Veiði

Mikil eftirspurn eftir leyfum í minni árnar

Karl Lúðvíksson skrifar

Þrátt fyrir að veðurfarið sé ekki eins og veiðimenn kjósa þá sitja margir og skoða hvað er í boði í veiðinni í sumar.

Það sem hefur alltaf verið vinsælt eru leyfin í vatnasvæðin og í árnar þar sem menn greiða ekki fyrir hús eða þjónustu heldur sjá um sig sjálfir.  Oft eru þetta litlir vinahópar sem vilja hafa svæðin út af fyrir sig og það er mest eftirspurn í veiðisvæði þar sem er veitt á tvær til fjórar stangir og í þeim flokki er nokkuð mikið úrval.  VIð ætlum í þessum mánuði að skoða framboð hjá veiðileyfasölum og sjá hvað er í boði.  Staðan er að vísu þannig að vinsælustu svæðin eru svo gott sem uppseld en það má engu að síður víða finna lausa daga á góðu verði á tíma þar sem veiðivon er jafnan góð.

Vefurinn www.veida.is er með daga á svæðum sem falla vel inní 2-4 stanga leitarflokkinn að þessu sinni og má þar nefna t.d. Fáksrúð í Dölum, Gljúfurá í Húnaþingi, Laugardalsá, Straumana, Vatnsá og Þverá í Fljótshlíð.  Það er meira í boði inná vefnum sem vert er að skoða en vefurinn sem slíkur er ekki leigutaki að neinu svæði heldur endursöluaðili og það auðveldar svolítið málin þegar verið er að leita af leyfum að finna gott úrval á einum stað.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira