Lífið

Febrúarspá Siggu Kling - Fiskarnir: Snillingur í að gleyma eigin tilfinningum

Elsku Fiskarnir mínir, hinn fallega pláneta Neptúnus sem er pláneta hugsjóna, drauma, uppfinninga og útskýrir kannski af hverju þú ferðast svo hratt í gegnum tilveruna, en stundum verðurðu alveg stopp, finnst allt svo ömurlegt og þú ferð bara að gráta.

Þetta er það sem gefur þér þetta barnslega eðli ómótstæðilegra tilfinninga, líkt og að fara í leikhús og sjá besta verk sem maður á ævinni hefur séð og maður gleymir aldrei, þannig tilfinningapersóna ert þú.

Þú ert samt snillingur í að gleyma eigin tilfinningum í því að hjálpa og hrósa öðrum til að þeir nái ótrúlegum árangri og verður jafnvel bara ánægður og líður vel með það. Þú átt eftir að kynnast svo mikið af fólki og allir eiga líka eftir að þekkja þig, hvort sem þú vilt það eða ekki. Þú ert mikill sögumaður og þú skalt nýta þér það, hvort sem þú ert að sækja um vinnu, heilla ástina eða eitthvað fólk upp úr skónum því þú setur eitthvað afl í orðin þín þegar þú talar og það er eins og að hlusta á dásamlega fagra músík.

Þessi mánuðir sem eru í kringum þig munu umbylta skoðunum þínum á svo mörgu, senda til þín aflmikið fólk sem vísar þér leið ef þig vantar það, gefa þér ást engri líkri, en þar verðurðu bæði að nenna og kæra þig um það að henda þér í ástarpollinn.

Mundu að greina aðalatriðin frá aukaatriðunum, þá finnurðu þú sért á réttri leið og þinn bráðskarpi hugur mun henda allri lognmollu í burtu og láta þig framkvæma og fleygja þér út í djúpu laugina, lausnin býr í því. Þú átt eftir að setja mikinn kraft í félagslífið og framabrautin gengur svo aldeilis vel, slepptu því alveg að fá móral yfir einhverju, því mórall er einskis nýt hugsun og á heima í ruslatunnunni. Knús og kossar, Kling.

Frægir Fiskar: Elísabet Ásberg listamaður, Beggi hans Pacasar, Baltasar Kormákur leikstjóri, Díana Ómel fjöllistakona, Árni Johnsen, fyrrverandi þingmaður, Albert Einstein, Sigmundur Davíð Gunnlaugsson forsætisráðherra, Vigdís Hauksdóttir þingkona, Ilmur Kristjánsdóttir leikkona, Svavar Örn engill, Páll Óskar poppstjarna, Katla Sign og Baby Kling, Lína Rut listaperla, Nanna Lovísa dýranuddari, Höskuldur Kári Schram fréttamaður.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.