Erlent

Ráð­herra þáði hundruð milljóna frá eitur­lyfja­hring

Bjarki Sigurðsson skrifar
Genaro García Luna var öryggismálaráðherra Mexíkó á árunum 2006 til 2012.
Genaro García Luna var öryggismálaráðherra Mexíkó á árunum 2006 til 2012. EPA/David De La Paz

Genaro García Luna, fyrrverandi öryggismálaráðherra Mexíkó, var í gær sakfelldur fyrir dómi í Bandaríkjunum fyrir að hafa þegið milljónir dollara í mútur frá mexíkóska eiturlyfjahringnum Sinaloa. Hann mun dvelja í fangelsi að minnsta kosti næstu tuttugu árin. 

Luna var ráðherra á árunum 2006 til 2012. Hann var ávallt mikill andstæðingur eiturlyfja og glæpa í kringum eiturlyf, gegndi meðal annars embætti forseta alþjóðlegrar fíkniefnaeftirlitsráðstefnu. 

Hann þótti afar efnaður miðað við þau laun sem hann var með. Hann átti fjölda stórra húsa um alla Mexíkóborg og fleiri fasteignir. Hann gat aldrei útskýrt hvaðan þær eignir komu. 

Árið 2018 þegar réttað var yfir eiturlyfjabaróninum El Chapo viðurkenndi fyrrverandi félagi barónsins, Ismael Zambada García, að hafa tvisvar afhent Luna tvær ferðatöskur sem innihéldu þrjár milljónir dollara, 432 milljónir íslenskra króna. Ári síðar var Luna handtekinn í Texas í Bandaríkjunum. 

Hann var ákærður fyrir að taka við mútum og var sakfelldur í gær eftir rúmlega fjögurra vikna réttarhöld í New York. Hann mun þurfa að sitja í fangelsi að minnsta kosti næstu tuttugu árin en hann gæti verið dæmdur í lífstíðarfangelsi. Dómari mun ákveða lengd fangelsisvistar hans í lok júní.  

Mexíkó Bandaríkin
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið