Lífið

Deila Musk vegna prumpandi einhyrnings leyst

Samúel Karl Ólason skrifar
Elon Musk.
Elon Musk. Vísir/AP

Elon Musk og leirgerðarmaðurinn Tom Edwards hafa komist að samkomulagi vegna deilu þeirra um mynd af prumpandi einhyrningi. Þetta tilkynnti Edwards í dag án þess að taka fram í hverju lausnin fælist. Þess í stað sagði hann alla aðila vera ánægða.

Deiluna má rekja til þess að Musk tísti myndinni umræddu á bolla á síðasta ári. Í kjölfarið fóru svipaðar myndir að birtast í viðmóti bíla Tesla, fyrirtækis Musk, og á auglýsingum. Edwards sagði það hafa verið gert án hans leyfis.

Í síðasta mánuði lenti Musk í rifrildi við dóttur Edwards á Twitter þar sem hún sagði auðjöfurinn hafa stolið hugverki föður síns.

Musk svaraði á þá leið að hann gæti breytt myndunum og bætti svo við að Edwards ætti að vera ánægður með að aukna sölu bollanna.

Nú í dag tísti Musk yfirlýsingu Edwards. Hér fyrir neðan má sjá tíst Musk og tíst dóttur Edwards frá því í síðasta mánuði.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.