„Ég horfi í augun á honum og segi að ég vil þetta ekki“ Hallgerður Kolbrún E. Jónsdóttir skrifar 4. janúar 2022 17:30 Vítalía Lazareva segist nú leita réttar síns vegna brota sem hún hafi verið beitt af þremur eldri karlmönnum. Skjáskot Ung kona segist vera að leita réttar síns eftir að brotið hafi verið á henni af þremur eldri karlmönnum. Hún segir brotin hafa átt sér stað þegar hún var í ástarsambandi með vini þeirra. Hún hafi viljað þóknast honum og frosið þegar brotið hafi verið á henni. Vítalía Lazareva, 24 ára gömul kona, segir sögu sína í hlaðvarpsþættinum Eigin konur, sem Edda Falak stjórnar og birtist fyrr í dag. Þar segist hún hafa orðið fyrir ofbeldi í tengslum við framhjáhaldssamband sem hún átti í með tæplega fimmtugum karlmanni. Hún sakar þrjá vini hans um hafa farið yfir mörk sín í heitum potti í sumarbústað og fjórða karlmanninn hafa gengið inn á þau á hótelherbergi og síðan tekið þátt í kynferðislegum athöfnum. Vítalía hefur tjáð sig um málið á samfélagsmiðlum undanfarnar vikur en ekki gefið kost á viðtali fyrr en nú. Vítalía segist í sextán mánuði hafa átt í ástarsambandi við þjóðþekktan mann á fimmtugsaldri sem sé giftur og eigi börn. Sambandið hafi farið fljótt af stað, þau hafi kynnst í ræktinni, þar sem hann er einkaþjálfari, og fyrst byggt á því að hann myndi þjálfa Vítalíu en fljótt snúist í eitthvað annað og meira. Sambandið hafi fljótt orðið mjög náið og þau verið í daglegum samskiptum. „Þessir menn eru allir eldri en foreldrar mínir“ Nokkrum vikum eftir að þau kynntust og fóru að hittast hafi hann boðið henni upp í sumarbústað, þar sem hann hafi verið ásamt þremur vinum sínum. Mönnum, sem allir hafi verið tvöfalt eldri en Vítalía. „Þessir menn eru allir eldri en foreldrar mínir, hann er yngstur í þessum vinahópi. Þeir eiga börn á mínum aldri. Þetta eru töluvert eldri menn en ég og jafnvel eldri en mínir foreldrar,“ segir Vítalía. Þegar hún hafi komið í bústaðinn hafi ástmaður hennar ákveðið að fara í heita pottinn, nakinn. Hún segir í þættinum að sér hafi þótt það óþægilegt en eftir nokkurn tíma hafi hún og vinir hans þrír farið ofan í til hans. Henni hafi ekki dottið í hug að eitthvað kynferðislegt myndi ganga þar á þótt þau væru öll nakin. „Ég á vini sem hafa farið saman í pottinn og það er ekkert svona að gerast í pottinum, það er alveg hægt að fara í pottinn án þess að svona gerist. Þetta er orðinn nektarpottur áður en ég veit af, þrátt fyrir það er það ekki afsökun fyrir því að framin séu brot í pottinum,“ segir hún. „Gerði ýmislegt til að ganga í augun á honum“ Hún segir vini hans hafa farið að þukla á sér og gengið lengra en henni hafi liðið vel með. Hún hafi hins vegar ekkert viljað segja, þar sem hún hafi viljað ganga í augun á ástmanninum. „Maður er í þessum aðstæðum og frýs og segir ekkert. Svo horfi ég framan í þennan mann, sem ég mæti fyrir, og hann segir ekki neitt. Ég gerði ýmislegt held ég til að ganga í augun á honum. Hann er aðalkallinn þetta kvöld sem kemur með mig og ég geri ýmislegt þarna og leyfi ýmislegu að ganga á til að ganga í augun á honum,“ segir hún. „Ég er ekki að fara að segja nei við vini hans, slá þá og segja þeim að drulla sér af mér. Þetta fór alveg yfir öll mörk sem hægt var að fara yfir. Fólk áttar sig ekki á því hversu stórt þetta var, margir halda að þetta hafi verið „bara“ þukl en þetta fór yfir öll mörk hjá öllum.“ Hún segir ýmislegt annað hafa gengið á í bústaðarferðinni en að eftir hana hafi lífið haldið áfram. Hún hafi sett sig í samband við mennina eftir hana til að ræða málin en lítið gengið í þeim efnum. Ástarsambandið hafi þó haldið áfram og segist hún hafa gert allt til að þóknast ástmanni sínum. Hún hafi logið fyrir hann og gert það sem hann hafi beðið hana um og nefnir sem dæmi að hann hafi alltaf getað fylgst með því hvar hún væri hverju sinni í gegn um Snapchat. „Ég horfi í augun á honum og segi að ég vil þetta ekki“ Vítalía segir að í haust hafi annað áfall riðið yfir þegar ástmaður hennar fór í golfferð með vinahópi sínum. Henni hafi verið boðið með og hún verið með honum á hótelherberginu þegar þjóðþekktur vinur hans hafi gengið inn á þau. Um kvöldið hafi ástmaður hennar ákveðið að eitthvað þyrfti að gera til þess að koma í veg fyrir að maðurinn myndi kjafta frá því sem hann hefði séð. Hann hafi boðið manninum upp á hótelherbergi til þeirra, og Vítalía staðið í þeirri trú að þau ætluðu að ræða við hann. Annað hafi hins vegar komið upp á daginn. Hann hafi átt að eiga inni kynferðislegan greiða í stað þagmælsku. „Ég horfi framan í hann þegar vinur hans er að fara niður á mig og ég á að vera að fara niður á hann. Ég horfi í augun á honum, ég er farin að gráta og segi honum að ég vil þetta ekki. Hann segir við mig að þetta verði allt í lagi því hann er með mér.“ „Hvað átti ég að gera? Átti ég að hlaupa út? Ég gat ekki einu sinni farið á bílnum mínum því þetta var á einkavegi sem var lokaður, ég geti ekki farið án þess að hliðið var opnað fyrir mér.“ Segist búin að sætta sig við að málið fari ekki eins og hún vill Eftir þetta hafi sambandið haldið áfram og mælirinn ekki fyllst fyrr en aðrar konur, sem hafi verið í sambandi með manninum, hafi farið að hafa samband við hana og segja henni sínar sögur. „Mér er orðið sama um hvernig ég kem út úr þessu. Ég er ekki að setja mig í fyrsta sæti. Ég hef gert ýmislegt fyrir hann sem er ekki í lagi. Eina sem ég vil frá honum er að hann segi: Það sem hún er að segja er satt og ég hef gert mistök. Eða eitthvað slíkt. En það mun aldrei koma,“ segir Vítalía. „Ég er alveg búin að sætta mig við það að þetta fari ekki eins og ég vil að þetta fari. En ég anda léttar og ég get reynt að sofa á næturnar því ég veit að ég er að segja satt og ég er með þessi gögn, þessi skjáskot. Það er ekki endilega rétt að birta þetta en þetta er það eina sem ég hef og þá nýti ég þetta, því þetta er það eina sem ég hef.“ Mál Vítalíu Lazarevu MeToo Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forsetavaktin: Sjöundi forseti lýðveldisins verður kjörinn Innlent Bein útsending: Kosningasjónvarp Stöðvar 2 Innlent Mætti á kjörstað en fékk þau svör að hún væri búin að kjósa Innlent Jón Gnarr mjög bjartsýnn: „Fyrsti krúnurakaði rauðhærði forsetinn“ Innlent „Galið! Kosningar eru greinilega ekki fyrir öll!“ Innlent Tívolíbomba hefði getað skapað stórhættu Innlent „Unga fólkið er klárlega að velja okkar framboð“ Innlent Beið í klukkustund eftir að fá að kjósa Innlent „Við höfum ekki séð þetta á Íslandi áður“ Innlent Ólík sýn á hvort Ísland eigi að styðja vörn Úkraínumanna Innlent Fleiri fréttir Fyrstu tölur úr Norðausturkjördæmi: Halla Tómasdóttir efst Halla Hrund: „Þetta ferðalag mun binda okkur saman út ævina“ Bein útsending: Kosningasjónvarp Stöðvar 2 Alls konar dýnamík geti komið inn við myndun tveggja turna Beið í klukkustund eftir að fá að kjósa „Galið! Kosningar eru greinilega ekki fyrir öll!“ Mætti á kjörstað en fékk þau svör að hún væri búin að kjósa Ráðinn slökkviliðsstjóri á Suðurnesjum Skipuð í embætti fiskistofustjóra Kjörsókn utankjörfundar minni en 2020 Sársvekktur að hafa ekki getað kosið í Mývatnssveit Allt um æsispennandi forsetakosningar og leik ársins í fótboltanum Skili embættinu þannig að nýr forseti og þjóðin geti vel við unað Kosningarnar þær mest spennandi síðan 1980 Veðurspá slæm fyrir vikuna og bændur hvattir til að huga að búfénaði Slasaðist á buggy-bíl í Básum í Goðalandi Bláa lónið opnar aftur á morgun Sjómannadagsfjör á Skagaströnd Margir góðir frambjóðendur í boði Jón Gnarr mjög bjartsýnn: „Fyrsti krúnurakaði rauðhærði forsetinn“ „Held ég fari bara að sofa upp úr miðnætti“ Rolluhótel sárabót fyrir að missa gistiheimilið „Væta í minni sveit boðaði heldur betur grósku“ „Unga fólkið er klárlega að velja okkar framboð“ Kjörsókn víða ívið betri en í síðustu kosningum Fékk „gríðarlega góð“ viðbrögð eftir kappræðurnar Fólk kasti atkvæði sínu á stríðsbálið „Ég held að þetta verði mjög spennandi“ Forsetavaktin: Sjöundi forseti lýðveldisins verður kjörinn Tívolíbomba hefði getað skapað stórhættu Sjá meira
Vítalía Lazareva, 24 ára gömul kona, segir sögu sína í hlaðvarpsþættinum Eigin konur, sem Edda Falak stjórnar og birtist fyrr í dag. Þar segist hún hafa orðið fyrir ofbeldi í tengslum við framhjáhaldssamband sem hún átti í með tæplega fimmtugum karlmanni. Hún sakar þrjá vini hans um hafa farið yfir mörk sín í heitum potti í sumarbústað og fjórða karlmanninn hafa gengið inn á þau á hótelherbergi og síðan tekið þátt í kynferðislegum athöfnum. Vítalía hefur tjáð sig um málið á samfélagsmiðlum undanfarnar vikur en ekki gefið kost á viðtali fyrr en nú. Vítalía segist í sextán mánuði hafa átt í ástarsambandi við þjóðþekktan mann á fimmtugsaldri sem sé giftur og eigi börn. Sambandið hafi farið fljótt af stað, þau hafi kynnst í ræktinni, þar sem hann er einkaþjálfari, og fyrst byggt á því að hann myndi þjálfa Vítalíu en fljótt snúist í eitthvað annað og meira. Sambandið hafi fljótt orðið mjög náið og þau verið í daglegum samskiptum. „Þessir menn eru allir eldri en foreldrar mínir“ Nokkrum vikum eftir að þau kynntust og fóru að hittast hafi hann boðið henni upp í sumarbústað, þar sem hann hafi verið ásamt þremur vinum sínum. Mönnum, sem allir hafi verið tvöfalt eldri en Vítalía. „Þessir menn eru allir eldri en foreldrar mínir, hann er yngstur í þessum vinahópi. Þeir eiga börn á mínum aldri. Þetta eru töluvert eldri menn en ég og jafnvel eldri en mínir foreldrar,“ segir Vítalía. Þegar hún hafi komið í bústaðinn hafi ástmaður hennar ákveðið að fara í heita pottinn, nakinn. Hún segir í þættinum að sér hafi þótt það óþægilegt en eftir nokkurn tíma hafi hún og vinir hans þrír farið ofan í til hans. Henni hafi ekki dottið í hug að eitthvað kynferðislegt myndi ganga þar á þótt þau væru öll nakin. „Ég á vini sem hafa farið saman í pottinn og það er ekkert svona að gerast í pottinum, það er alveg hægt að fara í pottinn án þess að svona gerist. Þetta er orðinn nektarpottur áður en ég veit af, þrátt fyrir það er það ekki afsökun fyrir því að framin séu brot í pottinum,“ segir hún. „Gerði ýmislegt til að ganga í augun á honum“ Hún segir vini hans hafa farið að þukla á sér og gengið lengra en henni hafi liðið vel með. Hún hafi hins vegar ekkert viljað segja, þar sem hún hafi viljað ganga í augun á ástmanninum. „Maður er í þessum aðstæðum og frýs og segir ekkert. Svo horfi ég framan í þennan mann, sem ég mæti fyrir, og hann segir ekki neitt. Ég gerði ýmislegt held ég til að ganga í augun á honum. Hann er aðalkallinn þetta kvöld sem kemur með mig og ég geri ýmislegt þarna og leyfi ýmislegu að ganga á til að ganga í augun á honum,“ segir hún. „Ég er ekki að fara að segja nei við vini hans, slá þá og segja þeim að drulla sér af mér. Þetta fór alveg yfir öll mörk sem hægt var að fara yfir. Fólk áttar sig ekki á því hversu stórt þetta var, margir halda að þetta hafi verið „bara“ þukl en þetta fór yfir öll mörk hjá öllum.“ Hún segir ýmislegt annað hafa gengið á í bústaðarferðinni en að eftir hana hafi lífið haldið áfram. Hún hafi sett sig í samband við mennina eftir hana til að ræða málin en lítið gengið í þeim efnum. Ástarsambandið hafi þó haldið áfram og segist hún hafa gert allt til að þóknast ástmanni sínum. Hún hafi logið fyrir hann og gert það sem hann hafi beðið hana um og nefnir sem dæmi að hann hafi alltaf getað fylgst með því hvar hún væri hverju sinni í gegn um Snapchat. „Ég horfi í augun á honum og segi að ég vil þetta ekki“ Vítalía segir að í haust hafi annað áfall riðið yfir þegar ástmaður hennar fór í golfferð með vinahópi sínum. Henni hafi verið boðið með og hún verið með honum á hótelherberginu þegar þjóðþekktur vinur hans hafi gengið inn á þau. Um kvöldið hafi ástmaður hennar ákveðið að eitthvað þyrfti að gera til þess að koma í veg fyrir að maðurinn myndi kjafta frá því sem hann hefði séð. Hann hafi boðið manninum upp á hótelherbergi til þeirra, og Vítalía staðið í þeirri trú að þau ætluðu að ræða við hann. Annað hafi hins vegar komið upp á daginn. Hann hafi átt að eiga inni kynferðislegan greiða í stað þagmælsku. „Ég horfi framan í hann þegar vinur hans er að fara niður á mig og ég á að vera að fara niður á hann. Ég horfi í augun á honum, ég er farin að gráta og segi honum að ég vil þetta ekki. Hann segir við mig að þetta verði allt í lagi því hann er með mér.“ „Hvað átti ég að gera? Átti ég að hlaupa út? Ég gat ekki einu sinni farið á bílnum mínum því þetta var á einkavegi sem var lokaður, ég geti ekki farið án þess að hliðið var opnað fyrir mér.“ Segist búin að sætta sig við að málið fari ekki eins og hún vill Eftir þetta hafi sambandið haldið áfram og mælirinn ekki fyllst fyrr en aðrar konur, sem hafi verið í sambandi með manninum, hafi farið að hafa samband við hana og segja henni sínar sögur. „Mér er orðið sama um hvernig ég kem út úr þessu. Ég er ekki að setja mig í fyrsta sæti. Ég hef gert ýmislegt fyrir hann sem er ekki í lagi. Eina sem ég vil frá honum er að hann segi: Það sem hún er að segja er satt og ég hef gert mistök. Eða eitthvað slíkt. En það mun aldrei koma,“ segir Vítalía. „Ég er alveg búin að sætta mig við það að þetta fari ekki eins og ég vil að þetta fari. En ég anda léttar og ég get reynt að sofa á næturnar því ég veit að ég er að segja satt og ég er með þessi gögn, þessi skjáskot. Það er ekki endilega rétt að birta þetta en þetta er það eina sem ég hef og þá nýti ég þetta, því þetta er það eina sem ég hef.“
Mál Vítalíu Lazarevu MeToo Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forsetavaktin: Sjöundi forseti lýðveldisins verður kjörinn Innlent Bein útsending: Kosningasjónvarp Stöðvar 2 Innlent Mætti á kjörstað en fékk þau svör að hún væri búin að kjósa Innlent Jón Gnarr mjög bjartsýnn: „Fyrsti krúnurakaði rauðhærði forsetinn“ Innlent „Galið! Kosningar eru greinilega ekki fyrir öll!“ Innlent Tívolíbomba hefði getað skapað stórhættu Innlent „Unga fólkið er klárlega að velja okkar framboð“ Innlent Beið í klukkustund eftir að fá að kjósa Innlent „Við höfum ekki séð þetta á Íslandi áður“ Innlent Ólík sýn á hvort Ísland eigi að styðja vörn Úkraínumanna Innlent Fleiri fréttir Fyrstu tölur úr Norðausturkjördæmi: Halla Tómasdóttir efst Halla Hrund: „Þetta ferðalag mun binda okkur saman út ævina“ Bein útsending: Kosningasjónvarp Stöðvar 2 Alls konar dýnamík geti komið inn við myndun tveggja turna Beið í klukkustund eftir að fá að kjósa „Galið! Kosningar eru greinilega ekki fyrir öll!“ Mætti á kjörstað en fékk þau svör að hún væri búin að kjósa Ráðinn slökkviliðsstjóri á Suðurnesjum Skipuð í embætti fiskistofustjóra Kjörsókn utankjörfundar minni en 2020 Sársvekktur að hafa ekki getað kosið í Mývatnssveit Allt um æsispennandi forsetakosningar og leik ársins í fótboltanum Skili embættinu þannig að nýr forseti og þjóðin geti vel við unað Kosningarnar þær mest spennandi síðan 1980 Veðurspá slæm fyrir vikuna og bændur hvattir til að huga að búfénaði Slasaðist á buggy-bíl í Básum í Goðalandi Bláa lónið opnar aftur á morgun Sjómannadagsfjör á Skagaströnd Margir góðir frambjóðendur í boði Jón Gnarr mjög bjartsýnn: „Fyrsti krúnurakaði rauðhærði forsetinn“ „Held ég fari bara að sofa upp úr miðnætti“ Rolluhótel sárabót fyrir að missa gistiheimilið „Væta í minni sveit boðaði heldur betur grósku“ „Unga fólkið er klárlega að velja okkar framboð“ Kjörsókn víða ívið betri en í síðustu kosningum Fékk „gríðarlega góð“ viðbrögð eftir kappræðurnar Fólk kasti atkvæði sínu á stríðsbálið „Ég held að þetta verði mjög spennandi“ Forsetavaktin: Sjöundi forseti lýðveldisins verður kjörinn Tívolíbomba hefði getað skapað stórhættu Sjá meira