Innlent

Bakarafjölskylda tekur við bakaríi á Reyðar­firði

Árni Sæberg skrifar
Frá vinstri: Árni Már Valmundarson, Viðskiptastjóri Lostæti Austurlyst, Valmundur Pétur Árnason, framkvæmdastjóri Lostæti Austurlyst,Valur Þórsson ,yfirbakarameistari Sesam Brauðhúss / Baker family ehf, Elísabet Sveinsdóttir, Gregorz Zielke og Þórey Sveinsdóttir
Frá vinstri: Árni Már Valmundarson, Viðskiptastjóri Lostæti Austurlyst, Valmundur Pétur Árnason, framkvæmdastjóri Lostæti Austurlyst,Valur Þórsson ,yfirbakarameistari Sesam Brauðhúss / Baker family ehf, Elísabet Sveinsdóttir, Gregorz Zielke og Þórey Sveinsdóttir Lostæti Austurlyst

Fyrirtækið Baker family ehf., sem er í eigu bakarameistarans Vals Þórssonar, Elísabetar Sveinsdóttur, Þóreyjar Sveinsdóttur og Gregorz Zielke, tekur við rekstri Sesam Brauðhúss af Lostæti Austurlyst ehf. um komandi áramót.

Í fréttatilkynningu um eigendaskiptin segir að handverksbakaríið Sesam Brauðhús hafi verið opnað í október árið 2011 og  Valur Þórsson verið yfirbakarameistari bakarísins frá opnun þess. Í Sesam Brauðhúsi hafi verið lögð áhersla á gæðahandverk á öllum framleiðsluvörum bakarísins og unnið með fyrsta flokks hráefni frá fyrsta degi.

Í gegnum árin hafi vörur frá Sesam Brauðhúsi verið á boðstólnum víða um land og þá sérstaklega á Austurlandi.

Lostæti Austurlyst sé stærsta veitingaþjónusta í Fjarðabyggð og sinni meðal annars alhliðaveitingaþjónustu fyrir Alcoa Fjarðaál og fjölmörg önnur fyrirtæki á svæðinu og svo verði áfram. Eigandi Lostæti Austurlystar ehf. sé Valmundur Pétur Árnason, matreiðslumeistari.

„Fráfarandi eigendur og stjórnendur Sesam Brauðhúss þakka þeim þúsundum viðskiptavina sem hafa átt viðskipti við bakaríið öll þessi ár og óska á sama tíma nýjum rekstraraðilum bakarísins til hamingju með áfangann með von um bjarta framtíð.“

Kaup og sala fyrirtækja Fjarðabyggð Matur Bakarí
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið