Fertugasti árgangur Jarðhitaskóla Sameinuðu þjóðanna útskrifaður Heimsljós kynnir 9. október 2018 11:00 Útskriftarnemar Jarðhitaskóla Háskóla Sameinuðu þjóðanna 2018 ásamt kennurum skólans. Jarðhitaskólinn Í síðustu viku útskrifuðust 24 nemendur úr Jarðhitaskóla Háskóla Sameinuðu þjóðanna á Íslandi, níu konur og fimmtán karlar, frá fjórtán löndum. Þetta er í fertugasta sinn sem skólinn útskrifar nemendur úr sex mánaða námi á Íslandi, en skólinn hóf starfsemi árið 1979. Sturla Sigurjónsson ráðuneytisstjóri í utanríkisráðuneytinu lagði ríka áherslu á mikilvægi jarðhitanýtingar fyrir framfarir og betri lífskjör í þróunarríkjum í ávarpi sínu við útskriftina. Hann greindi frá þeirri áherslu sem íslensk stjórnvöld hafa lagt á endurnýjanlega orku þegar kemur að sjálfbærri þróun, en nýting jarðhita er eitt af áherslusviðum íslenskrar þróunarsamvinnu. Þá undirstrikaði hann mikilvægi kynjajafnréttis í þróunarsamvinnu Íslands og samþættingu kynjasjónarmiða í verkefnum á sviði orkumála.Frá upphafi hafa alls 694 nemendur frá 61 landi útskrifast úr Jarðhitaskólanum. Um 39% nemenda hafa komið frá Afríku og 35% frá Asíu, 14% frá Rómönsku Ameríku, 11% frá Evrópu og 1% frá Eyjaálfu. Þá hafa 158 konur útskrifast frá upphafi eða rúmlega 22%, en undanfarin tíu ár hefur hlutfallið hækkað og verið um 31%. Á þessu ári hafa þar að auki sextán nemendur stundað meistaranám við Háskóla Íslands og Háskólann í Reykjavík og fjórir nemendur stundað doktorsnám við HÍ á styrk frá Jarðhitaskólanum. Auk þjálfunar jarðhitasérfræðinga hér á landi hefur skólinn um árabil haldið styttri námskeið í Austur-Afríku, Rómönsku Ameríku og á Karíbahafseyjum þar sem fleiri sérfræðingum gefst færi á þjálfun. Námskeiðin hafa sterka tengingu við Heimsmarkmið Sameinuðu þjóðanna um sjálfbæra þróun. Lykillinn að góðum árangri starfsemi Jarðhitaskólans er sá sterki bakhjarl sem skólinn hefur notið í fjárlögum íslenska ríkisins en skólinn er hluti af alþjóðlegri þróunarsamvinnu Íslands.Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Mest lesið Sjö fluttir með þyrlu eftir rútuslys á Suðurlandi Innlent Segir Enok hafa setið fyrir manni sem stakk hann hálfu ári áður Innlent „Við munum vinna þennan slag“ Erlent Enginn kemst sjálfkrafa í könnunarhóp Prósents Innlent „Það er svo ótrúlega erfitt að vera synjað um að hitta börnin sín” Innlent Allir um borð í rútunni Íslendingar Innlent Sagður hafa slegið eiginkonu sína ítrekað með steikarpönnu Innlent Fjölda saknað eftir loftárás á byggingavöruverslun Erlent Lögreglan náði lausum grís Innlent „Þetta er bara strangheiðarleg jarðskjálftahrina“ Innlent
Í síðustu viku útskrifuðust 24 nemendur úr Jarðhitaskóla Háskóla Sameinuðu þjóðanna á Íslandi, níu konur og fimmtán karlar, frá fjórtán löndum. Þetta er í fertugasta sinn sem skólinn útskrifar nemendur úr sex mánaða námi á Íslandi, en skólinn hóf starfsemi árið 1979. Sturla Sigurjónsson ráðuneytisstjóri í utanríkisráðuneytinu lagði ríka áherslu á mikilvægi jarðhitanýtingar fyrir framfarir og betri lífskjör í þróunarríkjum í ávarpi sínu við útskriftina. Hann greindi frá þeirri áherslu sem íslensk stjórnvöld hafa lagt á endurnýjanlega orku þegar kemur að sjálfbærri þróun, en nýting jarðhita er eitt af áherslusviðum íslenskrar þróunarsamvinnu. Þá undirstrikaði hann mikilvægi kynjajafnréttis í þróunarsamvinnu Íslands og samþættingu kynjasjónarmiða í verkefnum á sviði orkumála.Frá upphafi hafa alls 694 nemendur frá 61 landi útskrifast úr Jarðhitaskólanum. Um 39% nemenda hafa komið frá Afríku og 35% frá Asíu, 14% frá Rómönsku Ameríku, 11% frá Evrópu og 1% frá Eyjaálfu. Þá hafa 158 konur útskrifast frá upphafi eða rúmlega 22%, en undanfarin tíu ár hefur hlutfallið hækkað og verið um 31%. Á þessu ári hafa þar að auki sextán nemendur stundað meistaranám við Háskóla Íslands og Háskólann í Reykjavík og fjórir nemendur stundað doktorsnám við HÍ á styrk frá Jarðhitaskólanum. Auk þjálfunar jarðhitasérfræðinga hér á landi hefur skólinn um árabil haldið styttri námskeið í Austur-Afríku, Rómönsku Ameríku og á Karíbahafseyjum þar sem fleiri sérfræðingum gefst færi á þjálfun. Námskeiðin hafa sterka tengingu við Heimsmarkmið Sameinuðu þjóðanna um sjálfbæra þróun. Lykillinn að góðum árangri starfsemi Jarðhitaskólans er sá sterki bakhjarl sem skólinn hefur notið í fjárlögum íslenska ríkisins en skólinn er hluti af alþjóðlegri þróunarsamvinnu Íslands.Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Mest lesið Sjö fluttir með þyrlu eftir rútuslys á Suðurlandi Innlent Segir Enok hafa setið fyrir manni sem stakk hann hálfu ári áður Innlent „Við munum vinna þennan slag“ Erlent Enginn kemst sjálfkrafa í könnunarhóp Prósents Innlent „Það er svo ótrúlega erfitt að vera synjað um að hitta börnin sín” Innlent Allir um borð í rútunni Íslendingar Innlent Sagður hafa slegið eiginkonu sína ítrekað með steikarpönnu Innlent Fjölda saknað eftir loftárás á byggingavöruverslun Erlent Lögreglan náði lausum grís Innlent „Þetta er bara strangheiðarleg jarðskjálftahrina“ Innlent