Sjáðu mörkin í jafnteflinu gegn Katar

Katar er komið 1-0 yfir gegn Íslandi í vináttulandsleik en leikið er í Eupen í Belgíu.

Hasan Al Haydos skraði fyrsta mark leiksins strax á þriðju mínútu. Katar fékk þá aukaspyrnu út á kanti og hann snéri boltann glæsilega í netið.

Leikurinn er í beinni textalýsingu hér en fyrsta markið má sjá hér að neðan.



Eftir hálftíma jöfnuðu okkar menn metin. Eftir brot á Alberti Guðmundssyni skaut Ari Freyr Skúlason að marki Katar og boltinn söng í stönginni, markverði Katar og inn.

Óvíst er hvort að markið verði skráð á Ara eða hvort að það verði skráð sem sjálfsmark en Ari hafði ekki skorað landsliðsmark fyrir leikinn í kvöld.

Glæsimarkið má sjá hér að neðan.



Kolbeinn Sigþórsson skoraði svo sitt fyrsta landsliðsmark síðan á EM 2016 er hann kom Íslandi í 2-1 forystu í síðari hálfleik. Markið skoraði hann úr vítaspyrnu sem var dæmd eftir að varnarmaður Katara fékk boltann í höndina.

Kolbeinn var tekinn af velli skömmu eftir markið en markið var vafalaust afar kærkomið fyrir hann.



Katar náði að jafna metin með góðu skoti Boualem Khoukhi þegar rúmar 20 mínútur voru til leiksloka. Skotið var fast en beint á markið, en sveif yfir Rúnar Alex Rúnarsson, markvörð íslenska landsliðsins.

Jöfnunarmark Katars má sjá hér fyrir neðan.