Fótbolti

Mancini tekinn við Ítölum

Anton Ingi Leifsson skrifar
Mancini er tekinn við Ítalíu.
Mancini er tekinn við Ítalíu. vísir/afp
Roberto Mancini er tekinn við ítalska landsliðinu í knattspyrnu en þetta tilkynnti ítalska sambandið í kvöld.

Mancini tekur við liðinu af Luigi Di Biago en hann stökk í skarðið eftir að Gian Piero Ventura var látinn fara eftir að liðinu mistókst að tryggja sér sæti á HM í sumar.

Mancini var síðast við stjórnvölinn hjá Zenit í Rússlandi en þar var hann við stjórnvölinn í tæpt ár. Hann hefur einnig þjálfað til að mynda hjá Man. City og Inter.

Ítalía er með Portúgal og Póllandi í Þjóðardeildinni sem hefst í haust en fyrsti leikur Mancini með Ítalíu verður síðar í mánuðinum er liðið spilar vináttuleik við Sádi Arabíu.

Fótbolti

Mest lesið


Fleiri fréttir

Sjá meira


×

Mest lesið