Viðskipti erlent

Sögufrægur gítarframleiðandi í þrot

Tryggvi Páll Tryggvason skrifar
Jimmy Page mundar Gibson-gítar á tónleikum á síðustu öld.
Jimmy Page mundar Gibson-gítar á tónleikum á síðustu öld. Vísir/Getty

Lánveitendur hins sögufræga bandaríska gítarframleiðanda Gibson hafa tekið yfir fyrirtækið eftir að stjórnendur þess óskuðu eftir því að fyrirtækið yrði tekið til gjaldþrotameðferðar. Margar af helstu tónlistarstjörnum heimsins hafa í gegnum tíðina skartað gítörum frá fyrirtækinu.

Gibson hefur verið skuldum vafið eftir misheppnaðar yfirtökur á raftækjaframleiðendum í von um að með því væri hægt að renna frekari stoðum undir rekstur fyrirtækisins, sem frá árinu 1894 hefur að mestu einbeitt sér að framleiðslu hljóðfæra.

Fyrirtækið er best þekkt fyrir rafmagnsgítara sína sem framleiddir eru í verksmiðjum Gibson í Bandaríkjunum. Elvis Presley, Neil Young, Jimmy Page, Jimi Hendrix og Eric Clapton eru meðal þeirra sem skartað hafa gítörum frá Gibson.

Í frétt Financial Times segir að með því að óska eftir gjaldþrotameðferð geti fyrirtækið starfað áfram en á sama tíma losað sig við þá hluta starfseminnar sem ekki hafa staðið undir væntingum, en rekja má erfiðleika fyrirtækisins að mestu til skuldsettar yfirtöku á hluta af raftækjaframleiðslu Phillips-samstæðunnar árið 2014.

Mun Gibson nú leggja áherslu á kjarnastarfsemi sína, framleiðslu og sölu á hljóðfærum en sú starfsemi hefur gengið vel undanfarin ár. Til að mynda seldi Gibson 170 þúsund gítara á síðasta ári í yfir 80 löndum.

Hér að neðan má sjá yfirferð yfir sögu Gibson Les Paul rafmagnsgítarsins og þar fyrir neðan má sjá tónlistarmanninn Eric Clapton ræða um Les Paul gítar í sinni eigu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
1,68
14
108.465
ORIGO
1,36
2
22.523
N1
0,66
3
35.478
GRND
0,59
1
684
TM
0,45
4
130.573

Mesta lækkun dagsins


Félag
Br.%
Fjöldi
Velta*
EIM
-4,67
11
93.728
EIK
-1,01
4
29.754
SYN
-0,89
4
94.105
SKEL
-0,74
3
45.629
REGINN
-0,63
6
44.001