Lífið

Bieber rýfur þögnina: „Þú ert ástin í lífi mínu, Hailey Baldwin“

Kristín Ólafsdóttir skrifar
Mynd af turtildúfunum sem Bieber birti með færslunni í gær.
Mynd af turtildúfunum sem Bieber birti með færslunni í gær. Instagram/@justinbieber

Kanadíski söngvarinn Justin Bieber hefur nú tjáð sig um trúlofun sína og bandarísku fyrirsætunnar Hailey Baldwin. Ekkert hafði heyrst frá parinu síðan fréttir bárust af trúlofuninni um helgina en Bieber lýsti yfir ást sinni á Baldwin á Instagram í gær.

Í færslunni sagðist söngvarinn hafa ætlað að bíða með að tjá sig um málið – en fiskisagan fljúgi. Þá hét hann bæði Baldwin og fjölskyldum þeirra beggja tryggð sinni um alla ævi.

„Hjarta mitt er FULLKOMLEGA og ALGJÖRLEGA ÞITT og ég mun ALLTAF setja þig í fyrsta sæti! Þú ert ástin í lífi mínu, Hailey Baldwin, og ég myndi ekki vilja verja því með neinum öðrum,“ skrifaði Bieber.

Sjá einnig: Aðdáendur í öngum sínum vegna trúlofunar Biebers: „Hverjum í fjandanum á ég núna að giftast?“

Þá svipti Bieber hulunni af því hvenær hann hefði skellt sér á skeljarnar, nefnilega á laugardaginn, þann 7. júlí síðastliðinn.

„Tímasetning Guðs er bókstaflega fullkomin, við trúlofuðum okkur sjöunda dag hins sjöunda mánaðar, talan sjö er tala andlegrar fullkomnunar, það er satt GÚGLIÐ ÞAÐ!“

Það er því ljóst að ástin sveif yfir vötnum þann 7. júlí síðastliðinn en knattspyrnumaðurinn Gylfi Sigurðsson og kærasta hans, Alexandra Helga Ívarsdóttir, trúlofuðu sig einnig þann dag, líkt og Vísir greindi frá í gær.


 
Was gonna wait a while to say anything but word travels fast, listen plain and simple Hailey I am soooo in love with everything about you! So committed to spending my life getting to know every single part of you loving you patiently and kindLY. I promise to lead our family with honor and integrity letting Jesus through his Holy Spirit guide us in everything we do and every decision we make. My heart is COMPLETELY and FULLY YOURS and I will ALWAYS put you first! You are the love of my life Hailey Baldwin and I wouldn’t want to spend it with anybody else. You make me so much better and we compliment eachother so well!! Can’t wait for the best season of life yet!. It’s funny because now with you everything seems to make sense! The thing I am most excited for is that my little brother and sister get to see another healthy stable marriage and look for the same!!! Gods timing really is literally perfect, we got engaged on the seventh day of the seventh month, the number seven is the number of spiritual perfection, it’s true GOOGLE IT! Isn’t that nuts? By the way I didn’t plan that, anyways My goodness does feel good to have our future secured! WERE GONNA BE BETTER AT 70 BABY HERE WE GO! “He who finds a wife finds a good thing and obtains FAVOR from the Lord!” This is the year of favor!!!!
A post shared by Justin Bieber (@justinbieber) on


Tengdar fréttir

Justin Bieber trúlofaður

Kanadíski hjartaknúsarinn Justin Bieber er sagður hafa trúlofast kærustu sinni Hailey Baldwin í fríi þeirra á Bahamaeyjum



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.