Innlent

Sprautaði spritti framan í opin­beran starfs­mann og sló hann í and­litið

Árni Sæberg skrifar
Héraðsdómur Reykjavíkur tekur mál mannsins fyrir.
Héraðsdómur Reykjavíkur tekur mál mannsins fyrir. Vísir/Vilhelm

Karlmaður hefur verið ákærður fyrir brot gegn valdstjórninni með því að hafa veist með ofbeldi að konu, sem var við skyldustörf sín sem opinber starfsmaður. 

Í ákæru á hendur manninum segir að í byrjun maí í fyrra hafi hann í móttökusal ótilgreindar stofnunar í Reykjavík veist að konunni, sprautað sótthreinsivökva í andlit hennar, tekist á við hana og veitt henni högg í andlit með gifsklæddri hendi, allt með þeim afleiðingum að hún hlaut mar á hægra kinnbeini, eymsli í nefrót og hægra megin á enni, stífleika í hálsi og herðum, bólgu og eymsli í báðum ökklum og eymsli og bólgu í fingrum hægri handar.

Þess er krafist að maðurinn verði dæmdur til refsingar og greiðslu alls sakarkostnaðar.

Þá er þess krafist fyrir hönd konunnar að maðurinn verði dæmdur til að greiða henni eina milljón króna í miskabætur, enda hafi hann valdið henni líkamstjóni af ásetningi eða stórfelldu gáleysi. Þá er málskostnaðar einnig krafist.

Dómsmál Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið