Innlent

Rúta föst í Krossá

Ólafur Björn Sverrisson skrifar
Reynt verður að koma rútunni úr ánni aftur í kvöld.
Reynt verður að koma rútunni úr ánni aftur í kvöld. vísir

Rúta er föst í miðri Krossá. Straumur árinnar er sem stendur of mikill til að hægt sé að koma henni úr ánni, að sögn skálavarðar í Þórsmörk, en reynt verður á ný í kvöld.

Eftirfarandi myndir er frá svæðinu. Krossá rennur úr Mýrdalsjökli vestanverðum og milli Þórsmerkur og Goðalands. Rútan festist skammt frá Skagfjörðsskála í Langadal.

Björgunarsveitarfólk á staðnum hjálpaði við björgunaraðgerðir.vísir
vísir

„Straumurinn lækkar í kvöld þannig við munum reyna aftur þá,“ segir Heiðrún Ólafsdóttir, skálavörður.

Rútan var án farþega en tveir bílstjórar voru í rútunni sem var bjargað af skálavörðum

„Það lítur út fyrir að hann fari á hliðina en vonandi hangir hann fram í kvöld,“ segir Heiðrún og bætir við að mikið sé í ánni núna vegna hlýinda. 

Landsbjörg hefur ekki borist formleg beiðni um aðkomu björgunarsveita, að sögn Jóns Þórs Víglundssonar upplýsingafulltrúa.

Rangárþing eystra Björgunarsveitir

Tengdar fréttir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið