Fallegustu og ljótustu bókakápurnar 2018 Benedikt Bóas skrifar 15. desember 2018 12:00 Allt er þetta auðvitað aðeins til gamans gert og engin ástæða til að taka þetta of hátíðlega. Fréttablaðið/Anton Brink Það ætti aldrei að dæma bók eftir kápunni en hún skiptir samt máli. Bókarkápa er nefnilega hluti af heildarupplifun lesandans og svo skiptir líka máli að hún sé bæði söluvænleg og eiguleg. Hér hefur því galvösk sveit álitsgjafa tekið að sér að velja fallegustu og ljótustu bókarkápur jólabókaflóðsins í ár. Allt er þetta þó auðvitað aðeins til gamans gert og engin ástæða til að taka þetta of hátíðlega.BestuFallegust 1. sæti 60 kíló af sólskini „Þessi kápa er virkilega vel heppnuð, falleg litasamsetning og letur. Myndin í miðjunni, í gatinu er heillandi. Litirnir og leturnotkunin laðar mann að. Gatið á kápunni er vel útfært með fallegri íkónískri skipamynd fyrir miðju.“ Það er gaman að sjá karaktermikið letur aftan á kápunni sem er líka notað í kaflaheitum þar sem að sterkur karakter letursins mætir rólegu lesletrinu. „Kápan í heild sinni er algjör sprengja sem gengur upp.“ „Það fallega við hana er einnig að ef kápan væri öll prentuð svarthvít þá gæti þetta verið eldgömul bók.“ „Glaðlegir litir kápunnar ríma vel við bjartan titilinn. Uppsetningin er nútímaleg en vísar jafnframt í tíma torfkofanna á Íslandi. Teikningin af skipinu er ævintýraleg og í samhengi við leturgerðina og litavalið vekur hún forvitni um innihald bókarinnar. Mjög vel heppnuð bókarkápa sem maður myndi gjarnan vilja hafa nálægt sér.“2. sætiSagan um Skarphéðin Dungal sem setti fram nýjar kenningar um eðli alheimsins. „Kápan er í senn frumleg og einföld. Í stað þess að gefa nánari hugmynd um innihald bókarinnar er kápan hér einskonar sýnidæmi um stíleinkenni innsíðanna, þ.e. mjúkar línur teikninganna, hornótt form klippimyndanna og barnslegan leik týpógrafíunnar.“ „Skemmtilegur og áhugaverður stíll.“ „Sterk og skemmtilega upp sett fyrir það sem hún er.“ „Sterkir litir sem grípa eflaust yngri kynslóðina og festast auðveldlega í minninu.“ „Appelsínuguli liturinn er gegnumgangandi í bókinni með fallegum teikningum eftir Rán Flygenring. Leturval flott og titillinn einnig skondinn, hann er þrykktur ofan í kápuna með glansi sem gefur þessu smá auka “touch”.“ „Undirtitillinn er á flugi á réttan hátt og heldur sér á afmörkuðu svæði í samtali við heildina.“3. sætiKláði „Þessi kápa er eins og listaverk. Væri til að eiga hana innrammaða upp á vegg, það er góðs viti. Vil lesa bókina út af fegurð kápunnar - er þá ekki tilgangi náð?“ „Skil ekkert hvað er í gangi þarna en það svínvirkar.“Aðrar góðar í umræðunniBlóð engill „Stílhrein kápa sem fer beint að kjarna málsins með einfaldri mynd og réttum litum.“Brúðan „Skólabókardæmi um hvernig kápa á metsölubók er.“Krýsuvík „Klassískur Stefán Máni. Þarna býr mikið myrkur og ég elskaða.“Krossfiskar „Kápan er leyst á snjallan hátt með einfaldleikanum, leturval er í takt við munstrið á kápunni og þetta tvennt er í góðu jafnvægi. Einhvers konar hiti og kuldi mætast á kápunni.“Verstu1. sæti 104 „sannar“ Þingeyskar lygasögur „Ég er fullviss um að þessi kápa hafi verið hönnuð í Paint. Það fær mig reyndar til að vilja lesa hana enn frekar.“ „Það er mikill misskilingur að það þurfti að setja alla höfunda á forsíðuna, eða eru þetta höfundar, það kemur ekkert fram?“ „Bara myndir af fullt af fólki. Mjög skrýtið.“2. sætiMojfríður einkaspæjari „Það sem er verst við kápuna er hversu illa er farið með allt plássið. Stafabilin í orðinu „MOJFRÍÐUR“ eru mjög ójöfn og orðið „EINKASPÆJARI“ er staðsett svo nálægt „MOJFRÍÐUR“ að J-ið fer á milli N-sins og K-sins sem lætur augunum ekki líða vel. Höfundarnafnið er síðan staðsett næstum alveg ofan í lógói forlagsins og bleiku fótsporin svo langt til hægri að þau lenda næstum út af bókarkápunni. Hér hefði mátt vanda betur til verks.“ „Bleiki liturinn gæti gripið mann en nær því ekki því hann er flatur með ljósbleikum og illa útfærðum dýrasporum sem eru í lélegri fjarvídd; koma varla úr fjarska. Dínamíkin í sporunum hefur enga spennu. Leturval og uppsetning er þreytt og fljótfærnisleg. „Það er eins og tíminn hafi verið orðinn of naumur og kápunni hafi verið hent upp. Ég myndi ekki borga mikið fyrir þessa.“ 3 .sætiÆvintýrið í Austurvegi „Hvernig er hægt að gera svona slæma kápu úr öðru eins ævintýri? Fyrir utan það að titill bókarinnar er skelfilegur er letrið forljótt og öll kápan týnist í netinu í markinu. “ „Eins mikið og ég elska hugtakið „strákarnir okkar“ finnst mér kápan af „Ævintýri í Austurvegi” vægast sagt hrikaleg. Ljósmyndin gæti hafa verið fengin af fótbolti.net og heildin lýsir sér eins og afmælisboðskort frá 12 ára krakka.“Aðrar vondar Útkall „Með ljótari kápum sem ég hef séð. Það er eins og maðurinn í forgrunni sé að fara að fremja röð innbrota í litlu sjávarplássi. Tengist skipbroti ekkert og skipin fyrir aftan sjást varla.“Stúlkan hjá brúnni „Arnaldur er búinn að gefa út svo margar bækur að kápuhönnuðir hans eru orðnir uppi skroppa með hugmyndir. Svo er nafn hans í 20 punkta stærra letri en nafnið á sjálfri bókinni. Furðulegt.“Drottningin á Júpíter „Liturinn á letrinu tónar absúrd illa við bakgrunninn. Fæ á tilfinninguna að þetta sé vond erótísk ástarsaga.“Hrauney „Það sem er slæmt við þessa kápu er sennilega ofgnótt á notkun tóla og tækja myndvinnsluforritsins Photoshop. Hraun og gull gæti í sjálfu sér verið góð blanda – en ef til vill er þá betra að sleppa djúpu svartholi með sjálflýsandi augum og útlínum Íslands spegluðum í miðjunni.“„Óttalegur Júlli ertu“ – Eyfirsk kímni og gamanmál „Er þetta virkilega ný bók? Eins og eitthvað sem maður finnur í bókaskápum sumarbústaða, frá níunda áratugnum. Og hvað, voru bara fyndnir karlar á þessum slóðum?“ Álitsgjafar Fréttablaðsins Tómas Þór Þórðarson - Íþróttafréttamaður Álfrún Pálsdóttir - ritstjóri Hrafnhildur Agnarsdóttir - Lífupplýsinga-og kerfislíffræðingur Elín Edda Þorsteinsdóttir - Grafískur hönnuður Ólafur Þór Kristinsson - Grafískur hönnuður Erna Hreinsdóttir, Grafískur Hönnuður og Markaðsstjóri Geysis Mest lesið Brynja og Þórhallur kveðja Nýlendugötuna Lífið „Spurði hversu mörgum stelpum hann væri búin að senda þessa línu“ Makamál Fjölmennt í framboðsteiti Arnars Þórs í Iðnó Lífið „Það var alltaf draumur hjá honum að heimsækja Ísland aftur“ Lífið 23 hvolpar á heimili í Þorlákshöfn Lífið Þórdís Lóa um Júró-umfjöllun: „Hvers vegna þessi þögn?“ Lífið Hugsar oft til fyrstu ástarinnar vegna ástandsins í Íran Lífið Gallstasi á meðgöngu: „Ég grátbað um að ég yrði sett af stað“ Áskorun „Það er einmanalegt að missa móður“ Lífið Ætlar hvorki að hætta að vinna né opna kaffihús Lífið Fleiri fréttir Brynja og Þórhallur kveðja Nýlendugötuna „Það var alltaf draumur hjá honum að heimsækja Ísland aftur“ 23 hvolpar á heimili í Þorlákshöfn Fjölmennt í framboðsteiti Arnars Þórs í Iðnó Þórdís Lóa um Júró-umfjöllun: „Hvers vegna þessi þögn?“ Vandamálaráðuneytið únefndi hinn fimmtán ára Viðar til sigurs Hugsar oft til fyrstu ástarinnar vegna ástandsins í Íran Krakkatían: Celebs, sumar og forseti Íslands Sveitarstjóri og sauðfjárbóndi fóru á kostum Hvetur fólk til að nota sólarvörn eftir krabbameinsgreiningu Metmæting á tískusýningu útskriftarnema LHÍ Mynd ársins af palestínskum flóttamanni Ætlar hvorki að hætta að vinna né opna kaffihús Milljónir hafa horft á stikluna fyrir Snertingu Karl konungur snýr aftur úr veikindaleyfi Fréttatía vikunnar: Þyrlur, forsetaframbjóðendur og skemmdarverk „Það er einmanalegt að missa móður“ Trúlofuðust á gjörgæslunni eftir bílslys á Íslandi Ellý snýr aftur vegna fjölda áskorana Ætlað að auka umræðu og sýnileika leiðsöguhunda Nýtt upphaf Margrétar: „Búin að heita þessu nafni í rúma viku“ Borgarstjóri og frú tóku veislustjórnina að sér Fágæt og falleg eign við Flókagötu Aron passaði varla inn í bílinn Nefnd í höfuðið á tveimur mikilvægum konum í lífi þeirra Grínari selur íbúð í Vesturbænum Sophia Bush kemur út úr skápnum „Hann var langt á undan sinni samtíð“ Will Smith hrifinn af akureyrsku hjartaljósunum Ebba Katrín valin bæjarlistamaður Hafnarfjarðar Sjá meira
Það ætti aldrei að dæma bók eftir kápunni en hún skiptir samt máli. Bókarkápa er nefnilega hluti af heildarupplifun lesandans og svo skiptir líka máli að hún sé bæði söluvænleg og eiguleg. Hér hefur því galvösk sveit álitsgjafa tekið að sér að velja fallegustu og ljótustu bókarkápur jólabókaflóðsins í ár. Allt er þetta þó auðvitað aðeins til gamans gert og engin ástæða til að taka þetta of hátíðlega.BestuFallegust 1. sæti 60 kíló af sólskini „Þessi kápa er virkilega vel heppnuð, falleg litasamsetning og letur. Myndin í miðjunni, í gatinu er heillandi. Litirnir og leturnotkunin laðar mann að. Gatið á kápunni er vel útfært með fallegri íkónískri skipamynd fyrir miðju.“ Það er gaman að sjá karaktermikið letur aftan á kápunni sem er líka notað í kaflaheitum þar sem að sterkur karakter letursins mætir rólegu lesletrinu. „Kápan í heild sinni er algjör sprengja sem gengur upp.“ „Það fallega við hana er einnig að ef kápan væri öll prentuð svarthvít þá gæti þetta verið eldgömul bók.“ „Glaðlegir litir kápunnar ríma vel við bjartan titilinn. Uppsetningin er nútímaleg en vísar jafnframt í tíma torfkofanna á Íslandi. Teikningin af skipinu er ævintýraleg og í samhengi við leturgerðina og litavalið vekur hún forvitni um innihald bókarinnar. Mjög vel heppnuð bókarkápa sem maður myndi gjarnan vilja hafa nálægt sér.“2. sætiSagan um Skarphéðin Dungal sem setti fram nýjar kenningar um eðli alheimsins. „Kápan er í senn frumleg og einföld. Í stað þess að gefa nánari hugmynd um innihald bókarinnar er kápan hér einskonar sýnidæmi um stíleinkenni innsíðanna, þ.e. mjúkar línur teikninganna, hornótt form klippimyndanna og barnslegan leik týpógrafíunnar.“ „Skemmtilegur og áhugaverður stíll.“ „Sterk og skemmtilega upp sett fyrir það sem hún er.“ „Sterkir litir sem grípa eflaust yngri kynslóðina og festast auðveldlega í minninu.“ „Appelsínuguli liturinn er gegnumgangandi í bókinni með fallegum teikningum eftir Rán Flygenring. Leturval flott og titillinn einnig skondinn, hann er þrykktur ofan í kápuna með glansi sem gefur þessu smá auka “touch”.“ „Undirtitillinn er á flugi á réttan hátt og heldur sér á afmörkuðu svæði í samtali við heildina.“3. sætiKláði „Þessi kápa er eins og listaverk. Væri til að eiga hana innrammaða upp á vegg, það er góðs viti. Vil lesa bókina út af fegurð kápunnar - er þá ekki tilgangi náð?“ „Skil ekkert hvað er í gangi þarna en það svínvirkar.“Aðrar góðar í umræðunniBlóð engill „Stílhrein kápa sem fer beint að kjarna málsins með einfaldri mynd og réttum litum.“Brúðan „Skólabókardæmi um hvernig kápa á metsölubók er.“Krýsuvík „Klassískur Stefán Máni. Þarna býr mikið myrkur og ég elskaða.“Krossfiskar „Kápan er leyst á snjallan hátt með einfaldleikanum, leturval er í takt við munstrið á kápunni og þetta tvennt er í góðu jafnvægi. Einhvers konar hiti og kuldi mætast á kápunni.“Verstu1. sæti 104 „sannar“ Þingeyskar lygasögur „Ég er fullviss um að þessi kápa hafi verið hönnuð í Paint. Það fær mig reyndar til að vilja lesa hana enn frekar.“ „Það er mikill misskilingur að það þurfti að setja alla höfunda á forsíðuna, eða eru þetta höfundar, það kemur ekkert fram?“ „Bara myndir af fullt af fólki. Mjög skrýtið.“2. sætiMojfríður einkaspæjari „Það sem er verst við kápuna er hversu illa er farið með allt plássið. Stafabilin í orðinu „MOJFRÍÐUR“ eru mjög ójöfn og orðið „EINKASPÆJARI“ er staðsett svo nálægt „MOJFRÍÐUR“ að J-ið fer á milli N-sins og K-sins sem lætur augunum ekki líða vel. Höfundarnafnið er síðan staðsett næstum alveg ofan í lógói forlagsins og bleiku fótsporin svo langt til hægri að þau lenda næstum út af bókarkápunni. Hér hefði mátt vanda betur til verks.“ „Bleiki liturinn gæti gripið mann en nær því ekki því hann er flatur með ljósbleikum og illa útfærðum dýrasporum sem eru í lélegri fjarvídd; koma varla úr fjarska. Dínamíkin í sporunum hefur enga spennu. Leturval og uppsetning er þreytt og fljótfærnisleg. „Það er eins og tíminn hafi verið orðinn of naumur og kápunni hafi verið hent upp. Ég myndi ekki borga mikið fyrir þessa.“ 3 .sætiÆvintýrið í Austurvegi „Hvernig er hægt að gera svona slæma kápu úr öðru eins ævintýri? Fyrir utan það að titill bókarinnar er skelfilegur er letrið forljótt og öll kápan týnist í netinu í markinu. “ „Eins mikið og ég elska hugtakið „strákarnir okkar“ finnst mér kápan af „Ævintýri í Austurvegi” vægast sagt hrikaleg. Ljósmyndin gæti hafa verið fengin af fótbolti.net og heildin lýsir sér eins og afmælisboðskort frá 12 ára krakka.“Aðrar vondar Útkall „Með ljótari kápum sem ég hef séð. Það er eins og maðurinn í forgrunni sé að fara að fremja röð innbrota í litlu sjávarplássi. Tengist skipbroti ekkert og skipin fyrir aftan sjást varla.“Stúlkan hjá brúnni „Arnaldur er búinn að gefa út svo margar bækur að kápuhönnuðir hans eru orðnir uppi skroppa með hugmyndir. Svo er nafn hans í 20 punkta stærra letri en nafnið á sjálfri bókinni. Furðulegt.“Drottningin á Júpíter „Liturinn á letrinu tónar absúrd illa við bakgrunninn. Fæ á tilfinninguna að þetta sé vond erótísk ástarsaga.“Hrauney „Það sem er slæmt við þessa kápu er sennilega ofgnótt á notkun tóla og tækja myndvinnsluforritsins Photoshop. Hraun og gull gæti í sjálfu sér verið góð blanda – en ef til vill er þá betra að sleppa djúpu svartholi með sjálflýsandi augum og útlínum Íslands spegluðum í miðjunni.“„Óttalegur Júlli ertu“ – Eyfirsk kímni og gamanmál „Er þetta virkilega ný bók? Eins og eitthvað sem maður finnur í bókaskápum sumarbústaða, frá níunda áratugnum. Og hvað, voru bara fyndnir karlar á þessum slóðum?“ Álitsgjafar Fréttablaðsins Tómas Þór Þórðarson - Íþróttafréttamaður Álfrún Pálsdóttir - ritstjóri Hrafnhildur Agnarsdóttir - Lífupplýsinga-og kerfislíffræðingur Elín Edda Þorsteinsdóttir - Grafískur hönnuður Ólafur Þór Kristinsson - Grafískur hönnuður Erna Hreinsdóttir, Grafískur Hönnuður og Markaðsstjóri Geysis
Mest lesið Brynja og Þórhallur kveðja Nýlendugötuna Lífið „Spurði hversu mörgum stelpum hann væri búin að senda þessa línu“ Makamál Fjölmennt í framboðsteiti Arnars Þórs í Iðnó Lífið „Það var alltaf draumur hjá honum að heimsækja Ísland aftur“ Lífið 23 hvolpar á heimili í Þorlákshöfn Lífið Þórdís Lóa um Júró-umfjöllun: „Hvers vegna þessi þögn?“ Lífið Hugsar oft til fyrstu ástarinnar vegna ástandsins í Íran Lífið Gallstasi á meðgöngu: „Ég grátbað um að ég yrði sett af stað“ Áskorun „Það er einmanalegt að missa móður“ Lífið Ætlar hvorki að hætta að vinna né opna kaffihús Lífið Fleiri fréttir Brynja og Þórhallur kveðja Nýlendugötuna „Það var alltaf draumur hjá honum að heimsækja Ísland aftur“ 23 hvolpar á heimili í Þorlákshöfn Fjölmennt í framboðsteiti Arnars Þórs í Iðnó Þórdís Lóa um Júró-umfjöllun: „Hvers vegna þessi þögn?“ Vandamálaráðuneytið únefndi hinn fimmtán ára Viðar til sigurs Hugsar oft til fyrstu ástarinnar vegna ástandsins í Íran Krakkatían: Celebs, sumar og forseti Íslands Sveitarstjóri og sauðfjárbóndi fóru á kostum Hvetur fólk til að nota sólarvörn eftir krabbameinsgreiningu Metmæting á tískusýningu útskriftarnema LHÍ Mynd ársins af palestínskum flóttamanni Ætlar hvorki að hætta að vinna né opna kaffihús Milljónir hafa horft á stikluna fyrir Snertingu Karl konungur snýr aftur úr veikindaleyfi Fréttatía vikunnar: Þyrlur, forsetaframbjóðendur og skemmdarverk „Það er einmanalegt að missa móður“ Trúlofuðust á gjörgæslunni eftir bílslys á Íslandi Ellý snýr aftur vegna fjölda áskorana Ætlað að auka umræðu og sýnileika leiðsöguhunda Nýtt upphaf Margrétar: „Búin að heita þessu nafni í rúma viku“ Borgarstjóri og frú tóku veislustjórnina að sér Fágæt og falleg eign við Flókagötu Aron passaði varla inn í bílinn Nefnd í höfuðið á tveimur mikilvægum konum í lífi þeirra Grínari selur íbúð í Vesturbænum Sophia Bush kemur út úr skápnum „Hann var langt á undan sinni samtíð“ Will Smith hrifinn af akureyrsku hjartaljósunum Ebba Katrín valin bæjarlistamaður Hafnarfjarðar Sjá meira