Hefur verið afar lærdómsríkt ár Kristinn Páll Teitsson skrifar 27. ágúst 2018 11:00 Axel og Guðrún Brá mynd/golf.is Eimskipsmótaröðin í golfi, stigakeppni Golfsambands Íslands, kláraðist um helgina þegar Securitas-mótið fór fram í Grafarholtinu. Heimamaðurinn Guðmundur Ágúst Kristjánsson varð hlutskarpastur í karlaflokki en Helga Kristín Einarsdóttir, GK, stóð uppi sem sigurvegari í kvennaflokki og hlutu þau að launum GR-bikarinn. Frændsystkinin Axel Bóasson og Guðrún Brá Björgvinsdóttir, GK, voru ekki langt undan í öðru sæti sem tryggði þeim um leið stigameistaratitilinn þetta árið. Unnu þau því tvöfalt þetta árið, Íslandsmótið í höggleik og stigameistaratitilinn eftir að hafa ekki tekið þátt í Íslandsmótinu í holukeppni vegna móta erlendis. „Þetta var auðvitað bara mjög gaman, ég er ekki ánægð með spilamennskuna á mótinu en það var gaman að vinna þennan titil í fyrsta sinn. Það stóð upp úr þessu móti hjá mér. Það er búið að vera markmið hjá mér lengi að vinna Íslandsmótið í höggleik og stigameistaratitilinn á Eimskipsmótaröðinni,“ sagði Guðrún Brá er Fréttablaðið ræddi við hana. Axel var að vinna stigameistaratitilinn á Eimskipsmótaröðinni í þriðja sinn á ferlinum. Þar að auki vann hann stigameistaratitilinn á Ecco Nordic Tour og hefur því unnið fjóra stigameistaratitla á fjórum árum. „Guðmundur Ágúst var alveg sjóðheitur strax frá fyrsta degi og það er erfitt að reyna að ná mönnum í þessum gír. Hann átti þetta fyllilega skilið,“ sagði Axel sem setti nýtt vallarmet í karlaflokki á öðrum degi mótsins en missti það strax til Guðmundar. „Ég frétti það í raun bara þegar var verið að skoða þetta fyrir hans hönd, þá sjá þeir að ég bætti vallarmetið líka. Maður hafði gaman af þessu.“ Var þetta tvöfaldur sigur hjá Keili í ár en Guðrún og Axel leika undir merkjum GK. „Það var gaman að ná þessu með Guðrúnu og gaman að ná þessu fyrir hönd Keilis. Það hefur gengið vel hérna heima undanfarnar vikur en ekki úti, vonandi næ ég að færa þessa spilamennsku með mér út. Það vantar meira sjálfstraust úti og ég var að slá mjög vel um helgina, vonandi heldur það áfram úti.“ Óhætt er að segja að þau komi úr golffjölskyldu en frænka þeirra, Tinna Jóhannsdóttir úr GK, varð Íslandsmeistari í höggleik og holukeppni ásamt því að vinna stigameistaratitilinn á sínum tíma. Þá vann pabbi Guðrúnar, Björgvin Sigurbergsson, á sínum tíma fjóra Íslandsmeistaratitla og frænka þeirra Þórdís Geirsdóttir, einn titil. „Það eru engin jólaboð haldin án þess að rætt sé um golf,“ sagði Guðrún hlæjandi. Læri nýja hluti á hverjum degi Guðrún Brá er á fyrsta ári sínu í atvinnumennsku á LET Access mótaröðinni. Að hennar sögn hefur hún lært heilmargt á fyrsta ári sínu í atvinnumennsku. „Þetta hefur verið afar lærdómsríkt ár, auðvitað langar mann alltaf að ganga betur og þetta hefur verið upp og niður á ýmsum mótum. Það er mjög margt sem maður þarf að læra, innan sem utan vallar á mótaröðum erlendis og ég reyni að taka eitt skref í einu,“ sagði Guðrún og hélt áfram: „Þessi ferðalög taka alltaf að einhverju leyti á og það er eitt af því sem ég hef reynt að læra af. Að reyna að taka mér hvíld inn á milli til að ná að hlaða batteríin.“ Hún stendur vel þegar kemur að því að spila aftur á LET Access mótaröðinni á næsta ári en ætlar að gera atlögu að Evrópumótaröðinni sjálfri í haust. „Ég verð með þátttökurétt á þessari mótaröð á næsta ári en ég er búin að skrá mig í undankeppnina fyrir Evrópumótaröðinni í haust og vonandi næ ég þar inn. Það eru nokkur mót eftir af þessu tímabili og ég get enn náð að komast beint á lokastig undankeppninnar fyrir Evrópumótaröðina.“ Með því að komast á Evrópumótaröðina þar sem Valdís Þóra Jónsdóttir keppir mun Guðrún strax fara að keppa um töluvert hærri fjárhæðir. „Ég stefni fyrst á Evrópumótaröðina, reyni við það skref. Maður er ekkert að vinna mikinn pening á þessari mótaröð sem ég er á og þetta getur verið dýrt en svo hjálpar auðvitað þegar gengur vel.“ Birtist í Fréttablaðinu Golf Mest lesið Snorri Barón um Söru: „Ógeð sem enginn á að þurfa að ganga í gegnum“ Sport Uppgjör, myndir og viðtöl: Valur - Grindavík 89-79 | Valsmenn leiða í baráttunni um Íslandsmeistaratitilinn Körfubolti Stjarnan handtekin á leiðinni á völlinn: „Hann er á leið í fangelsi“ Golf Efsti kylfingur á heimslista á yfir höfði sér fjórar ákærur Golf Klopp enn fúll út í Maddison eftir að Liverpool missti af titlinum 2019 Enski boltinn Tiger og McIlroy hunsuðu hvorn annan Golf Uppgjörið og viðtöl: Keflavík - Njarðvík 94-91 | Tvíframlengdur spennutryllir Körfubolti Úr húsvarðarstarfi í atvinnumennsku Handbolti Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Íslenski boltinn Grín sem snerist mjög fljótt upp í alvöru Handbolti Fleiri fréttir Schauffele heldur forystunni en Tiger langt frá niðurskurðinum Gríðarmikill fögnuður þegar Scheffler mætti á völlinn Efsti kylfingur á heimslista á yfir höfði sér fjórar ákærur Stjarnan handtekin á leiðinni á völlinn: „Hann er á leið í fangelsi“ Upphafshöggi frestað vegna banaslyss skammt frá vellinum Tiger og McIlroy hunsuðu hvorn annan McIlroy í baráttunni þrátt fyrir yfirvonandi skilnað „Ef hann á slæmt mót þá endar hann samt í topp tíu“ Neitaði að svara spurningum um skilnaðinn Tiger trúir enn á sjálfan sig: „Líður enn eins og ég geti unnið golfmót“ McIlroy sækir um skilnað nokkrum dögum fyrir PGA-meistaramótið Segja vinslit hjá Tiger Woods og Rory McIlroy Tiger og Rory fá rosalega hollustubónusa Rory McIlroy fordæmir falsfrétt „Hann hefur sjokkerað allan heiminn“ Fær miklu meira borgað fyrir sigur á Masters í ár en fyrir tveimur árum „Með betri stjórn á tilfinningunum mínum en nokkurn tímann áður“ Scheffler í sérflokki á Masters Ekkert fær Scheffler stöðvað Tiger Woods spilar samhliða áhugamanni eftir erfiðan gærdag Degi þrjú lokið: Scheffler enn á toppnum þrátt fyrir tvöfaldan skolla Scheffler efstur á meðan Woods fellur neðar og neðar Reiddist áhorfendum eftir þrefaldan skolla: „F**k off“ Þrír á toppnum eftir dag tvö Metið innan seilingar hjá Tiger Woods Tiger þarf að spila 23 holur í dag Útsendingin frá Mastersmótinu byrjar 11.45 í dag Danski tvíburinn sló óvænt í gegn fyrir myrkur „Það verður hátíð næstu daga“ Það sem þú þarft að vita fyrir Masters mótið sem byrjar í dag Sjá meira
Eimskipsmótaröðin í golfi, stigakeppni Golfsambands Íslands, kláraðist um helgina þegar Securitas-mótið fór fram í Grafarholtinu. Heimamaðurinn Guðmundur Ágúst Kristjánsson varð hlutskarpastur í karlaflokki en Helga Kristín Einarsdóttir, GK, stóð uppi sem sigurvegari í kvennaflokki og hlutu þau að launum GR-bikarinn. Frændsystkinin Axel Bóasson og Guðrún Brá Björgvinsdóttir, GK, voru ekki langt undan í öðru sæti sem tryggði þeim um leið stigameistaratitilinn þetta árið. Unnu þau því tvöfalt þetta árið, Íslandsmótið í höggleik og stigameistaratitilinn eftir að hafa ekki tekið þátt í Íslandsmótinu í holukeppni vegna móta erlendis. „Þetta var auðvitað bara mjög gaman, ég er ekki ánægð með spilamennskuna á mótinu en það var gaman að vinna þennan titil í fyrsta sinn. Það stóð upp úr þessu móti hjá mér. Það er búið að vera markmið hjá mér lengi að vinna Íslandsmótið í höggleik og stigameistaratitilinn á Eimskipsmótaröðinni,“ sagði Guðrún Brá er Fréttablaðið ræddi við hana. Axel var að vinna stigameistaratitilinn á Eimskipsmótaröðinni í þriðja sinn á ferlinum. Þar að auki vann hann stigameistaratitilinn á Ecco Nordic Tour og hefur því unnið fjóra stigameistaratitla á fjórum árum. „Guðmundur Ágúst var alveg sjóðheitur strax frá fyrsta degi og það er erfitt að reyna að ná mönnum í þessum gír. Hann átti þetta fyllilega skilið,“ sagði Axel sem setti nýtt vallarmet í karlaflokki á öðrum degi mótsins en missti það strax til Guðmundar. „Ég frétti það í raun bara þegar var verið að skoða þetta fyrir hans hönd, þá sjá þeir að ég bætti vallarmetið líka. Maður hafði gaman af þessu.“ Var þetta tvöfaldur sigur hjá Keili í ár en Guðrún og Axel leika undir merkjum GK. „Það var gaman að ná þessu með Guðrúnu og gaman að ná þessu fyrir hönd Keilis. Það hefur gengið vel hérna heima undanfarnar vikur en ekki úti, vonandi næ ég að færa þessa spilamennsku með mér út. Það vantar meira sjálfstraust úti og ég var að slá mjög vel um helgina, vonandi heldur það áfram úti.“ Óhætt er að segja að þau komi úr golffjölskyldu en frænka þeirra, Tinna Jóhannsdóttir úr GK, varð Íslandsmeistari í höggleik og holukeppni ásamt því að vinna stigameistaratitilinn á sínum tíma. Þá vann pabbi Guðrúnar, Björgvin Sigurbergsson, á sínum tíma fjóra Íslandsmeistaratitla og frænka þeirra Þórdís Geirsdóttir, einn titil. „Það eru engin jólaboð haldin án þess að rætt sé um golf,“ sagði Guðrún hlæjandi. Læri nýja hluti á hverjum degi Guðrún Brá er á fyrsta ári sínu í atvinnumennsku á LET Access mótaröðinni. Að hennar sögn hefur hún lært heilmargt á fyrsta ári sínu í atvinnumennsku. „Þetta hefur verið afar lærdómsríkt ár, auðvitað langar mann alltaf að ganga betur og þetta hefur verið upp og niður á ýmsum mótum. Það er mjög margt sem maður þarf að læra, innan sem utan vallar á mótaröðum erlendis og ég reyni að taka eitt skref í einu,“ sagði Guðrún og hélt áfram: „Þessi ferðalög taka alltaf að einhverju leyti á og það er eitt af því sem ég hef reynt að læra af. Að reyna að taka mér hvíld inn á milli til að ná að hlaða batteríin.“ Hún stendur vel þegar kemur að því að spila aftur á LET Access mótaröðinni á næsta ári en ætlar að gera atlögu að Evrópumótaröðinni sjálfri í haust. „Ég verð með þátttökurétt á þessari mótaröð á næsta ári en ég er búin að skrá mig í undankeppnina fyrir Evrópumótaröðinni í haust og vonandi næ ég þar inn. Það eru nokkur mót eftir af þessu tímabili og ég get enn náð að komast beint á lokastig undankeppninnar fyrir Evrópumótaröðina.“ Með því að komast á Evrópumótaröðina þar sem Valdís Þóra Jónsdóttir keppir mun Guðrún strax fara að keppa um töluvert hærri fjárhæðir. „Ég stefni fyrst á Evrópumótaröðina, reyni við það skref. Maður er ekkert að vinna mikinn pening á þessari mótaröð sem ég er á og þetta getur verið dýrt en svo hjálpar auðvitað þegar gengur vel.“
Birtist í Fréttablaðinu Golf Mest lesið Snorri Barón um Söru: „Ógeð sem enginn á að þurfa að ganga í gegnum“ Sport Uppgjör, myndir og viðtöl: Valur - Grindavík 89-79 | Valsmenn leiða í baráttunni um Íslandsmeistaratitilinn Körfubolti Stjarnan handtekin á leiðinni á völlinn: „Hann er á leið í fangelsi“ Golf Efsti kylfingur á heimslista á yfir höfði sér fjórar ákærur Golf Klopp enn fúll út í Maddison eftir að Liverpool missti af titlinum 2019 Enski boltinn Tiger og McIlroy hunsuðu hvorn annan Golf Uppgjörið og viðtöl: Keflavík - Njarðvík 94-91 | Tvíframlengdur spennutryllir Körfubolti Úr húsvarðarstarfi í atvinnumennsku Handbolti Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Íslenski boltinn Grín sem snerist mjög fljótt upp í alvöru Handbolti Fleiri fréttir Schauffele heldur forystunni en Tiger langt frá niðurskurðinum Gríðarmikill fögnuður þegar Scheffler mætti á völlinn Efsti kylfingur á heimslista á yfir höfði sér fjórar ákærur Stjarnan handtekin á leiðinni á völlinn: „Hann er á leið í fangelsi“ Upphafshöggi frestað vegna banaslyss skammt frá vellinum Tiger og McIlroy hunsuðu hvorn annan McIlroy í baráttunni þrátt fyrir yfirvonandi skilnað „Ef hann á slæmt mót þá endar hann samt í topp tíu“ Neitaði að svara spurningum um skilnaðinn Tiger trúir enn á sjálfan sig: „Líður enn eins og ég geti unnið golfmót“ McIlroy sækir um skilnað nokkrum dögum fyrir PGA-meistaramótið Segja vinslit hjá Tiger Woods og Rory McIlroy Tiger og Rory fá rosalega hollustubónusa Rory McIlroy fordæmir falsfrétt „Hann hefur sjokkerað allan heiminn“ Fær miklu meira borgað fyrir sigur á Masters í ár en fyrir tveimur árum „Með betri stjórn á tilfinningunum mínum en nokkurn tímann áður“ Scheffler í sérflokki á Masters Ekkert fær Scheffler stöðvað Tiger Woods spilar samhliða áhugamanni eftir erfiðan gærdag Degi þrjú lokið: Scheffler enn á toppnum þrátt fyrir tvöfaldan skolla Scheffler efstur á meðan Woods fellur neðar og neðar Reiddist áhorfendum eftir þrefaldan skolla: „F**k off“ Þrír á toppnum eftir dag tvö Metið innan seilingar hjá Tiger Woods Tiger þarf að spila 23 holur í dag Útsendingin frá Mastersmótinu byrjar 11.45 í dag Danski tvíburinn sló óvænt í gegn fyrir myrkur „Það verður hátíð næstu daga“ Það sem þú þarft að vita fyrir Masters mótið sem byrjar í dag Sjá meira
Uppgjör, myndir og viðtöl: Valur - Grindavík 89-79 | Valsmenn leiða í baráttunni um Íslandsmeistaratitilinn Körfubolti
Uppgjör, myndir og viðtöl: Valur - Grindavík 89-79 | Valsmenn leiða í baráttunni um Íslandsmeistaratitilinn Körfubolti