Lífið

Gögnin ljúga ekki, jólalögin nálgast

Samúel Karl Ólason skrifar
Ætli þessir flottu karlar fari ekki að taka sér stöðu á Laugarveginum bráðum.
Ætli þessir flottu karlar fari ekki að taka sér stöðu á Laugarveginum bráðum. Fréttablaðið/Ernir

Þó enn sé um einn og hálfur mánuður í jólin virðist sem að jólalagatímabilið sé að hefjast. Það er að segja, ef marka má leitarvél Google þar sem fólk er nú byrjað að leita að jólalögum á netinu. Leitarmynstur þetta, sem vísað er í í hlekknum hér að ofan, á sérstaklega við Bretland en sama þróun virðist eiga sér stað hér á Íslandi, og eins og við öll vitum, þegar jólalögin fara af stað er stutt í skreytingarnar og ljósin, og gögnin segja að jólalögin nálgist.

Sé notkun leitarorðsins „Jólalög“ skoðuð á Google Trends kemur í ljós að, burtséð frá þessum undarlegu tindum um hásumar, að Íslendingar eru nokkuð samkvæmir sjálfum sér varðandi jólalög. Mögulega er útskýringin á þessum sumartindum sú að íslenskir tónlistarmenn séu í dauðaleit að jólalögum til að leika á þeim fjölda jólatónleikum sem haldnir eru nú fyrir þessa hátíð ljóss og friðar. Það er alfarið byggt á hávísindalegri ágiskun þess sem þetta ritar. 

Enn sem komið er virðist sem að þetta fólk sé að hlusta á jólalög í dimmum kjöllurum og jafnvel í háum turnum. Það er allavega ekki enn farið að spila jólalög í útvarpinu eða á almannafæri.

Íbúar Norðurlands vestra virðast hafa mestan áhuga á jólalögum og þar á eftir koma Vestfirðingar, sé litið til síðustu fimm ára. Ekki er víst að til séu rannsóknir sem útskýra þessa hegðun. Kannski er það snjórinn sem spilar inn í, eða nálægðin við Norðurpólinn. Sá sem þetta ritar byggir þá ágiskun þó á algörlega engu. 

Samantekt Google Trends fylgja einnig þær upplýsingar að þeir sem leita með orðinu „jólalög“ eiga það einnig til að leita með orðunum „jólalög íslensk“ og „jólalög textar“, einhverra hluta vegna.

Við þetta tilefni er vert að kanna hvenær lesendum Vísis þykir við hæfi að hefja spilun jólalega.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.