Gaman að djöflast aðeins Starri Freyr Jónsson skrifar 18. september 2018 16:30 Hólmfríður Guðmundsdóttir er á fullu í Cross-fit. Fréttablaðið/sigtryggur Hólmfríður Guðmundsdóttir hóf að æfa CrossFit í upphafi síðasta sumars með hópi fólks á aldrinum 70-80 ára. Sjálf er hún áttræð og segir í algjörum forgangi að hreyfa sig enda sé hún óvenju sprækt gamalmenni. Það var fyrir algjöra tilviljun sem hin áttræða Hólmfríður Guðmundsdóttir hóf að stunda CrossFit-íþróttina síðasta sumar. Hún hafði sótt jógatíma og stundað dansleikfimi í Kramhúsinu í miðbæ Reykjavíkur í aldarfjórðung auk þess sem hún sótti vatnsleikfimi á Seltjarnarnesinu í 28 ár. Þegar Kramhúsið fór í hefðbundið þriggja mánaða sumarfrí í upphafi síðasta sumars hugðist Hólmfríður sækja tækjasal úti á Seltjarnarnesi en þá gripu örlögin í taumana að hennar sögn. „Það má svo sannarlega segja að þetta hafi allt saman verið mikil tilviljun. Ég hitti mann á tónleikum á Jómfrúnni í upphafi sumars. Hann hafði æft CrossFit í allan vetur ásamt félaga sínum og fannst þeim báðum mjög gaman. Ég hreifst svo af frásögn hans að ég sagði bara við hann að ég skyldi mæta strax.“Bjóst ekki við neinu Hún mætti í næsta tíma og tók tvær vinkonur sínar með. „Ef ég á að vera hreinskilin vissi ég ekki hverju ég átti von á og bjóst því svo sem ekki við einu né neinu. En tímarnir eru búnir að vera mjög skemmtilegir og það gerir eiginlega útslagið hversu góður og skemmtilegur þjálfari okkar, Sólveig Gísladóttir, er. Hún vakir yfir okkur með arnfrán augu sín og ef við gerum eitthvað vitlaust þá leiðréttir hún okkur fallega.“ Það hefur fjölgað talsvert í hópnum frá því Hólmfríður byrjaði. „Ríkissjónvarpið leit til dæmis í heimsókn til okkar og þá fjölgaði í hópnum í kjölfarið. Mig grunað að vinsældir CrossFit eigi eftir að aukast enn frekar í vetur enda erum við Íslendingar duglegir að taka ýmis æði.“Mikil fjölbreytni Hólmfríður segist ekki eiga neinar uppáhaldsæfingar enda séu þær fjölbreyttar og stoppað sé stutt á hverri æfingastöð. „Það eru svo hraðar skiptingar og margvíslegar æfingar að maður nær ekki að verða leiður. Svo fann ég fljótt að ég styrktist við þessar æfingar. Við hjólum, róum, lyftum lóðum, hendum boltum og margt fleira skemmtilegt þannig að fjölbreytnin er mikil sem er mikill kostur. Ef ungur iðkandi myndi kíkja inn í salinn til okkar þætti honum vafa laust fyndið að sjá okkur gamalmennin djöflast.“Byrjaði um fimmtugt Þrátt fyrir að vera duglegri en margar áttræðar konur í kringum hana hefur Hólmfríður ekki alltaf stundað útivist og líkamsrækt. „Ég byrjaði ekki fyrst á þessu fyrr en um fimmtugt. Í fyrstu var ég í jóga hér á landi en síðan bjó ég í San Francisco í fimm ár en þar stundaði ég mikla og stífa leikfimi. Eftir árin í Bandaríkjunum bjó ég í Kaupmannahöfn og þar tók jóga aftur við. Fyrir þennan tíma gerði ég aldrei neitt sérstakt þegar kom að hreyfingu.“Styrkjandi og hressandi Hólmfríði finnst afar mikilvægt að eldra fólk stundi einhvers konar hreyfingu eða líkamsrækt við sitt hæfi. „Fyrir mig og flesta sem ég þekki er það í algjörum forgangi að hreyfa sig. Þótt það sé bara að skreppa í góðan göngutúr eða kíkja í sund. Ég kem alltaf svo endurnærð til baka. Svo eru það svona hóptímar eins og CrossFit sem eru mjög styrkjandi og hressandi á allan hátt. Það má eiginlega segja að maður yngist við að stunda CrossFit sem þýðir auðvitað að ég og fleiri geta búið lengur heima í stað þess að fara á elliheimili. Þannig græða allir. Ég get að minnsta kosti ekki hætt, enda 80 ára og óvenju sprækt gamalmenni.“ Birtist í Fréttablaðinu Mest lesið Nýtt myndband af Katrínu vekur athygli Lífið Byggja draumavillu með sundlaug sem kostar sextán milljónir Lífið Pizza King til sölu á þrettán milljónir Lífið Tíu milljónir safnast fyrir grindvísk ungmenni Lífið Ingó veðurguð og Alexandra eiga von á stelpu Lífið Sturla Atlas og Kolfinna slá sér upp Lífið Hamingjusöm og þakklát Katrín Tanja á splunkunýjum jeppa Lífið Óvenjulegur lífsstíll íslenskrar fjölskyldu vekur athygli Lífið „Ég kynntist ástinni í lífi mínu þarna“ Lífið Heiðdís Rós vill komast á Forbes listann Makamál Fleiri fréttir Nýtt myndband af Katrínu vekur athygli Tíu milljónir safnast fyrir grindvísk ungmenni Pizza King til sölu á þrettán milljónir Byggja draumavillu með sundlaug sem kostar sextán milljónir Kveðja eftir 117 ára góðgerðarstarf Hamingjusöm og þakklát Katrín Tanja á splunkunýjum jeppa Sturla Atlas og Kolfinna slá sér upp Magni gerði allt vitlaust þegar hann tók Dolphin's Cry Katrín sögð hafa sést úti meðal almennings Grímur leitar að bræðrum sínum Stjörnulífið: Eyddi kvöldinu með Paris Hilton í LA Zara tók sjálfur með gosinu Ingó veðurguð og Alexandra eiga von á stelpu Kann ekki að gefast upp Geggjuð í karókí og býr yfir miklum sannfæringarkrafti Fagnaðarfundir í 80 ára afmæli Loftleiða Salvador á Djúpavogi reyndist heita Buszek og búa í Sandgerði Dó næstum því við tökur á Íslandi Óvenjulegur lífsstíll íslenskrar fjölskyldu vekur athygli Krakkatían: Eurovision, rapparar og fótboltamenn „Ég kynntist ástinni í lífi mínu þarna“ Ætlar aldrei að gefast upp Fréttatía vikunnar: Húsbruni, skiltastærð og félagaskipti Ábendingum um aðstoð fyrir Blæsa rigndi yfir fjölskylduna Bíða eftir tölvupósti frá Heimsmetabók Guinness Myndaveisla: Spessi frumsýndi Afsakið meðanað égæli Bríet umkringd stórstjörnum í Japan Rétta úr kynjahlutfallinu á Álftanesi Binni Glee trúir ekki á risaeðlur Tignarleg arkitektaíbúð með vínherbergi í kjallara Sjá meira
Hólmfríður Guðmundsdóttir hóf að æfa CrossFit í upphafi síðasta sumars með hópi fólks á aldrinum 70-80 ára. Sjálf er hún áttræð og segir í algjörum forgangi að hreyfa sig enda sé hún óvenju sprækt gamalmenni. Það var fyrir algjöra tilviljun sem hin áttræða Hólmfríður Guðmundsdóttir hóf að stunda CrossFit-íþróttina síðasta sumar. Hún hafði sótt jógatíma og stundað dansleikfimi í Kramhúsinu í miðbæ Reykjavíkur í aldarfjórðung auk þess sem hún sótti vatnsleikfimi á Seltjarnarnesinu í 28 ár. Þegar Kramhúsið fór í hefðbundið þriggja mánaða sumarfrí í upphafi síðasta sumars hugðist Hólmfríður sækja tækjasal úti á Seltjarnarnesi en þá gripu örlögin í taumana að hennar sögn. „Það má svo sannarlega segja að þetta hafi allt saman verið mikil tilviljun. Ég hitti mann á tónleikum á Jómfrúnni í upphafi sumars. Hann hafði æft CrossFit í allan vetur ásamt félaga sínum og fannst þeim báðum mjög gaman. Ég hreifst svo af frásögn hans að ég sagði bara við hann að ég skyldi mæta strax.“Bjóst ekki við neinu Hún mætti í næsta tíma og tók tvær vinkonur sínar með. „Ef ég á að vera hreinskilin vissi ég ekki hverju ég átti von á og bjóst því svo sem ekki við einu né neinu. En tímarnir eru búnir að vera mjög skemmtilegir og það gerir eiginlega útslagið hversu góður og skemmtilegur þjálfari okkar, Sólveig Gísladóttir, er. Hún vakir yfir okkur með arnfrán augu sín og ef við gerum eitthvað vitlaust þá leiðréttir hún okkur fallega.“ Það hefur fjölgað talsvert í hópnum frá því Hólmfríður byrjaði. „Ríkissjónvarpið leit til dæmis í heimsókn til okkar og þá fjölgaði í hópnum í kjölfarið. Mig grunað að vinsældir CrossFit eigi eftir að aukast enn frekar í vetur enda erum við Íslendingar duglegir að taka ýmis æði.“Mikil fjölbreytni Hólmfríður segist ekki eiga neinar uppáhaldsæfingar enda séu þær fjölbreyttar og stoppað sé stutt á hverri æfingastöð. „Það eru svo hraðar skiptingar og margvíslegar æfingar að maður nær ekki að verða leiður. Svo fann ég fljótt að ég styrktist við þessar æfingar. Við hjólum, róum, lyftum lóðum, hendum boltum og margt fleira skemmtilegt þannig að fjölbreytnin er mikil sem er mikill kostur. Ef ungur iðkandi myndi kíkja inn í salinn til okkar þætti honum vafa laust fyndið að sjá okkur gamalmennin djöflast.“Byrjaði um fimmtugt Þrátt fyrir að vera duglegri en margar áttræðar konur í kringum hana hefur Hólmfríður ekki alltaf stundað útivist og líkamsrækt. „Ég byrjaði ekki fyrst á þessu fyrr en um fimmtugt. Í fyrstu var ég í jóga hér á landi en síðan bjó ég í San Francisco í fimm ár en þar stundaði ég mikla og stífa leikfimi. Eftir árin í Bandaríkjunum bjó ég í Kaupmannahöfn og þar tók jóga aftur við. Fyrir þennan tíma gerði ég aldrei neitt sérstakt þegar kom að hreyfingu.“Styrkjandi og hressandi Hólmfríði finnst afar mikilvægt að eldra fólk stundi einhvers konar hreyfingu eða líkamsrækt við sitt hæfi. „Fyrir mig og flesta sem ég þekki er það í algjörum forgangi að hreyfa sig. Þótt það sé bara að skreppa í góðan göngutúr eða kíkja í sund. Ég kem alltaf svo endurnærð til baka. Svo eru það svona hóptímar eins og CrossFit sem eru mjög styrkjandi og hressandi á allan hátt. Það má eiginlega segja að maður yngist við að stunda CrossFit sem þýðir auðvitað að ég og fleiri geta búið lengur heima í stað þess að fara á elliheimili. Þannig græða allir. Ég get að minnsta kosti ekki hætt, enda 80 ára og óvenju sprækt gamalmenni.“
Birtist í Fréttablaðinu Mest lesið Nýtt myndband af Katrínu vekur athygli Lífið Byggja draumavillu með sundlaug sem kostar sextán milljónir Lífið Pizza King til sölu á þrettán milljónir Lífið Tíu milljónir safnast fyrir grindvísk ungmenni Lífið Ingó veðurguð og Alexandra eiga von á stelpu Lífið Sturla Atlas og Kolfinna slá sér upp Lífið Hamingjusöm og þakklát Katrín Tanja á splunkunýjum jeppa Lífið Óvenjulegur lífsstíll íslenskrar fjölskyldu vekur athygli Lífið „Ég kynntist ástinni í lífi mínu þarna“ Lífið Heiðdís Rós vill komast á Forbes listann Makamál Fleiri fréttir Nýtt myndband af Katrínu vekur athygli Tíu milljónir safnast fyrir grindvísk ungmenni Pizza King til sölu á þrettán milljónir Byggja draumavillu með sundlaug sem kostar sextán milljónir Kveðja eftir 117 ára góðgerðarstarf Hamingjusöm og þakklát Katrín Tanja á splunkunýjum jeppa Sturla Atlas og Kolfinna slá sér upp Magni gerði allt vitlaust þegar hann tók Dolphin's Cry Katrín sögð hafa sést úti meðal almennings Grímur leitar að bræðrum sínum Stjörnulífið: Eyddi kvöldinu með Paris Hilton í LA Zara tók sjálfur með gosinu Ingó veðurguð og Alexandra eiga von á stelpu Kann ekki að gefast upp Geggjuð í karókí og býr yfir miklum sannfæringarkrafti Fagnaðarfundir í 80 ára afmæli Loftleiða Salvador á Djúpavogi reyndist heita Buszek og búa í Sandgerði Dó næstum því við tökur á Íslandi Óvenjulegur lífsstíll íslenskrar fjölskyldu vekur athygli Krakkatían: Eurovision, rapparar og fótboltamenn „Ég kynntist ástinni í lífi mínu þarna“ Ætlar aldrei að gefast upp Fréttatía vikunnar: Húsbruni, skiltastærð og félagaskipti Ábendingum um aðstoð fyrir Blæsa rigndi yfir fjölskylduna Bíða eftir tölvupósti frá Heimsmetabók Guinness Myndaveisla: Spessi frumsýndi Afsakið meðanað égæli Bríet umkringd stórstjörnum í Japan Rétta úr kynjahlutfallinu á Álftanesi Binni Glee trúir ekki á risaeðlur Tignarleg arkitektaíbúð með vínherbergi í kjallara Sjá meira