Körfubolti

Þór í Dominos-deildina á ný eftir eins árs fjarveru

Anton Ingi Leifsson skrifar
Leikmannahópur Þórs.
Leikmannahópur Þórs. fésbókarsíða þórs
Þór Akureyri er komið aftur upp í Dominos-deild karla, eftir að hafa haft sigrað Snæfell í kvöld, 88-62.

Larry Thomas var stigahæstur hjá Þórsurum í kvöld með 21 stig og fjórtán fráköst. Ingvi Rafn Ingvarsson bætti við sautján stigum, sex fráköstum og sjö stoðsendingum.

Þór er með 32 stig á toppi deildarinnar, fjórum stigum á undan Fjölni, sem er í öðru sætinu en Fjölnir er að spila við Hött þegar þetta er skrifað.

Sama hvernig sá leikur fer munu Fjölnismenn ekki ná Þórsurum því Akureyringar höfðu betur í innbyrðisviðureignum liðanna í vetur.

Þórsarar eru því komnir aftur í deild þeirra bestu en þeir féllu úr deildinni tímabilið 2017/2018. Þjálfari liðsins er Lárus Jónsson sem stýrði Breiðablik á síðustu leiktíð.




Fleiri fréttir

Sjá meira


×