Oddur og félagar nálgast toppinn

Akureyringurinn Oddur Gretarsson nýtti öll þrjú skot sín þegar Balingen vann öruggan sjö marka sigur á Wilhelmshaven í þýsku B-deildinni í handbolta í kvöld.

Oddur og félagar unnu 29-36 og komu sér með sigrinum upp í þriðja sæti deildarinnar en þeir eru tveimur stigum frá toppliði Coburg.

Á sama tíma var Selfyssingurinn Ragnar Jóhannsson í eldlínunni með Huttenberg þegar liðið tapaði fyrir Elbflorenz á heimavelli, 18-20. Ragnar skoraði eitt mark í leiknum en Huttenberg er að berjast í neðri hluta deildarinnar.