Lífið

Brúður í aðalhlutverki í nýju myndbandi Nicki Minaj við lagið umdeilda

Stefán Árni Pálsson skrifar
Margar milljónir hafa horft á myndbandið á YouTube.
Margar milljónir hafa horft á myndbandið á YouTube.

Rapparinn Nicki Minaj gaf út plötuna Queen á dögunum og vakti eitt lag strax mikla athygli. Um er að ræða lagið Barbie Dreams.

Lagið vakti athygli fyrir grófan texta sem fjallar meðal annars um að stunda kynlíf með kollegum sínum í rapp senunni.

Lagið er endurgerð af frægu lagi látnu rappgoðsagnarinnar The Notorious B.I.G, en á fyrstu plötu hans, sem kom út árið 1994, er lag sem ber nafnið Dreams þar sem hann rappar um að sofa hjá R&B og poppstjörnum síns tíma.

Nicki nafngreinir nánast hvern einasta rappara nútímans og gerir bæði stólpagrín að þeim og talar kynferðislega um þá. Meðal þeirra sem eru nefndir á nafn eru DJ Khaled, Drake, Meek Mill, Young Thug, 50 Cent og Lil Wayne.

Nú hefur Minaj gefið út myndband við lagið og leika brúður aðalhlutverk í myndbandinu eru umræddir rapparar í raun brúður í nýja myndbandinu við lagið Barbie Dreams .



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.