Joker sögð ógnvekjandi og sláandi: Spá Joaquin Phoenix Óskarsverðlaunatilnefningu Birgir Olgeirsson skrifar 31. ágúst 2019 19:03 Joaquin Phoenix leikur Arthur Fleck í myndinni sem fer yfir um þegar hann er niðurlægður af spjallþáttastjórnanda. Warner Bros Gagnrýnendur hafa fengið að sjá nýjustu myndina um illmennið Jókerinn á kvikmyndahátíðinni á Feneyjum og er óhætt að segja að þeir hafi verið nokkuð hrifnir. Er myndin sögð sláandi og ógnvekjandi en aðalleikara myndarinnar Joaquin Phoenix er spáð tilnefningu til Óskarsverðlauna fyrir túlkun sína á þessum þekktasta óþokka myndasagnanna. Leikstjóri myndarinnar er Todd Phillips en Jókerinn tilheyrir myndasagnaheimi DC og er jafnan sagður erkióvinur Batman. Leðurblökumaðurinn er þó hvergi sjáanlegur í þessari mynd. Einblínir hún eingöngu á forsögu Jókersins, hvað það var sem gerði hann svona skelfilega illa innrættan og sturlaðan. Er framsetning myndarinnar sögð afar huguð en með önnur hlutverk fara Óskarsverðlaunahafinn Robert De Niro, Marc Maron og Zazie Beetz. Gagnrýnandi Hollywood Reporter hrósar sérstaklega Joaquin Phoenix fyrir að gera Jókerinn svo aumkunarverðan en á sama tíma stafar gegndarlaus ógn af honum. Áhorfendur fá samúð með þessu varmenni á sama tíma og þeir eru dauðhræddir við hann.Líkt og fyrr segir leikur Robert De Niro í myndinni sem er sögð sækja innblástur í tveimur myndum sem hann lék aðalhlutverkið í, The King of Comedy og Taxi Driver. Báðar fjalla þær myndir um hvernig menn sem standa halloka í samfélaginu tapa vitinu með skelfilegum afleiðingum. Jim Vejvoda, gagnrýnandi IGN, segir myndina einnig sækja innblástur í Clockwork Orange og Dog Day Afternoon. Hann segir leikstjórann Todd Phillips kalla fram vorkunn í garð Jókersins en þó sé enginn tilbúinn að fyrirgefa honum fyrir þau myrkraverk sem hann fremur. Gagnrýnandi Forbes segir Joker eina af bestu myndum ársins og eins og allir hinir gagnrýnendurnir bendir hann á að stjörnuleikur Joaquin Phoenix beri myndina uppi. Er hann sagður ekki aðeins á pari við þann Jóker sem Heath Ledger túlkaði í The Dark Knight, heldur mögulega aðeins betri. Í myndinni leikur Joaquin Phoenix uppistandarann Arthur Fleck sem reynir að koma sér á framfæri í Gotham-borg. Hann stendur fremur höllum fæti í þeim bransa og er sagður fara yfir um eftir að spjallþáttastjórnandi, sem Robert De Niro leikur, gerir lítið úr honum. Myndin verður frumsýnd 4. október á Íslandi. Hollywood Óskarinn Tengdar fréttir Ný stikla fyrir Jókerinn komin Íslenska tónskáldið Hildur Guðnadóttir, sem vakti mikla athygli fyrir hljóðrás sína fyrir þættina Chernobyl, semur tónlistina fyrir myndina en hún er ekki eina íslenska tónskáldið sem kemur að myndinni. Veigar Margeirsson tónskáld samdi tónlistina fyrir stikluna sjálfa sem er áberandi í henni. 30. ágúst 2019 08:58 Mest lesið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Kosningavökur frambjóðenda: Hvar verða mestu fagnaðarlætin? Lífið Bannaði Snorra að kjósa Arnar Þór Lífið Segir brjóst myndast við mikla bjórdrykkju Lífið Ofboðslega stolt af dóttur sinni Lífið „Tilfinningaþrungið að fá að fylgja myndinni í flík sem þessari“ Tíska og hönnun Fréttatía vikunnar: Kosningar, eldgos og meistarar Lífið The Lazarus Project: Varúð, veldur svefnleysi Gagnrýni Frambjóðendum gekk misvel í hraðaspurningum Lífið Fleiri fréttir Balti var í hesthúsinu þegar Jason Statham hringdi Gleði og tilhlökkun fyrir fyrstu Filmu hátíðinni Anora hlaut Gullpálmann í ár Syngja með Grease á fyrstu skynsegin sýningu Íslandssögunnar Balti hélt að Pálmi myndi aldrei mæta Opinbera Hemsworth í hlutverki Geralt Egill mætti með barnabörnin á forsýningu Snertingar Stóðu upp og klöppuðu í fimm mínútur fyrir Ljósbroti Stjörnurnar vilja Spacey úr sjö ára útlegð Fundu föt við hæfi á síðustu stundu fyrir Cannes Fyrsta kitlan úr annarri seríu Rings of Power Sorgin allsráðandi í fyrstu stiklunni úr Ljósbrot Statham og Baltasar sameina krafta sína í væntanlegri hasarmynd Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Sjá meira
Gagnrýnendur hafa fengið að sjá nýjustu myndina um illmennið Jókerinn á kvikmyndahátíðinni á Feneyjum og er óhætt að segja að þeir hafi verið nokkuð hrifnir. Er myndin sögð sláandi og ógnvekjandi en aðalleikara myndarinnar Joaquin Phoenix er spáð tilnefningu til Óskarsverðlauna fyrir túlkun sína á þessum þekktasta óþokka myndasagnanna. Leikstjóri myndarinnar er Todd Phillips en Jókerinn tilheyrir myndasagnaheimi DC og er jafnan sagður erkióvinur Batman. Leðurblökumaðurinn er þó hvergi sjáanlegur í þessari mynd. Einblínir hún eingöngu á forsögu Jókersins, hvað það var sem gerði hann svona skelfilega illa innrættan og sturlaðan. Er framsetning myndarinnar sögð afar huguð en með önnur hlutverk fara Óskarsverðlaunahafinn Robert De Niro, Marc Maron og Zazie Beetz. Gagnrýnandi Hollywood Reporter hrósar sérstaklega Joaquin Phoenix fyrir að gera Jókerinn svo aumkunarverðan en á sama tíma stafar gegndarlaus ógn af honum. Áhorfendur fá samúð með þessu varmenni á sama tíma og þeir eru dauðhræddir við hann.Líkt og fyrr segir leikur Robert De Niro í myndinni sem er sögð sækja innblástur í tveimur myndum sem hann lék aðalhlutverkið í, The King of Comedy og Taxi Driver. Báðar fjalla þær myndir um hvernig menn sem standa halloka í samfélaginu tapa vitinu með skelfilegum afleiðingum. Jim Vejvoda, gagnrýnandi IGN, segir myndina einnig sækja innblástur í Clockwork Orange og Dog Day Afternoon. Hann segir leikstjórann Todd Phillips kalla fram vorkunn í garð Jókersins en þó sé enginn tilbúinn að fyrirgefa honum fyrir þau myrkraverk sem hann fremur. Gagnrýnandi Forbes segir Joker eina af bestu myndum ársins og eins og allir hinir gagnrýnendurnir bendir hann á að stjörnuleikur Joaquin Phoenix beri myndina uppi. Er hann sagður ekki aðeins á pari við þann Jóker sem Heath Ledger túlkaði í The Dark Knight, heldur mögulega aðeins betri. Í myndinni leikur Joaquin Phoenix uppistandarann Arthur Fleck sem reynir að koma sér á framfæri í Gotham-borg. Hann stendur fremur höllum fæti í þeim bransa og er sagður fara yfir um eftir að spjallþáttastjórnandi, sem Robert De Niro leikur, gerir lítið úr honum. Myndin verður frumsýnd 4. október á Íslandi.
Hollywood Óskarinn Tengdar fréttir Ný stikla fyrir Jókerinn komin Íslenska tónskáldið Hildur Guðnadóttir, sem vakti mikla athygli fyrir hljóðrás sína fyrir þættina Chernobyl, semur tónlistina fyrir myndina en hún er ekki eina íslenska tónskáldið sem kemur að myndinni. Veigar Margeirsson tónskáld samdi tónlistina fyrir stikluna sjálfa sem er áberandi í henni. 30. ágúst 2019 08:58 Mest lesið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Kosningavökur frambjóðenda: Hvar verða mestu fagnaðarlætin? Lífið Bannaði Snorra að kjósa Arnar Þór Lífið Segir brjóst myndast við mikla bjórdrykkju Lífið Ofboðslega stolt af dóttur sinni Lífið „Tilfinningaþrungið að fá að fylgja myndinni í flík sem þessari“ Tíska og hönnun Fréttatía vikunnar: Kosningar, eldgos og meistarar Lífið The Lazarus Project: Varúð, veldur svefnleysi Gagnrýni Frambjóðendum gekk misvel í hraðaspurningum Lífið Fleiri fréttir Balti var í hesthúsinu þegar Jason Statham hringdi Gleði og tilhlökkun fyrir fyrstu Filmu hátíðinni Anora hlaut Gullpálmann í ár Syngja með Grease á fyrstu skynsegin sýningu Íslandssögunnar Balti hélt að Pálmi myndi aldrei mæta Opinbera Hemsworth í hlutverki Geralt Egill mætti með barnabörnin á forsýningu Snertingar Stóðu upp og klöppuðu í fimm mínútur fyrir Ljósbroti Stjörnurnar vilja Spacey úr sjö ára útlegð Fundu föt við hæfi á síðustu stundu fyrir Cannes Fyrsta kitlan úr annarri seríu Rings of Power Sorgin allsráðandi í fyrstu stiklunni úr Ljósbrot Statham og Baltasar sameina krafta sína í væntanlegri hasarmynd Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Sjá meira
Ný stikla fyrir Jókerinn komin Íslenska tónskáldið Hildur Guðnadóttir, sem vakti mikla athygli fyrir hljóðrás sína fyrir þættina Chernobyl, semur tónlistina fyrir myndina en hún er ekki eina íslenska tónskáldið sem kemur að myndinni. Veigar Margeirsson tónskáld samdi tónlistina fyrir stikluna sjálfa sem er áberandi í henni. 30. ágúst 2019 08:58