Frítt í Strætó styður Borgarlínu Snædís Karlsdóttir skrifar 17. maí 2018 22:47 Meirihlutinn lætur í veðri vaka að allir þeir sem vilji, með róttækum aðgerðum fá fleiri farþega í Strætó séu á móti öllum áformum um Borgarlínu. Að allar lausnir sem gætu verið til þess fallnar að auka nýtni og skilvirkni núverandi vegakerfis séu sjálfkrafa árásir á hugmyndir og framtíðaráform um bættar almenningssamgöngur á Höfuðborgarsvæðinu. Slíkar fullyrðingar eru hins vegar fullkominn útúr snúningur og fjarri lagi er varðar tillögur framboðs Framsóknarflokksins í Reykjavík.Fjárfesting án farþega og á röngum forsendum?Það er auðvitað ekki óeðlilegt að vilja slá varnagla í áform um Borgarlínu á þessum tímapunkti. En þá er sér í lagi tvennt sem gefur tilefni til þess að staldrað sé við. Í fyrsta lagi er algjör grundvallarforsenda þess að Borgarlínan reynist farsæl og skynsöm fjárfesting að hlutdeild almenningssamgangna í ferðum á höfuðborgarsvæðinu aukist verulega. Reynt hefur verið síðustu ár að gera nákvæmlega það, með því að setja aukið fé inn í rekstur Strætó. Skemmst er frá því að segja að það hefur ekki skilað tilætluðum árangri. Nú á að veðja á að ef frjárfest verði í Borgarlínu þá loksins munu farþegarnir koma. Það er ekki óeðlilegt að vera ekki sannfærður um ágæti þess veðmáls. Í öðru lagi er Borgarlínan hönnuð út frá forsendum aðalskipulags um þétta byggð í Vatnsmýri. Þessi hönnunarforsenda endurspeglast í því að allar leiðir línunnar liggja niður á BSÍ. Þetta gerir það að verkum að nauðsynlegt myndi reynast að leggja Miklubraut í stokk með gríðarlegum tilkostnaði. Með öðrum orðum er gert ráð fyrir því að flugvallarstæðið í Vatnsmýrinni sé ekki fyrirstaða. Það gleymist hins vegar í umræðunni að flugvöllurinn getur ekki farið fyrr en annar hefur verið byggður, sem mun kosta ríkið a.m.k. 200 milljarða. Ef sú fjárhæð er sett í samhengi við þá staðreynd að nýlega voru teknir 4 milljarðar úr varasjóði ríkissins til þess að sinna brýnum vegaframkvæmdum á vegakerfi sem er að hrynja undan álagi á landinu öllu, verður að teljast ólíklegt að ríkið forgangsraði fjármagni í nýjan flugvöll í nánustu framtíð. Mögulega væri skynsamlegt að aðlaga sig að þessum veruleika og bíða með jarðgangagerð í Hlíðunum.Velgengni Strætó er forsenda BorgarlínuFramsóknarflokkurinn í Reykjavík vill veg almenningssamgangna sem mestan. Við viljum leita allra leiða til þess að auka hlutdeild Stætóferða í heildarferðum, það er hagkvæmt fyrir alla. Við leggjum til að gefið verði frítt í Strætó í eitt ár en það hefur gefið góða raun víða um heim og gert nákvæmlega það, fjölgað farþegum. Jafnframt viljum við styðja visvænni ferðahegðun háskólanema með því að bjóða þeim ríflegan samgöngustyrk sem nemur 20 þúsund kr. á mánuði fyrir það að ganga, hjóla eða taka Strætó í skólann. Báðum þessum verkefnum er ætlað að ná í nýja notendur almenningssamgangna til framtíðar. Gangi þessi verkefni vel og notendum Strætó fjölgar til muna, mun það beinlínis réttlæta og kalla á betri þjónustu, td. í formi Borgarlínu.Höfundur skipar 2. sæti á lista Framsóknarflokksins í Reykjavík. Viltu birta grein á Vísi? Sendu okkur póst. Senda grein Mest lesið Enga saltdreifara á Bessastaði takk Skírnir Garðarsson Skoðun Óbærileg léttúð VG Jakob Frímann Magnússon Skoðun Spurðu fólkið Halla Tómasdóttir Skoðun Bakslag í streymi Silja Snædal Drífudóttir Skoðun Eins og sandur úr greip Jón Steindór Valdimarsson Skoðun Afkomuviðvörun Jón Ingi Hákonarson Skoðun Hver er þinn innri áttaviti? Signý Gyða Pétursdóttir Skoðun Sögufölsun eytt í kyrrþey Hjörtur Hjartarson Skoðun Hvernig forseta vilt þú? Valdís Arnarsdóttir Skoðun Góð manneskja í djobbið Halldór Guðmundsson Skoðun Skoðun Skoðun Góð manneskja í djobbið Halldór Guðmundsson skrifar Skoðun Afkomuviðvörun Jón Ingi Hákonarson skrifar Skoðun Hver er þinn innri áttaviti? Signý Gyða Pétursdóttir skrifar Skoðun Eins og sandur úr greip Jón Steindór Valdimarsson skrifar Skoðun Enga saltdreifara á Bessastaði takk Skírnir Garðarsson skrifar Skoðun Hvernig forseta vilt þú? Valdís Arnarsdóttir skrifar Skoðun Spurðu fólkið Halla Tómasdóttir skrifar Skoðun Vopn, sprengjur og annað eins Árný Björg Blandon skrifar Skoðun Hvar er eldhúsglugginn? Elsa Ævarsdóttir skrifar Skoðun Bakslag í streymi Silja Snædal Drífudóttir skrifar Skoðun Tímaskekkja á 21. öldinni Valerio Gargiulo skrifar Skoðun Hver er pælingin? Ásgeir Brynjar Torfason skrifar Skoðun Í átt að velsæld á nokkrum mínútum Olga Björt Þórðardóttir skrifar Skoðun Er fyrirmyndarríkið Ísland í ruslflokki í sorpmálum? Sigurður Páll Jónsson skrifar Skoðun Takk fyrir vettlingana! Hópur foreldra leikskólabarna í Reykjavík skrifar Skoðun Hvað varð um samveruna? Hildur Gunnarsdóttir skrifar Skoðun Listir og velferð Kristín Valsdóttir skrifar Skoðun Er forsetaframbjóðendum umhugað um dýravernd? Árni Stefán Árnason skrifar Skoðun Þegar þú vilt miklu meira bákn Hjörtur J. Guðmundsson skrifar Skoðun Óbærileg léttúð VG Jakob Frímann Magnússon skrifar Skoðun Að hafa áhrif á nærumhverfi sitt Guðbrandur Einarsson skrifar Skoðun Framtíð innri markaðarins Gunnar Bragi Sveinsson skrifar Skoðun Satt og logið Bryndís Schram skrifar Skoðun Alþjóðlegi leiðsöguhundadagurinn Sigþór U. Hallfreðsson skrifar Skoðun Framsókn leggst ekki í duftið Guðmundur Birkir Þorkelsson skrifar Skoðun Að dreyma um alheim góðvildar Valerio Gargiulo skrifar Skoðun Að bjarga sex lífum á mínútu í hálfa öld Birna Þórarinsdóttir skrifar Skoðun Þegar þú ert báknið Gabríel Ingimarsson skrifar Skoðun Svik við þjóðina Alfreð Sturla Böðvarsson skrifar Skoðun Innivist er mikilvægasti þátturinn við hönnun íbúða! Ásta Logadóttir skrifar Sjá meira
Meirihlutinn lætur í veðri vaka að allir þeir sem vilji, með róttækum aðgerðum fá fleiri farþega í Strætó séu á móti öllum áformum um Borgarlínu. Að allar lausnir sem gætu verið til þess fallnar að auka nýtni og skilvirkni núverandi vegakerfis séu sjálfkrafa árásir á hugmyndir og framtíðaráform um bættar almenningssamgöngur á Höfuðborgarsvæðinu. Slíkar fullyrðingar eru hins vegar fullkominn útúr snúningur og fjarri lagi er varðar tillögur framboðs Framsóknarflokksins í Reykjavík.Fjárfesting án farþega og á röngum forsendum?Það er auðvitað ekki óeðlilegt að vilja slá varnagla í áform um Borgarlínu á þessum tímapunkti. En þá er sér í lagi tvennt sem gefur tilefni til þess að staldrað sé við. Í fyrsta lagi er algjör grundvallarforsenda þess að Borgarlínan reynist farsæl og skynsöm fjárfesting að hlutdeild almenningssamgangna í ferðum á höfuðborgarsvæðinu aukist verulega. Reynt hefur verið síðustu ár að gera nákvæmlega það, með því að setja aukið fé inn í rekstur Strætó. Skemmst er frá því að segja að það hefur ekki skilað tilætluðum árangri. Nú á að veðja á að ef frjárfest verði í Borgarlínu þá loksins munu farþegarnir koma. Það er ekki óeðlilegt að vera ekki sannfærður um ágæti þess veðmáls. Í öðru lagi er Borgarlínan hönnuð út frá forsendum aðalskipulags um þétta byggð í Vatnsmýri. Þessi hönnunarforsenda endurspeglast í því að allar leiðir línunnar liggja niður á BSÍ. Þetta gerir það að verkum að nauðsynlegt myndi reynast að leggja Miklubraut í stokk með gríðarlegum tilkostnaði. Með öðrum orðum er gert ráð fyrir því að flugvallarstæðið í Vatnsmýrinni sé ekki fyrirstaða. Það gleymist hins vegar í umræðunni að flugvöllurinn getur ekki farið fyrr en annar hefur verið byggður, sem mun kosta ríkið a.m.k. 200 milljarða. Ef sú fjárhæð er sett í samhengi við þá staðreynd að nýlega voru teknir 4 milljarðar úr varasjóði ríkissins til þess að sinna brýnum vegaframkvæmdum á vegakerfi sem er að hrynja undan álagi á landinu öllu, verður að teljast ólíklegt að ríkið forgangsraði fjármagni í nýjan flugvöll í nánustu framtíð. Mögulega væri skynsamlegt að aðlaga sig að þessum veruleika og bíða með jarðgangagerð í Hlíðunum.Velgengni Strætó er forsenda BorgarlínuFramsóknarflokkurinn í Reykjavík vill veg almenningssamgangna sem mestan. Við viljum leita allra leiða til þess að auka hlutdeild Stætóferða í heildarferðum, það er hagkvæmt fyrir alla. Við leggjum til að gefið verði frítt í Strætó í eitt ár en það hefur gefið góða raun víða um heim og gert nákvæmlega það, fjölgað farþegum. Jafnframt viljum við styðja visvænni ferðahegðun háskólanema með því að bjóða þeim ríflegan samgöngustyrk sem nemur 20 þúsund kr. á mánuði fyrir það að ganga, hjóla eða taka Strætó í skólann. Báðum þessum verkefnum er ætlað að ná í nýja notendur almenningssamgangna til framtíðar. Gangi þessi verkefni vel og notendum Strætó fjölgar til muna, mun það beinlínis réttlæta og kalla á betri þjónustu, td. í formi Borgarlínu.Höfundur skipar 2. sæti á lista Framsóknarflokksins í Reykjavík.