Nýtur lífsins á ferðinni Starri Freyr Jónsson skrifar 27. ágúst 2018 08:15 „Það skiptir öllu máli að stunda hreyfingu sem maður hefur gaman af, því að þetta þarf að vera gaman. Með góðri mætingu á æfingar og ástundun kemur bæting á tíma og betri heilsa,“ segir Ragnheiður Sverrisdóttir hönnuður, sem hefur stundað fjölbreytta hreyfingu undanfarin fjögur ár. Fréttablaðið/ernir Undanfarin fjögur ár hefur Ragnheiður Sverrisdóttir hönnuður stundað götuhlaup, sund og hjólreiðar af kappi ásamt svokölluðum hreyfiferðum en þar er blandað saman hefðbundnum skoðunarferðum við ýmiss konar hreyfingu, þá helst hlaup eða hjól. Hún segir það vera algjörlega nýja upplifun að skoða nýjar borgir og fallega náttúru erlendis með slíkum hætti. „Þegar ég hleyp í borg erlendis sem ég hef ekki heimsótt áður þá hleyp ég meira um græn svæði sem ég hefði væntanlega ekki heimsótt og kynnist borginni um leið á annan hátt. Þegar ég skoða nýjar borgir á hjóli kemst ég auðveldlega og hratt á milli staða og sé mikið á stuttum tíma en upplifi um leið borgina betur en ef ég væri á bíl eða í neðanjarðarlest. Svo er líka mjög gaman að fara í slíkar hjólaferðir með leiðsögumanni.“Frábær ákvörðun Þær eru nokkrar hreyfi ferðirnar sem Ragnheiður hefur farið í undanfarin ár. „Ég fór t.d. til Tenerife á Kanaríeyjum í febrúar 2017 og dvaldi þar í viku. Ég var tiltölulega nýbyrjuð að hjóla á þeim tíma en ákvað samt að skella mér með hnút í maganum þar sem ég vissi ekki hvort ég væri í nógu góðu formi.“ Það reyndist frábær ákvörðun, segir hún. „Ég var í mun betra formi en ég átti von á og svo var öll ferðin svo vel heppnuð. Það var eitthvað á dagskrá alla daga og hægt að velja á milli þess að hjóla, hlaupa eða synda. Vikan mín skiptist upp í fimm daga á hjóli og tvo daga þar sem ég hljóp. Hjólaferðirnar voru mjög krefjandi en um leið var alveg stórkostlegt að fara yfir svæðið á hjóli.“ Hlaupadagarnir tveir voru nýttir í hlaup snemma morguns þar sem ströndin og nágrenni hennar var kannað. „Ég fór einnig tvisvar sinnum í sjósund með félögum úr hópnum en þar voru margir reyndir sjósundskappar tilbúnir að aðstoða nýliða eins og mig.“„Þegar ég hleyp í borg erlendis sem ég hef ekki heimsótt áður þá hleyp ég meira um græn svæði sem ég hefði væntanlega ekki heimsótt og kynnist borginni um leið á annan hátt,“ segir Ragnheiður.Fréttablaðið/ernirDásamlegt útsýni Dvölin á Tenerife var afar eftirminnileg að hennar sögn. „Í annarri hjólaferðinni okkar hjóluðum við upp í fjallaþorpið Masca sem er í 650 metra hæð. Ég var með mikla strengi eftir fyrstu hjólaferðina þannig að fyrstu kílómetrarnir voru hrikalega erfiðir. Útsýnið uppi var dásamlegt og svo brunuðum við niður brekkurnar. Þetta er ótrúlega mögnuð tilfinning, að sjá fegurðina, finna hitann og lyktina af náttúrunni. Við fórum einnig í dagsferð til eyjunnar La Gomera og hjóluðum stóran hring. Þar er mikil ósnortin náttúra í fjöllunum og skóginum enda var ógleymanlegt að hjóla þar.“ Sikiley næst á dagskrá Næsta stóra ferðalag verður í október en þá heldur hún til Sikileyjar á Ítalíu ásamt fríðu föruneyti. Þar dvelur hópurinn í tíu daga þar sem m.a. verður hlaupið, hjólað og synt í fallegu umhverfi. „Ég bjó um tíma á Ítalíu og hef því ferðast aðeins um eyjuna. Við munum m.a. taka hjólatúra og skoða bæina Erice, sem er á vesturhluta eyjunnar, til San Vito, sem er á norðvesturhluta eyjunnar og Corleone, sem er m.a. þekktur sem fæðingarstaður þekktra mafíósa úr bíómyndum. Einnig tökum við þátt í maraþonhlaupi í Palermo sem er stærsta borg Sikileyjar. Það verður því svo sannarleg margt að sjá og gera á meðan þessi dvöl stendur yfir.“Hádegismatur borðaður á litlum veitingasað upp á fjalli á La Gomera eyju sem er hluti af Kanaríeyjum.Þakkar syni sínum Ragnheiður Sverrisdóttir segist geta þakkað syni sínum, Sverri Bartolozzi, þá miklu breytingu sem varð á lífsstíl hennar fyrir um fjórum árum. „Ég hef alltaf synt eitthvað í gegnum tíðina. Einn daginn, eftir langa pásu, dreif ég mig í sund og sagði við son minn eftir á að þetta hefði verið dásamleg sundferð. Þá horfði hann á mig og sagði: „Mamma, af hverju stundar þú þetta ekki reglulega?“ Hann hafði auðvitað rétt fyrir sér og ég lofaði sjálfri mér að taka alltaf frá tíma til að stunda íþróttir.“ Upp frá því hóf hún að hlaupa með skokkhópi Álftaness vorið 2014. „Í fyrstu setti ég mér einfaldlega það markmið að mæta. Það gekk eftir og ég mætti þrisvar í viku ásamt því að synda áfram tvisvar sinnum í viku. Árið 2016 fór ég ásamt vinkonu minni á kynningarfund hjá Þríkó, Þríþrautarfélagi Breiðabliks. Við skráðum okkur í félagið og þá bættust hjólin inn í æfingaplanið og sundæfingar með þjálfara.“ Ragnheiður hefur því sannarlega breytt um lífsstíl á undanförnum árum. Hún segist njóta þess að hreyfa sig og stunda fjölbreytta líkamsrækt. „Ég tek æfingu á hverjum degi og stundum tvær á dag, t.d. hlaup og síðan sund eftir á. Það skiptir öllu máli að stunda hreyfingu sem maður hefur gaman af því þetta þarf að vera gaman. Með góðri mætingu á æfingar og ástundun kemur bæting á tíma og betri heilsaHluti af hjólaleiðinni sem hópurinn fór á La Gomera eyju. Birtist í Fréttablaðinu Heilsa Hjólreiðar Mest lesið Forsetaáskorunin: „Fóru Bandaríkjamenn í raun til tunglsins?“ Lífið Allir halda stjörnu og OTO fær viðurkenningu Matur Balti var í hesthúsinu þegar Jason Statham hringdi Bíó og sjónvarp Bíða eftir pizzu og potti eftir milljón króna göngu Lífið Bjöggi Takefusa og Sólveig nefna dótturina Lífið Stjörnulífið: „Tvær klámkerlingar á kynfræðiráðstefnu“ Lífið Elísa Viðars og Rasmus nefndu soninn Lífið Fór á sveitaball og keypti kálfa á klósettinu Lífið Forsetaáskorunin: Hefur aldrei lent í slagsmálum Lífið Af vængjum fram: „Aldrei“ notað fíkniefni og er alls ekki með nein húðflúr Lífið Fleiri fréttir Bíða eftir pizzu og potti eftir milljón króna göngu Forsetaáskorunin: „Fóru Bandaríkjamenn í raun til tunglsins?“ Fór á sveitaball og keypti kálfa á klósettinu Bjöggi Takefusa og Sólveig nefna dótturina Elísa Viðars og Rasmus nefndu soninn Stjörnulífið: „Tvær klámkerlingar á kynfræðiráðstefnu“ Kate Beckinsale lætur tröllin heyra það Edda Falak á von á dreng Af vængjum fram: „Aldrei“ notað fíkniefni og er alls ekki með nein húðflúr „Það er aldeilis ekki sjálfsagt að hafa heilsu“ Springsteen aflýsir nokkrum tónleikum af heilsufarsástæðum Kosningalag: Örþrifaráð eða snilldarútspil? Forsetaáskorunin: Hefur aldrei lent í slagsmálum Brauðtertuveisla í brauðtertusamkeppni á Selfossi Skönnuðu Aldísi frá toppi til táar og gleymdu ekki tönnunum Fer fótgangandi tæpa 800 kílómetra Krakkatían: Ljón, líffæri og landafræði Af vængjum fram: Ekki viss um að hann myndi þekkja lyktina af hassi Millie Bobby Brown og sonur Bon Jovi orðin hjón Forsetaáskorunin: Lærbraut sig út í móa og beið lengi eftir aðstoð Ganga 111 kílómetra til styrktar börnum í Gasa Fréttatía vikunnar: Forsetakosningar, ókyrrð og kisur Af vængjum fram: „Ég er að breytast í dreka hérna með þér“ Heimsóttu 160 battavelli á átta dögum Forsetaáskorunin: Innbrotsþjófurinn reyndist vera mamman Stofutónleikar Bubba og Víkings Heiðars til stuðnings Katrínu „Parkinn er þannig að hann étur menn upp ef þeir ekki hreyfa sig“ Sitt sýnist hverjum um nýja mynd af Katrínu Binni Glee hrundi til jarðar í Köben Eitt mesta átvagl sögunnar hætt að keppa: „Ekki lengur svangur“ Sjá meira
Undanfarin fjögur ár hefur Ragnheiður Sverrisdóttir hönnuður stundað götuhlaup, sund og hjólreiðar af kappi ásamt svokölluðum hreyfiferðum en þar er blandað saman hefðbundnum skoðunarferðum við ýmiss konar hreyfingu, þá helst hlaup eða hjól. Hún segir það vera algjörlega nýja upplifun að skoða nýjar borgir og fallega náttúru erlendis með slíkum hætti. „Þegar ég hleyp í borg erlendis sem ég hef ekki heimsótt áður þá hleyp ég meira um græn svæði sem ég hefði væntanlega ekki heimsótt og kynnist borginni um leið á annan hátt. Þegar ég skoða nýjar borgir á hjóli kemst ég auðveldlega og hratt á milli staða og sé mikið á stuttum tíma en upplifi um leið borgina betur en ef ég væri á bíl eða í neðanjarðarlest. Svo er líka mjög gaman að fara í slíkar hjólaferðir með leiðsögumanni.“Frábær ákvörðun Þær eru nokkrar hreyfi ferðirnar sem Ragnheiður hefur farið í undanfarin ár. „Ég fór t.d. til Tenerife á Kanaríeyjum í febrúar 2017 og dvaldi þar í viku. Ég var tiltölulega nýbyrjuð að hjóla á þeim tíma en ákvað samt að skella mér með hnút í maganum þar sem ég vissi ekki hvort ég væri í nógu góðu formi.“ Það reyndist frábær ákvörðun, segir hún. „Ég var í mun betra formi en ég átti von á og svo var öll ferðin svo vel heppnuð. Það var eitthvað á dagskrá alla daga og hægt að velja á milli þess að hjóla, hlaupa eða synda. Vikan mín skiptist upp í fimm daga á hjóli og tvo daga þar sem ég hljóp. Hjólaferðirnar voru mjög krefjandi en um leið var alveg stórkostlegt að fara yfir svæðið á hjóli.“ Hlaupadagarnir tveir voru nýttir í hlaup snemma morguns þar sem ströndin og nágrenni hennar var kannað. „Ég fór einnig tvisvar sinnum í sjósund með félögum úr hópnum en þar voru margir reyndir sjósundskappar tilbúnir að aðstoða nýliða eins og mig.“„Þegar ég hleyp í borg erlendis sem ég hef ekki heimsótt áður þá hleyp ég meira um græn svæði sem ég hefði væntanlega ekki heimsótt og kynnist borginni um leið á annan hátt,“ segir Ragnheiður.Fréttablaðið/ernirDásamlegt útsýni Dvölin á Tenerife var afar eftirminnileg að hennar sögn. „Í annarri hjólaferðinni okkar hjóluðum við upp í fjallaþorpið Masca sem er í 650 metra hæð. Ég var með mikla strengi eftir fyrstu hjólaferðina þannig að fyrstu kílómetrarnir voru hrikalega erfiðir. Útsýnið uppi var dásamlegt og svo brunuðum við niður brekkurnar. Þetta er ótrúlega mögnuð tilfinning, að sjá fegurðina, finna hitann og lyktina af náttúrunni. Við fórum einnig í dagsferð til eyjunnar La Gomera og hjóluðum stóran hring. Þar er mikil ósnortin náttúra í fjöllunum og skóginum enda var ógleymanlegt að hjóla þar.“ Sikiley næst á dagskrá Næsta stóra ferðalag verður í október en þá heldur hún til Sikileyjar á Ítalíu ásamt fríðu föruneyti. Þar dvelur hópurinn í tíu daga þar sem m.a. verður hlaupið, hjólað og synt í fallegu umhverfi. „Ég bjó um tíma á Ítalíu og hef því ferðast aðeins um eyjuna. Við munum m.a. taka hjólatúra og skoða bæina Erice, sem er á vesturhluta eyjunnar, til San Vito, sem er á norðvesturhluta eyjunnar og Corleone, sem er m.a. þekktur sem fæðingarstaður þekktra mafíósa úr bíómyndum. Einnig tökum við þátt í maraþonhlaupi í Palermo sem er stærsta borg Sikileyjar. Það verður því svo sannarleg margt að sjá og gera á meðan þessi dvöl stendur yfir.“Hádegismatur borðaður á litlum veitingasað upp á fjalli á La Gomera eyju sem er hluti af Kanaríeyjum.Þakkar syni sínum Ragnheiður Sverrisdóttir segist geta þakkað syni sínum, Sverri Bartolozzi, þá miklu breytingu sem varð á lífsstíl hennar fyrir um fjórum árum. „Ég hef alltaf synt eitthvað í gegnum tíðina. Einn daginn, eftir langa pásu, dreif ég mig í sund og sagði við son minn eftir á að þetta hefði verið dásamleg sundferð. Þá horfði hann á mig og sagði: „Mamma, af hverju stundar þú þetta ekki reglulega?“ Hann hafði auðvitað rétt fyrir sér og ég lofaði sjálfri mér að taka alltaf frá tíma til að stunda íþróttir.“ Upp frá því hóf hún að hlaupa með skokkhópi Álftaness vorið 2014. „Í fyrstu setti ég mér einfaldlega það markmið að mæta. Það gekk eftir og ég mætti þrisvar í viku ásamt því að synda áfram tvisvar sinnum í viku. Árið 2016 fór ég ásamt vinkonu minni á kynningarfund hjá Þríkó, Þríþrautarfélagi Breiðabliks. Við skráðum okkur í félagið og þá bættust hjólin inn í æfingaplanið og sundæfingar með þjálfara.“ Ragnheiður hefur því sannarlega breytt um lífsstíl á undanförnum árum. Hún segist njóta þess að hreyfa sig og stunda fjölbreytta líkamsrækt. „Ég tek æfingu á hverjum degi og stundum tvær á dag, t.d. hlaup og síðan sund eftir á. Það skiptir öllu máli að stunda hreyfingu sem maður hefur gaman af því þetta þarf að vera gaman. Með góðri mætingu á æfingar og ástundun kemur bæting á tíma og betri heilsaHluti af hjólaleiðinni sem hópurinn fór á La Gomera eyju.
Birtist í Fréttablaðinu Heilsa Hjólreiðar Mest lesið Forsetaáskorunin: „Fóru Bandaríkjamenn í raun til tunglsins?“ Lífið Allir halda stjörnu og OTO fær viðurkenningu Matur Balti var í hesthúsinu þegar Jason Statham hringdi Bíó og sjónvarp Bíða eftir pizzu og potti eftir milljón króna göngu Lífið Bjöggi Takefusa og Sólveig nefna dótturina Lífið Stjörnulífið: „Tvær klámkerlingar á kynfræðiráðstefnu“ Lífið Elísa Viðars og Rasmus nefndu soninn Lífið Fór á sveitaball og keypti kálfa á klósettinu Lífið Forsetaáskorunin: Hefur aldrei lent í slagsmálum Lífið Af vængjum fram: „Aldrei“ notað fíkniefni og er alls ekki með nein húðflúr Lífið Fleiri fréttir Bíða eftir pizzu og potti eftir milljón króna göngu Forsetaáskorunin: „Fóru Bandaríkjamenn í raun til tunglsins?“ Fór á sveitaball og keypti kálfa á klósettinu Bjöggi Takefusa og Sólveig nefna dótturina Elísa Viðars og Rasmus nefndu soninn Stjörnulífið: „Tvær klámkerlingar á kynfræðiráðstefnu“ Kate Beckinsale lætur tröllin heyra það Edda Falak á von á dreng Af vængjum fram: „Aldrei“ notað fíkniefni og er alls ekki með nein húðflúr „Það er aldeilis ekki sjálfsagt að hafa heilsu“ Springsteen aflýsir nokkrum tónleikum af heilsufarsástæðum Kosningalag: Örþrifaráð eða snilldarútspil? Forsetaáskorunin: Hefur aldrei lent í slagsmálum Brauðtertuveisla í brauðtertusamkeppni á Selfossi Skönnuðu Aldísi frá toppi til táar og gleymdu ekki tönnunum Fer fótgangandi tæpa 800 kílómetra Krakkatían: Ljón, líffæri og landafræði Af vængjum fram: Ekki viss um að hann myndi þekkja lyktina af hassi Millie Bobby Brown og sonur Bon Jovi orðin hjón Forsetaáskorunin: Lærbraut sig út í móa og beið lengi eftir aðstoð Ganga 111 kílómetra til styrktar börnum í Gasa Fréttatía vikunnar: Forsetakosningar, ókyrrð og kisur Af vængjum fram: „Ég er að breytast í dreka hérna með þér“ Heimsóttu 160 battavelli á átta dögum Forsetaáskorunin: Innbrotsþjófurinn reyndist vera mamman Stofutónleikar Bubba og Víkings Heiðars til stuðnings Katrínu „Parkinn er þannig að hann étur menn upp ef þeir ekki hreyfa sig“ Sitt sýnist hverjum um nýja mynd af Katrínu Binni Glee hrundi til jarðar í Köben Eitt mesta átvagl sögunnar hætt að keppa: „Ekki lengur svangur“ Sjá meira