannsnærbuxurnar sem eru að gera allt vitlaust Taktu þátt í skemmtilegum sumarleik! Metum hvort við viljum breyta góðri sögu með sannleika Virkilega spennandi lokamót framundan Hanna draumareitinn fyrir sumarið Fyrstur Íslendinga að keppa í SkyRunning World Series DONE gæinn, markaðsmaður ársins? Brúðkaupsdansinn er einn af hápunktum brúðkaupsins Ný viðbót frá NIVEA dregur úr sýnileika húðslita og litabletta Sætu sænsku vörurnar sem farnar eru á flug um allan heim „Probi Female er það eina sem hefur virkað fyrir mig“ SENSAI í Hagkaup í 30 ár Minnkar kláða og ertingu í húð barnsins „Hárið á mér síkkar bókstaflega á hraða ljóssins“ Taktu þátt í BabyShowerleik Vísis Réttu hlaupafötin fyrir íslenskt „vor“ Góðgerlar sem styðja við þyngdarstjórnun og jafnari blóðsykur Njótum þess að borða það sem við elskum yfir hátíðarnar Sælgætisgerð sem byggir á íslenskri bjartsýni Leiðir gönguhópa um Ítalíu - hreyfiferðir Bændaferða njóta mikilla vinsælda Náttúruleg og ljómandi fermingarförðun Fermingargjöfin sem stenst tímans tönn Grunur um byrlun? Umhverfisvænar hárvörur sem hafa slegið í gegn Átti að hætta að æfa vegna skemmda í brjóski Snabbi og Bísamrottan eru nýjustu meðlimir Múmínkrúsanna Sjá meira