Flugumferðarstjórar bjóði upp á gula viðvörun Árni Sæberg skrifar 17. desember 2023 08:50 Bogi Nils Bogason, forstjóri Icelandair. Vísir/Vilhelm Forstjóri Icelandair líkir verkfallsaðgerðum flugumferðarstjóra við óveður sem olli félaginu um eins milljarðs króna tjóni fyrir sléttu ári. Aðgerðirnar valdi félaginu miklu tjóni en bitni fyrst og fremst á fólki sem stefnir á ferðalög í kringum hátíðirnar. Bogi Nils Bogason, forstjóri Icelandair, gerir kjaradeilu Félags flugumferðarstjóra og Isavia að umfjöllunarefni sínu í aðsendri grein, sem birt var í gærkvöldi. Þar rifjar Bogi Nils upp þann atburð sem mest áhrif hefur haft á rekstur flugfélaga síðustu ár, ef ekki allra tíma, faraldur kórónuveirunnar. Nú séu tvö ár liðin frá því að Icelandair tók á flug á ný eftir að hafa verið í híði í átján mánuði vegna faraldursins. „Sem betur fer hefur Icelandair og ferðaþjónustan á Íslandi náð sér vel á strik og á fyrstu níu mánuðum þessa árs námu útflutningstekjur Íslendinga vegna flugs og ferðaþjónustu 35 prósent af heildarútflutningstekjum þjóðarinnar.“ Lokun Reykjanesbrautarinnar kostaði milljarð Þá segir Bogi Nils það krefjandi að reka flugfélag í miðju Atlantshafinu þar sem allra veðra er von. Í því samhengi rifjar hann upp vonskuveður sem skall á fyrir sléttu ári síðan, með þeim afleiðingum að Reykjanesbrautinni var lokað. „Mikið tjón hlaust af og mat Icelandair beint tjón félagsins á um einn milljarð króna. Nú í haust hafa jarðhræringar á Reykjanesi, og fréttaflutningur þar að lútandi, haft talsverð áhrif á ferðaþjónustuna og flugfélögin.“ Verkföll á versta tíma Bogi Nils segir starfsfólk Icelandair hafa svo sannarlega vonað að veðrið yrði félaginu hliðholt í kringum hátíðirnar. Það vilji fyrst og fremst að farþegar Icelandair eigi ánægjulegt ferðalag og komist á leiðarenda til þess að hitta ættingja og vini, eða þá að fara í langþráð frí. „Hvað gerist þá? Jú, nokkrir tugir starfsmanna opinbers fyrirtækis, ISAVIA, ákveða að loka landinu með reglulegu millibili nú fyrir jólin. Með því valda þeir flugfélögunum verulegu tjóni. Flugfélögunum sem eru grundvöllurinn að þeirra atvinnu og atvinnuöryggi en eru samt ekki aðili að vinnudeilunni.“ Aðgerðirnar bitni þó helst á þeim sem síst skyldi. Á fólki sem er að ferðast á þessum mikilvæga tíma ársins. Starfsfólk Icelandair hugsi fyrst og fremst til farþega félagsins en það sé sárt að horfa upp á þá óvissu og óþægindi sem þessi atburðarás valdi þeim á tímum þar sem gleði eigi að ríkja. Bjóst við samstöðu í greininni Bogi Nils segir að í ljósi þess sem gengið hefur á í rekstri flugfélaga og ferðaþjónustu á undanförnum árum, myndi hann ætla að þau sem starfa í greininnu myndu standa saman. Því sé mjög sérstakt að horfa upp á að aðgerðir flugumferðastjóra núna beinist nær eingöngu að íslensku flugfélögunum tveimur. „Tímasetning aðgerðanna innan dagsins er þannig að erlend flugfélög, sem fljúga hingað til lands, verða fyrir mun minni áhrifum hlutfallslega en þau íslensku. Þessu til viðbótar er stór hluti farþega íslensku flugfélaganna að ferðast á milli Evrópu og N-Ameríku í gegnum Ísland. Þar eru íslensku flugfélögin í samkeppni við stór erlend flugfélög sem fljúga beint yfir hafið en í gegnum íslenska flugumsjónarsvæðið. Engin truflun hefur orðið eða verður hjá þeim flugfélögum þar sem flugumferðarstjórar hafa gert sérstakan samning um að fara eingöngu í verkfall þar sem íslensku félögin starfa.“ Besta vopnið skynsamir langtímasamningar Loks setur Bogi Nils verkföllin í víðara efnahagslegt samhengi. Á sama tíma og flugfélögin horfi upp á grafalvarlegu stöðu, að landinu sé lokað reglulega á viðkvæmasta tíma með tilheyrandi kostnaði og óþægindum, séu Íslendingar að glíma við mjög háa verðbólgu og vexti. Besta vopnið gegn þessum vítahring séu skynsamir langtímasamningar á vinnumarkaði, sem útflutningsgreinarnar hafi efni á. „Til að vinna á verðbólgubálinu eru stöðugleiki og hógværar launahækkanir grundvallaratriði. Nú þegar hafa örfáir einstaklingar valdið þjóðfélaginu verulegu tjóni. Eigum við ekki að láta þar við sitja?“ Kjaraviðræður 2023 Icelandair Fréttir af flugi Kjaramál Stéttarfélög Ferðalög Ferðamennska á Íslandi Jól Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Fengu aðstoð sérsveitar og Gæslunnar við handtöku við Grímsvötn Innlent Arnar Þór vantaði sex meðmæli upp á Innlent Karlremba sé komin í tísku Innlent Svakalegt að sjá fylgisaukningu Höllu Hrundar Innlent Mennirnir tóku annan starfsmannanna hálstaki Innlent Voru með stæla og neituðu að fara upp úr fyrr en löggan mætti Innlent Lögregla kölluð út vegna ungmenna til leiðinda í sundlaug Innlent Gefur lítið fyrir útskýringar fréttastjórans Innlent Fundu hræ fimm hvolpa í Mosfellsbæ Innlent Vill að fréttastofa RÚV biðji Maríu Sigrúnu afsökunar Innlent Fleiri fréttir Íslandsferðin sem breyttist í martröð Fundu hræ fimm hvolpa í Mosfellsbæ Fengu aðstoð sérsveitar og Gæslunnar við handtöku við Grímsvötn Sigurvin dró smábát í land Vill að fréttastofa RÚV biðji Maríu Sigrúnu afsökunar Lögreglan lofar góðu vegaeftirliti á Suðurlandi í sumar Landskjörsstjórn tilkynnir á morgun hvaða listar eru gildir Mögulega að hægjast á landrisi í Svartsengi Karlremba sé komin í tísku Voru með stæla og neituðu að fara upp úr fyrr en löggan mætti Arnar Þór vantaði sex meðmæli upp á Sprengisandur: Peningastefna, ESB og lagareldi Lögregla kölluð út vegna ungmenna til leiðinda í sundlaug Svakalegt að sjá fylgisaukningu Höllu Hrundar Minni lyfjanotkun og meiri vellíðan í sérstöku heilabilunarþorpi Mennirnir tóku annan starfsmannanna hálstaki Líklegt að það styttist í brotmörk Helga lenti einnig í vandræðum Eiríkur og Ástþór fá frest til að bæta við undirskriftum Hættuástand í Grindavík og æsispennandi forsetakosningar Gefur lítið fyrir útskýringar fréttastjórans Handteknir á hlaupum eftir vopnað rán í Reykjavíkurapóteki Björk varar við frumvarpi um sjókvíeldi Uppgangur Höllu Hrundar fari fyrir brjóstið á „valdastéttinni“ Mikil gleði þegar Bergur komst í mark Segir engin annarleg sjónarmið að baki ákvörðun RÚV Hraun mjakast yfir varnargarð Ný gossprunga geti opnast fyrirvaralaust á næstunni Allt að gerast í Vík í Mýrdal um helgina Stór gossprunga gæti opnast fyrirvaralaust Sjá meira
Bogi Nils Bogason, forstjóri Icelandair, gerir kjaradeilu Félags flugumferðarstjóra og Isavia að umfjöllunarefni sínu í aðsendri grein, sem birt var í gærkvöldi. Þar rifjar Bogi Nils upp þann atburð sem mest áhrif hefur haft á rekstur flugfélaga síðustu ár, ef ekki allra tíma, faraldur kórónuveirunnar. Nú séu tvö ár liðin frá því að Icelandair tók á flug á ný eftir að hafa verið í híði í átján mánuði vegna faraldursins. „Sem betur fer hefur Icelandair og ferðaþjónustan á Íslandi náð sér vel á strik og á fyrstu níu mánuðum þessa árs námu útflutningstekjur Íslendinga vegna flugs og ferðaþjónustu 35 prósent af heildarútflutningstekjum þjóðarinnar.“ Lokun Reykjanesbrautarinnar kostaði milljarð Þá segir Bogi Nils það krefjandi að reka flugfélag í miðju Atlantshafinu þar sem allra veðra er von. Í því samhengi rifjar hann upp vonskuveður sem skall á fyrir sléttu ári síðan, með þeim afleiðingum að Reykjanesbrautinni var lokað. „Mikið tjón hlaust af og mat Icelandair beint tjón félagsins á um einn milljarð króna. Nú í haust hafa jarðhræringar á Reykjanesi, og fréttaflutningur þar að lútandi, haft talsverð áhrif á ferðaþjónustuna og flugfélögin.“ Verkföll á versta tíma Bogi Nils segir starfsfólk Icelandair hafa svo sannarlega vonað að veðrið yrði félaginu hliðholt í kringum hátíðirnar. Það vilji fyrst og fremst að farþegar Icelandair eigi ánægjulegt ferðalag og komist á leiðarenda til þess að hitta ættingja og vini, eða þá að fara í langþráð frí. „Hvað gerist þá? Jú, nokkrir tugir starfsmanna opinbers fyrirtækis, ISAVIA, ákveða að loka landinu með reglulegu millibili nú fyrir jólin. Með því valda þeir flugfélögunum verulegu tjóni. Flugfélögunum sem eru grundvöllurinn að þeirra atvinnu og atvinnuöryggi en eru samt ekki aðili að vinnudeilunni.“ Aðgerðirnar bitni þó helst á þeim sem síst skyldi. Á fólki sem er að ferðast á þessum mikilvæga tíma ársins. Starfsfólk Icelandair hugsi fyrst og fremst til farþega félagsins en það sé sárt að horfa upp á þá óvissu og óþægindi sem þessi atburðarás valdi þeim á tímum þar sem gleði eigi að ríkja. Bjóst við samstöðu í greininni Bogi Nils segir að í ljósi þess sem gengið hefur á í rekstri flugfélaga og ferðaþjónustu á undanförnum árum, myndi hann ætla að þau sem starfa í greininnu myndu standa saman. Því sé mjög sérstakt að horfa upp á að aðgerðir flugumferðastjóra núna beinist nær eingöngu að íslensku flugfélögunum tveimur. „Tímasetning aðgerðanna innan dagsins er þannig að erlend flugfélög, sem fljúga hingað til lands, verða fyrir mun minni áhrifum hlutfallslega en þau íslensku. Þessu til viðbótar er stór hluti farþega íslensku flugfélaganna að ferðast á milli Evrópu og N-Ameríku í gegnum Ísland. Þar eru íslensku flugfélögin í samkeppni við stór erlend flugfélög sem fljúga beint yfir hafið en í gegnum íslenska flugumsjónarsvæðið. Engin truflun hefur orðið eða verður hjá þeim flugfélögum þar sem flugumferðarstjórar hafa gert sérstakan samning um að fara eingöngu í verkfall þar sem íslensku félögin starfa.“ Besta vopnið skynsamir langtímasamningar Loks setur Bogi Nils verkföllin í víðara efnahagslegt samhengi. Á sama tíma og flugfélögin horfi upp á grafalvarlegu stöðu, að landinu sé lokað reglulega á viðkvæmasta tíma með tilheyrandi kostnaði og óþægindum, séu Íslendingar að glíma við mjög háa verðbólgu og vexti. Besta vopnið gegn þessum vítahring séu skynsamir langtímasamningar á vinnumarkaði, sem útflutningsgreinarnar hafi efni á. „Til að vinna á verðbólgubálinu eru stöðugleiki og hógværar launahækkanir grundvallaratriði. Nú þegar hafa örfáir einstaklingar valdið þjóðfélaginu verulegu tjóni. Eigum við ekki að láta þar við sitja?“
Kjaraviðræður 2023 Icelandair Fréttir af flugi Kjaramál Stéttarfélög Ferðalög Ferðamennska á Íslandi Jól Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Fengu aðstoð sérsveitar og Gæslunnar við handtöku við Grímsvötn Innlent Arnar Þór vantaði sex meðmæli upp á Innlent Karlremba sé komin í tísku Innlent Svakalegt að sjá fylgisaukningu Höllu Hrundar Innlent Mennirnir tóku annan starfsmannanna hálstaki Innlent Voru með stæla og neituðu að fara upp úr fyrr en löggan mætti Innlent Lögregla kölluð út vegna ungmenna til leiðinda í sundlaug Innlent Gefur lítið fyrir útskýringar fréttastjórans Innlent Fundu hræ fimm hvolpa í Mosfellsbæ Innlent Vill að fréttastofa RÚV biðji Maríu Sigrúnu afsökunar Innlent Fleiri fréttir Íslandsferðin sem breyttist í martröð Fundu hræ fimm hvolpa í Mosfellsbæ Fengu aðstoð sérsveitar og Gæslunnar við handtöku við Grímsvötn Sigurvin dró smábát í land Vill að fréttastofa RÚV biðji Maríu Sigrúnu afsökunar Lögreglan lofar góðu vegaeftirliti á Suðurlandi í sumar Landskjörsstjórn tilkynnir á morgun hvaða listar eru gildir Mögulega að hægjast á landrisi í Svartsengi Karlremba sé komin í tísku Voru með stæla og neituðu að fara upp úr fyrr en löggan mætti Arnar Þór vantaði sex meðmæli upp á Sprengisandur: Peningastefna, ESB og lagareldi Lögregla kölluð út vegna ungmenna til leiðinda í sundlaug Svakalegt að sjá fylgisaukningu Höllu Hrundar Minni lyfjanotkun og meiri vellíðan í sérstöku heilabilunarþorpi Mennirnir tóku annan starfsmannanna hálstaki Líklegt að það styttist í brotmörk Helga lenti einnig í vandræðum Eiríkur og Ástþór fá frest til að bæta við undirskriftum Hættuástand í Grindavík og æsispennandi forsetakosningar Gefur lítið fyrir útskýringar fréttastjórans Handteknir á hlaupum eftir vopnað rán í Reykjavíkurapóteki Björk varar við frumvarpi um sjókvíeldi Uppgangur Höllu Hrundar fari fyrir brjóstið á „valdastéttinni“ Mikil gleði þegar Bergur komst í mark Segir engin annarleg sjónarmið að baki ákvörðun RÚV Hraun mjakast yfir varnargarð Ný gossprunga geti opnast fyrirvaralaust á næstunni Allt að gerast í Vík í Mýrdal um helgina Stór gossprunga gæti opnast fyrirvaralaust Sjá meira