Formúla 1 hefur þróað 100% sjálfbært eldsneyti

Kristinn Ásgeir Gylfason skrifar 21. desember 2020 07:01

Ross Brawn er yfirmaður kappakstursmála hjá Formúlu 1. Vísir/Getty

Formúla 1 hefur þróað 100% sjálfbært eldsneyti úr lífrænum úrgangi. Eldsneytið er í prófunum hjá liðum í Formúlu 1 um þessar mundir.

Formúla 1 hefur skuldbundið sig til að notast áfram við tvinn-vélar, þegar nýjar vélareglur verða kynntar í síðasta lagi fyrir tímabilið 2026. Stór þáttur í auknum áherslum Formúlu 1 á minnka kolefnaspor sitt er eldsneytið sem notað er.

FIA, alþjóða akstursíþróttasambandið mun krefjast þess að hærra hlutfall af eldsneytinu sem notað er verði lífefna-eldsneyti innan skamms. Þegar reglurnar fyrir næstu kynslóð véla verða kynntar er hugmyndin að nota eingöngu sjálfbært eldsneyti.

Vélaframleiðendur í Formúlu 1 hafa fengið eldsneytið til prófanna og hafa verið beðnir um að kanna hvort það sé nothæft til kappaksturs.

Ross Brawn, yfirmaður kappakstursmála hjá Formúlu 1 hefur sagt að „Formúla 1 hefur lengi verið vettvangur þar sem nýjar kynslóðir tæknilegra lausna fyrir bílaiðnaðinn verða til.“

Ef eldsneytið reynist nothæft þá er afar líklegt að tæknin geti verið notuð til að minnka umhverfisáhrif fólksbifreiða til muna.

Sem dæmi um tækni sem var fyrst kynnt til sögunnar í Formúlu 1 en hefur síðar skilað sér í almenna fólksbíla eru ABS hemlakerfi og spólvörn.

Vistvænir bílar Formúla

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.