Innlent

Segja RÚV leigja út búnað á verulegu undirboði

Sylvía Hall skrifar
GN Studios segja RÚV bjóða upp á verð sem sé nærri ómögulegt fyrir einkaaðila að keppa við.
GN Studios segja RÚV bjóða upp á verð sem sé nærri ómögulegt fyrir einkaaðila að keppa við. Vísir/Ernir

Samkeppnisyfirlitinu hefur borist kvörtun frá fyrirtækinu GN Studios ehf., sem heldur utan um rekstur kvikmyndaþorpsins í Gufunesi, vegna útleigu RÚV á tækjabúnaði og aðstöðu til framleiðslu á kvikmynda- og sjónvarpsefni. Þá hafa tækjaleigurnar Exton og Kukl lýst yfir stuðningi við kvörtunina, en RÚV er sagt leigja út búnað og aðstöðu á miklu undirboði. Þetta kemur fram í Morgunblaðinu í dag.

Í bréfi til Samkeppniseftirlitsins sem vitnað er í segja GN Studios að útleiga á aðstöðu til framleiðslu á kvikmynda- og sjónvarpsefni sé ein mikilvægasta tekjulind fyrirtækisins á meðan uppbyggingu kvikmyndaþorpsins stendur og vilji þeir gæta þess að samkeppni í þeim efnum fari fram á jafningjagrundvelli en RÚV bjóði upp á sambærilega þjónustu á verði sem sé nærri ómögulegt fyrir einkaaðila að keppa við.

Í stefnu RÚV frá árinu 2017 kom fram að sjónvarps- og kvikmyndastúdíó, ásamt hljóðverum og annarri tækniaðstöðu, yrði gerð aðgengileg til leigu fyrir fyrir aðra framleiðendur og var einingin RÚV-stúdíó stofnuð í kringum þessa útleigu.

Þá vísa GN Studios til 44 gr. samkeppnislaga frá árinu 2005 og segja starfsemina hafa skaðleg áhrif á samkeppni og fela í sér opinberar samkeppnishömlur. Einnig er sett spurningamerki við eininguna RÚV-stúdíó, en í lögum um Ríkisútvarpið frá árinu 2013 segir að RÚV skuli stofna og reka dótturfélög fyrir aðra starfsemi en þá sem kveðið er um í lögum, en GN Studios segja RÚV-stúdíó svipa meira til einingar en dótturfélags.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.