Innlent

„Þokkalega hlýtt miðað við árstíma“

Sunna Kristín Hilmarsdóttir skrifar
Það verður haustlegra um að lítast á landinu með hverjum deginum sem líður.
Það verður haustlegra um að lítast á landinu með hverjum deginum sem líður. fréttablaðið/anton brink

Það er útlit fyrir fremur hæga suðlæga átt og skúrir eða dálitla rigningu um land allt í dag en þó síst norðaustan til fyrri part dags.

Þetta kemur fram í hugleiðingum veðurfræðings á vef Veðurstofunnar þar sem segir jafnframt að spár á morgun geri ráð fyrir að vindur verði norðlægur og bjart verði á Suður- og Vesturlandi. Það er hins vegar spáð skýjuðu veðri og rigningu af og til norðan og austan til.

„Þokkalega hlýtt miðað við árstíma, að 15 stigum, hlýjast fyrir norðan í dag en syðra á morgun. Síðan er að sjá að við verðum í SA-lægari átt fram á helgi. Úrkoma liggur að mestu leyti skammt vestur af landinu en þó má búast að rigningin nái inn á land af og til um landið sunnan- og vestanvert. Áfram fremur milt,“ segir í hugleiðingum veðurfræðings.

Veðurhorfur á landinu í dag og næstu daga eru annars þessar:

Suðlæg átt, 3-10 m/s og dálítil rigning eða skúrir, þó síst á NA-landi fyrripartinn. Hiti 8 til 16 stig að deginum, hlýjast NA-til.

Norðlæg eða breytileg átt 3-8 á morgun, dálítil rigning N- og A-til, en annars bjart á köflum. Hiti 6 til 15 stig, hlýjast syðst.

Á miðvikudag:
Hæg norðlæg eða breytileg átt og skýjað um morguninn, en léttir síðan til S- og V-lands. Hiti 6 til 14 stig, hlýjast syðst.

Á fimmtudag:
Suðaustanátt, 8-15 m/s og rigning með köflum V-lands, hvassast á annesjum, en annars hægari og víða léttskýjað. Hiti 9 til 16 stig, hlýjast á N-landi.

Á föstudag og laugardag:
Fremur hæg suðaustan- og austanátt og úrkomulítið, en áfram léttskýjað N-lands. Hiti víða 10 til 15 stig að deginum.

Á sunnudag:
Suðlæg átt og rigning, en lengst af þurrt NA-til. Áfram milt veður.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.