Bílar

Mitsubishi á fleygiferð

Finnur Orri Thorlacius skrifar
Mitsubishi Outlander PHEV er söluhæsta bílgerð Mitsubishi hérlendis.
Mitsubishi Outlander PHEV er söluhæsta bílgerð Mitsubishi hérlendis.

Mitsubishi er það bílavörumerki á Íslandi sem vaxið hefur hraðast fyrstu sex mánuði ársins 2018 samanborið við sama tímabil í fyrra. Salan á þessum japönsku bílum sem Íslendingar hafa haldið tryggð við um áratuga skeið hefur tvöfaldast milli ára og er það nærri tvöfalt meiri aukning en á þeirri bílategund sem næst kemur.

Raunar er það svo að fyrstu sex mánuði ársins eru tvö vörumerki frá Heklu á topp þremur yfir mest seldu bílategundirnar á einstaklingsmarkaði, Mitsubishi og Volks­wagen, og Hekla er það bílaumboð sem selt hefur næstflesta bíla á þeim markaði.

Þegar kemur að vistvænum bílum kemst ekkert umboð með tærnar þar sem Hekla hefur hælana en tæplega 60% allra vistvænna bíla sem selst hafa fyrstu sex mánuði ársins koma frá Heklu og bera Mitsubishi og Volkswagen höfuð og herðar yfir aðrar tegundir þegar kemur að tengiltvinnbílum.

Mitsubishi Outlander trónir þar á toppnum og Volkswagen Golf er í öðru sæti. Hekla heldur því áfram að vera leiðandi þegar kemur að sölu vistvænna bíla og þessar tölur endur­spegla glögglega græna afstöðu fyrirtækisins í umferðinni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.