Innlent

Elísabet komin í mark á mettíma

Andri Eysteinsson skrifar
Elísabet er ofurhlaupari í orðsins fyllstu merkingu.
Elísabet er ofurhlaupari í orðsins fyllstu merkingu. Fréttablaðið/Eyþór
Elísabet Margeirsdóttir, næringafræðingur og ofurhlaupari, er komin í mark í Góbí-eyðimerkurhlaupinu fyrst kvenna.

Elísabet gerði sér lítið fyrir og fór kílómetrana 400 á 96 klukktímum og 54 mínútum, Elísabet er því fyrsta konan til að klára Góbí-eyðimerkurhlaupið á undir 100 klukkutímum. Þetta kemur fram í færslu á facebook síðu Elísabetar.

Elísabet varð í 9. sæti í heildarkeppninni og eins og áður sagði var fyrst kvenna en af 50 keppendum voru sjö konur.

Elísabet er þaulreyndur hlaupari og hefur tekið þátt í mörgum ofurhlaupum í gegnum tíðina, þar á meðal Ultra Trail du Mt. Blanc og Ultra Trail Mt. Fiji.

Þau hlaup eru þó töluvert styttri en það sem hún kláraði núna en Góbí hlaupið er eitt erfiðasta hlaup í heimi.

Heimildum greinir á um tíma Elísabetar. Á Facebook síðu hennar er tíminn sagður 96 klukkustundir og 54 mínútur en á síðu hlaupsins er tíminn sagður 97 klukkustundir og 11 mínútur. Báðir tímar tryggja Elísabetu hraðasta hlaup konu í Gobi-eyðimerkurhlaupinu.



Fréttin hefur verið uppfærð.



Tengdar fréttir

Elísabet nálgast endamarkið í eyðimörkinni

Elísabet Margeirsdóttir, næringarfræðingur og ofurhlaupari, nálgast nú óðfluga endamarkið í Góbí-eyðimerkurhlaupinu sem hún tekur þátt í þessa dagana.




Fleiri fréttir

Sjá meira


×