Brjóstmyndin fáránlega af Cristiano Ronaldo fjarlægð af flugvellinum

Búið er að lagfæra brjóstmynd af portúgalska knattspyrnumanninum Cristiano Ronaldo sem var afhjúpuð á Madeira flugvellinum í Portúgal í fyrra.

Upprunalega styttan þótti í meira lagi fáránleg en listamaðurinn sagði það einfaldlega smekksatriði. Portúgalskir fjölmiðlar segja að fjölskylda Ronaldos hafi óskað eftir því að styttan yrði fjarlægð og ný gerð í staðinn.

Íbúar Madeira eru hins vegar ekki allir á eitt sáttir. Brjóstmyndin ljóta vakti heimsathygli og telja margir hana hafa haft aðdráttarafl fyrir ferðamenn.