Lífið

Keppandi í The Bachelorette sendur í leyfi eftir ásakanir um kynferðislega áreitni

Stefán Árni Pálsson skrifar
Leo komst nokkuð langt í þáttunum að þessu sinni en hann er hér lengst til vinstri
Leo komst nokkuð langt í þáttunum að þessu sinni en hann er hér lengst til vinstri

Þættirnir The Bachelorette njóta sífellt meiri vinsælda um heim allan og sérstaklega í Bandaríkjunum.

Í byrjun vikunnar kláraðist 14. þáttaröðin og gaf Becca Kufrin út síðustu rósina en þeir sem vilja lesa um það hvernig þáttaröðin endaði geta farið inn í þessa frétt.

Í þáttunum kepptu fjölmargir myndalegir karlmenn um hjarta Becca og einn af þeim er áhættuleikarinn Leo Dottavio.

Hann hefur starfað hjá framleiðslufyrirtækinu Universial Studios undanfarið en TMZ greinir frá því að hann hafi verið sendur í leyfi frá fyrirtækinu eftir að ásakanir um kynferðislega áreitni fóru að berast frá samstarfskonum hans.

Nokkrar konur hafa stigið fram og lýst því hvernig Dottavio áreitti þær með því að faðma þær í tíð og ótíma og reyna ítrekað við þær og hafi verið mjög ágengur. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.